تجمع نفوسااات ذو القعده

[مرهفة حس]

بنات مساء الخير ادعولي اولد عاجل غير اجل
وكل وحده قبل ولادتها بيوم وش حست وولدة وكل شي صار من دخلتي المستشفى الى وقت خروجك
وش الاشياء الي تمنيتي انك سويتيها وماصارت ادري بربرتي كثيره بس علشان انا والبنات نستفيد
والله يخلي لكم ماعطاكم

[عشيري2000]

السلام
انا منا لرياض وولدت في مدينه الملك فهد الطبيه وكنت قبل اولد في مستشفى ثاني بس جابني لهم
سمعتهم ومدح الناس لهم وانهم صارو زي الاهلي من ناحيه الدلع والخياطه وجو الغرف وابره الظهر
ومرافق ومن ذا الكلام فدبرت واسطه وراجعت عندهم فاول انطباع اخذته وقت المراجعه انهم وسط
وماعندهم ذيك الزحمه اللي كنت اشوفها في المستشفى القديم فتوكلت على ربي وقلت خلاص ذا المره
بتدلع في ولادتي كل اللي ابيه بيصير بس سبحان الله اكتشفت اني متعلقه في اوهام ماتتوفر في مستشفى
حكومي مهما وصل مدح الناس لهم اللي تبي الدلع وتتحقق لها كل اللي تبي مالها عن الخااص وصرف
الفلوس عشان تحصل راحتها
نجي للقصه
انا من دخلت التاسع طبعا تكون المراجعه اسبوعيه فصارت روحتي لها كل اثنين رحت اول اثنين عادي
وثاني اسبوع سوت لي توسعه وقالت 2 سنتي وان ساء الله بتولدين قريب كانت هنديه لاني كل مره ادخل
على وحده شكل وهذا من عيوب الحكومي وجلست استنى الولاده ذاك اليوم ماعرفت انوم وتخيلو جلست اسبوع
لاحس ولاخبر وذايك اليله نزلت على سداده الرحم في اليل قلت خلاص هذي ولاده واستنيت للصبح ورحت للطوارئ
قالو لسى 2ونص سانتي اطلعي مانقدر ننومك طلعت وجاء موعدي ماولدت اللي اهو يوم الاثنين دخلت على يمنيه
قالت ليه ماولدتي وانتي لك اسبوع السداده نازله لاااااااااازم تنويم عشان مايجيك جرثومه انتي والجنين
خوفتني صراحه لانها راح تعطيني طلق صناعي وانا متعقده منه في عيالي كلهم كنت اخذه وعارفه انه حااااار
تخيلو طلق ربي اللي يجي في يوم اهو يجمعه لك في 3 ساعات ينفضك نفض الله المستعان
وخلاص توكلت على الله وقلت تنويم وخليت زوجي يروح لعيالي وانا لبسوني اسواره التنويم ورقوني
جناح تحفيز الطلق مخصصين له دور كامل ولايحولونك لجناح الولاده الا من فوق 4سم وجلست من الساعه
12 الظهر يوم الاثنين الي 12 في اليل واهم يحطوني كل 6 ساعات مضاد في المغذي عشان الالتهاب
ويم جي الساعه 5 العصر من نفس اليوم جاءدكتور وانا كنت مااااابي دكتور بس اهو المناوب ذاك اليوم وهذي سئيه
اخرى للحكومي ماتولدك حرمه وكشف علي تخيلو انواااع الاحراجات وقال 2ونص بحطلك تحميله طلق عباره
عن حاجه زي الواقي الذكري يحط فيه تحميله ويدخل نصه ونصه الثاني يخليه برى تخيلو يبنات
وقالي بعد ساعه يبدى المفعول وجلست استنى من 6 المغرب من نفس اليوم الى 11 ماجاني طلق قالتلي
الممرضه امشي في السيب مشي سريع وقمت مشيت تقريبا 25دقيقه وبعدين تعبت قلت بنوم واكمل الفجر
والله يبنات توني ينوم على الساعه 12 الا وذاك الطلق اللي يضرب في الظهر وبعدين في البطن ويتحجر ولدي
وكل ماله ويزيد في المده وفي التقارب للساعه 1 بعدين خلااااااص معد قدرت اصيطر على نفسي ولا على
انفعالاتي بعد ماكنت هاديه اقراى وردالولاده واقرى قران صارت تطلع مني ردود فعل غريبه عجيبه الله
المستعان الوحده في ذيك الفتره ماتقدر تصيطر على الوضع ابددددا يوم شافوني كذا جت الممرضه كشفت
قالت 3ونص خلاااص بنكلم الدكتور ونحولك لجناح الولاده لان الطلوق كانت مررره حاااااره وقووويه
تخيلو عاد احر ماعندي ابرد ماعندهم انا قاعده افحط على السرير وهم جالسين يعبون اوراق
