زوجي و اهماله للعلاج

[سلمى العمر]

سلام بنات

عذروني نفسيتي تعبانه اليوم... بعد اسبوعين اكمل خمس سنين زواج ... ما تخيلت ابدا يمر علي خمس سنين بلا ما يكون عندي طفل ...تزوجت كان عمري 26 سنه زوجي طلب مني نضل سنتين بلااولاد لان يريد نعيش حياتنا مع بعض و نسافر و ننبسط يومين قبل ما الاولاد يشغلونا.. وافقته و بالفعل عشنا سنتين حلوين لكن بقلبي كان حسره و انتم تعرفون الناس و كلامهم و انا اتحمل.... بالسنه الثالثه بدأت الح على زوجي بموضوع الاولاد و هو مطنش و اوقات يعملي مشاكل حتى قلت له احجزلي اسافر لاهلي انا خلاص ما عاد اضل معك ... هذا كان بعد 3 سنين زواج و نصف ... اخيرا وافق انه نبدأ نحاول بالاولاد ... فتكم اني انا ما اخدت اي مانع حمل لكن كان المانع طبيعي ...طبعا كنت بعض الاشهر اعمل حالي مخربطه و اجرب ان احمل بعد ما كون ساويت اختبار الاباضه لكن ما صار حمل.... بعد ما اقتنع .... بدأنا نجرب خمس شهور و لا صار حمل انا زرت دكتورتي النسائيه و عملت كل الفحوصات و الصوره الظليله و لما ما بان عندي اي مشكله اعطتني الدكتوره ورقه لتحاليل زوجي و عنوان المخبر... اعطيته الاوراق و تركته على راحته دون ضغط انتظر شهرين حتى راح عالمخبر و انا طبعا على اعصابي ... بعد كم يوم جاب النتائج و كانت الصدمه ... العدد 9 مليون... و الحركة ضعيفه... مضت بعدها ست شهور و لا عمل اي شي لكن خفف دخان ... بعدين الله هداه و قلي خليني اشوف دكتور ... و عاد التحاليل كان العدد 13 مليون ... السبب غير معروف ما عنده دوالي و لا اي مشكله و الدخان قله الدكتور يتركه لكن يترك فتره و يرجع و لما يدخن يدخن بكثافه... اعطاه الدكتور فيتامينات لكن ما نفع .. جربنا شهر التلقيح الصناعي كان عندي بويضتين ممتازات و لكن ما نجح ... الشهر اللي بعده كان المفروض نجرب التلقيح الصناعي لكن تجاوبي مع ادويه التحريض كان عالي ووقت رحت للدكتور حتى اراقب الاباضه باليوم التاسع كانت البويضه ناضجه و قلي الدكتور ما نلحق نعمل تلقيح صناعي لان الاباضه خلال ساعات جربو طبيعي هذا الشهر... لكن الظاهر الله ما كتب لان اليوم احس بآثار دم بدأت.... لكن ما يزعجني اهمال زوجي لعلاجه .. يترك الدخان يومين و يرجع... الفيتامينات وقفها لانها تسببه سمنه... كتبتله لائحة بالاطعمه اللي لازم يركز عليها رماها على جنب فزعلت و اخدتها.. صار عمري 31 سنه و نصف و انا بعدني ناطره الله يهديه .. ما تتخيلون يا بنات قديه اتحمل من كلام الناس و لا احد يرحم و فوق هذا انا صرت ما اتحمل اريد بيبي يمليلي حياتي و هو و لا همه ... شغله و الاخبار و حياته كلها توتر يسهر على الشغل للساعه 3 الفجر و يقوم على شغله من 7 و نص الصبح و التعصيب على ابسط شي متل تاخر اشاره المرور او اذا احد زاره بمكتبه و عطله عن شغله ربع ساعه ... تعبانه كتير عذروني طولت عليكم لكن احتاج افضفض