اغلبية النساء الي قابلتهم كذا هل انتي منهم؟؟؟

[تائبة لله]

بارك الله فيك اختي على هذا الطرح المميز

واسمحولي اقول انو من الجهل والتخلف ان نتدخل في حكمة ربي ونسخط على ما رزقنا من نعمة الذرية الصالحة

اخواتي العزيزات لماذا حين يتأخر الحمل على احدانا تقول يا رب ارزقني يارب ولا تتكبر المهم تريد طفلا من صلبها كذلك الزوج يقول المهم يارب ارزقني

ولكن حين يرزقهم الله يقولون يارب اتمنى ولد يارب اتمنى بنت

هذه الامور بيد الخالق عز وجل

اسأل الله ان يرزق كل مجروم الخلفة الصالحة

انا مثلا اول ماتزوجت تقول حماتي يارب يرزق ابني ولد يحمل اسمو مثل اخواته مارزقهم

بعدين لما تأخر حملي أشهر اصبحت تقول يارب لا اعتراض على حكمتك يارب ارزق ابني واطعمه الخلفة الصالحة لا يهم بنت ام ولد المفيد ذرية صالحة من صلب ابني يارب

لكن زوجي الله يحفظو ويكملو بعقلو عمرو ماضجر من الانتظار ودائما يقول حتى وان لم يرزقنا الله فلا اعتراض على حكمته

وحين حملت قلت له ما تتمنى بنت ام ولد فقال اتمنى ان تقومي انت بالسلامة وما يعطينا ربي فهو خير

اسأل الله ان يرزق كل محروم ويقر عينه بذرية صالحة

اللهم امين واسفة على الاطالة اخواتي

[اروي يقيني]

يوووه احنا عندنا العكس بعايلتنه اللي تجيب بنيه تصير اهي وبنتها محبوبه

واللي بتجيب ولد مايفيسون الولد واعليه

انا توفى ولدي واللحين انا حامل والحمدلله اللي بيجي من الله حياه الله

واللي يقول جذي هذا مؤ حاس بالنعمه اللي اهو فيها غيره مو محصلين ولاواحد

الحمدلله على كل حال

الله قر عيني وعين زوجي بذرية صالحة يارب

[أم أصيـــل]

يااااجماعة الخير صلوا عالنبي,,
المشكله مو هنا
أنا عن نفسي أحب الأولاد مووووووت مووووت
ومع ذلك ماعندي أي إعتراض على حكم الله سبحانه
والله ربي رزقني ولدي أصولي عسى عيني ماتبكيه
فرحت فرح مو طبيعي
وبعد سنتين جبت بنتي وعمري إللي كسرت ظهري ميار
ربي أخذ أمانتها وماعندي إعتراض اللهم لك الحمد
بس سنه وشهرين وغصة موتها تجيني,,
وصورة السونار حقتها ماتفارق البرواز
أوقات أطالع الصورة وأقول لو الله كتب لها عمر
وش كنت بسوي ؟؟؟؟يمكن أكلها من حبي
وألحين أتمنى أحمل أجيب ولد وكل شي بقدرة الله لإني أحب ولدي
يكون عنده أخ,,,,
وأوقات أقول يارب بنوته لإن البنات نعمه وبصراحه البيت لإللي
مافيه إنثى مافيه حياه......

[ARTS]

سبحان الله لسه في ناس عقليتها كذا.؟

البنت والولد خير اهم شي يكونو بصحه وعافيه ويكونو اولاد صالحين
...
اما ان نفسي بالبنت من اول حمل لي..
البنات زينه وحنيه ويملون عليك البيت وسند امها
والعيال فيهم خير
برضوا الي جبات بنات اكيد نفسها بالولد شي طبيعي وفطره سليمه مافيها شي
الولد سند ابوة واهله
لكن استحي اني جبت بنات وماذكرهم..؟ خير ان شاء الله
,,,

وزمنا الان والله ان الحرمه ارجل عن الف رجال
تتعلم وتتشغل وتصرف على بيتها واهلها وتشيل مسؤليه
افضل من اي رجل
..

اما انا ان شاء الله تعالى ان ربي عطاني الصحه والعافيه ولدت وجبت بنوته

مو حفلع استقبال الا عرس بسوي
...
علما ان سويت حفله لعيالي كبيره
بس ذي بتكون غير شكل
.

[ورد جوري82]

والله كلامش صح ,,,,,الحمدالله الاطفال نعمه لا يعرفها الا الي فاقدهااا

[حبيبت حبيبي]

موضوع جدا ممتاز

وهذي انا ربي رزقني بنت والحين حامل باختها ^^ ربي يتمم لي على خير

وزوجي مبسوط وانا بعد اهم شي الخلقه التامه مع اني اسمع تعليقات كثيييييير

بس ما يهم ابد ولا تحرك فيني شعره

احس انها هديه من ربي وفرحانه فيها الحمد لله

يا رب الخلقه التامه يا رب ودعواتكم خواتي ربي يتمم لي على خير

[أم هبة]

أنا عندي بنتين الله يحفظهم و يصلحهم و أنا أشكر الله كل يوم على هالنعمه

أنا ما عندي مشكله أحمل بولد أو بنت لكن زوجي الله يهديه يريد الولد و ينكد علي طول الحمل لما أخبره إني حامل ببنت و حملي الثاني ما خبرته لأني ما أريد النكد , يعني الزوج هو الي يأثر على زوجته و يخليها تتمنى تجيب ولد عشان ترضيه, أنا زوجي كان يهددني إذا جبت بنت فحملي الثاني يتزوج وحده ثانيه,

و الله البنات نعمه و الأولاد نعمه و لازم نطلب الصحه و الخلقه التامه

[المتأمله خير]

والله كلامك صح ميه بالميه.. بس اللي يسألوا بكون من الناس اللي حواليهم واحيانا الزوج يضغط على الزوجه واهله فالوحده تتغير مبادئها وتفكيرها عشان ترتاح بحياتها الا من رحم ربي اللي تكون شخصيتها ونفسيتها قويه وما يأثر فيها

واشكرك مره اخرى حبيبتي لفته حلوه وانشاءالله اللي قرأوها يتغيروا للأفضل

[mo0o0n2009]

مساء الخير علي الجميع حبت اضيف تجربنتي معاكم
انا الحمد الله عندي بنت وعندي ولد لكن اول ما تزوجت علي طول مشاء الله حملت وكنت كل ما اروح لمراجعاتي كانت تقولي ولد وكنت ارجع البيت امووت من البكاء كنت ارجع افرش سجادتي وادعي ان الله يرزقني با لبنت والحمد الله ربي حققلي اللي اتمناه وبعدها بسنتين حملت وجبت ولد برضوا الحمد والشكر لله والحين بعد حامل اللي يجي من الله حياه الله بس انا اموووووووت واعشق شي اسموا بنات يا ربي اسعدهم

[ام يارا القادمه]

ا شكرك اختي ع طرحك المميز وموضوعك الصراحه ساخن ومؤثر

وانا بعد زيك اكثر الحريم الي شفتهم في المنتديات خاصه والمجتمع حولي هذي عقليتهم للأسف

انا اول حمل لي ومن اول يوم عرفت اني حامل وقبل ماأحمل وحتى قبل ماأتزوج وانا اتمنى الله يرزقني ببنت
احب البنات كثير كثير مع ان النظره الحين احسها خفت كثير يعني اشوف اقاربي نصهم مبسوطات وكل وقت تقول انا ام البنات بأفتخار

والبنات والأولاد كلهم نعمه من الله بس الولد احنا في مجتمعنا اشوفنا نعنتبره فشخره ونفتخر في ايام طفولته بس يكبر تجي مشاكله الله يهدي الجميع خاصه الأهل يدلعون الولد اكثر بعكس البنت فصغرها ويوم تكبر عز وفخر لأهلها وخاصه لأمها الولد بيتزوج وبينسى امه بس البنت مستحيل تنسى اهلها وهذا الشي واقع نشوفه

وبخصوص المواضيع والله والله اني كل ماشفت وحده كاتبه خلطه ولا طريقه لحمل الولد اني احس بغثيان فظيع

وكل ماشفت المواضيع الي زي كذا اتذكر حديث ناقصات عقل واقول من جد ينطبق عليهم

اانا للحين ماعرفت جنس البيبي شهر واعرفه بس اتمنى وادعو الله يرزقني ببنت من كل قلبي واقول لأمي وعمتي يدعون بهالدعوه كل صلاة
مو تشرط ع الله لا والله بس امنيه ولو يجي ولد راح افرح بس مو الفرحه الي ببالي

وزوجي خلاص تعود ع البنت كل شي اقوله بنتك وبنتك من اول شهر ومتى تبغا تشوف بنتك وايش تبغانا نجيب لبنتنا وايش بتسميها شكل لو يجي ولد يقول وين بنتنا


وانا مره متفائله من اول خطبتنا بعد ماتعرفت ع اهله ماشاء الله لا اله الا الله اكثر خلفتهم بنات وهذا شي جذبني لهم مدري هالشي له دخل ولالا ....... بس ماصدقت ع الله

وطبيعي الي عندها بنات تتمنى ولد والعكس كمان احس هذي الفطره سبحان الله

بس الي مو طبيعي انهم مايعتبرون بناتهم زي اولادهم او انها تستحي منهم احسها مريضه نفسيه او معقدينها الي حولها وشخصيتها ضعيفه



وعايلتي عكس اهل زوجي اكثر خلفتهم اولاد وين بنت تلاقينها عندنا مره قليل واالاولاد حلوين بعد خاصه في طفولتهم

واخر شي اقول المسكينه الي ماعندها بنات الله لايجعلني منهم