ويسولفون مع الدكتور عن حالتي مو وقته حسيبي عليكم لا وكملوها وجابو كرسي وقالو قومي البسي عبايه
واجلسي على الكرسي جعلكم الضربه انا اقدر احرك نفسي عشان البس واجلس بعد وبعد جهد جهيد اذا بردت
الطلقه قمت بسرعه وجلست على الكرسي ودخلوني على جناح الولاده طبعا باب عازل للصوت وجناح مرعب
وموحش وماتسمعين الا الصرخات من وراء الابواب ياااااااااااجعل ماشفنا تكفير يالله
وتخيلو بديت ادفع وانا جالسه على الكرسي لسى مادخلوني على غرفتي قمت اتنافض ااشر لها بيدي معد اقدر
اتكلم دخلتني الغرفه ويوم بردت الطلقه على طول رقيت على السرير الا وبدى الجد الله لايوريكم بدى الاكشن
والله يبنااات كل اللي مر على ذا ليوم كوووم واللي صارلي في هذي الغرفه في ساعتين كووم ثاااااني
يوم شافوني الممرضات دليت ازحر وادفع كشفو علي وقالو ان شاء الله ولاده قريب وانا منهبله وشذا الالم
شيء مو طبيعي فوق الاحتمال وفوق الوصف وانا كل ماصرت ادفع اصارخ واقرى يامخلص النفس
يوم شافو الوضع متازم راحو نادو الدكتوره وقامو يخترشون ويشققون في الاكياس ويطلعون المقصات
والمشارط والمفارش يوم جت الساعه2الا انا خلاص حسيت براس ولدي بيطلع والدكتوره تحتي جالسه تقولي
ادفعي اذا جتك الزحره لاتصارخين يروح جهدك على الفاضي وانا اصارخ اقول غصب عني والله تقول انا عارفه
بس تحملي يله ولدك قريب وتلمسه بيدها وقالت يله اخر زحره اذا جتك حطي يدك على فخوذك من تحت
ونزلي رقبيك عند صدرك وادفعي من دون نفس باقوى ماعندك وانا مسويه تجميل قبل بغيت اموت تخيلو
قلت لها وسعيني قالت اذا جاء الراس يطلع شقيتك وجت الزحره وهاااااااات ياذيك الصرخه اللي ماانساها
طالعه من روحي سبحان الله الوحده في ذيك الساعه تشوف الموت تتوقف عندها الحياه خلاص تحس بسكره الموت
ومعد تحس باللي حوليها تروح لعالم اخر ومع نهايه هذي الدقايق المؤلمه طلع ولدي وسمعت صوته يصيح
وانا اقول باعلا صوتي الحمدلله الحمدلله الحمدلله وضمتني الممرضه ياعمري رحمتني وبستها وتمسكت فيها
كنت محتاجه لحضن ذيك الساعه وبعدها حطو ولدي على وقالو مبروك ولد وباركت لي الدكتوره وكان معها
متدربه اهي اللي خيطتني باشراف الكتوره بس اللي استغربته ان خيوطهم مو قماش لا تحسونها زي السيم
المعدن ماادري اهي تذوب والا تفك الله يستر وبعدها جابولي كرواسون وحليب كنت جوعاااانه وخلوني في المراقبه نص ساعه
وبعدين دخلتني الحمام وروشتني ولبستني الله المستعان الوحده تعز عليها نفسها ذيك الساعه ونقلوني لغرف
الولاده العاديه وهناك الصدمه تخيلو غرفه مزحزمه فيها 3 قيصريات وانا الرابعه وحمام واااااحد
قلت لا وش هذا مابي ابي بلحالي قالت الغرفه ب600والجناح 1200تخيلو الاستغلال حكومي والغرف بفلوس
وولدي عندي من ذيك الساعه لين طلعت تخيلو ماخذوه ابد ادخل الحمام واخليه بلحاله بس يله جعل ماشفت تكفير
خلاااااااااااص تعبت من الكتابه اذا عندكم اي سوال انا جاهزه

[مرهفة حس]

عشيري جعل ماجاك تكفير لذنبك ان شاء الله والله عشت الموقف عسى الله يهون علينا ويرحمنا برحمتك
انا ببنتي البكر ولدة بالرياض باليمامه قمت الاهانه كانك تشحذيهم
تخيلي الممرضه تضربني من فخوذي تقول دفي وانامو فاهمه شي وبالخير جت ممرضتين ويضغطون من اعلى بطني باكواعهم تخيلو بالاكواع يوم خلصو ثاني يوم ماقدرة ارفع ظهري من الالم كله من ظغطهم حسبي الله عليهم ولا خياطتهم الي زي وجوههم يالله الله يعوضنا خير المره هذي ناويه باذن الله اني باولد بخاص باذن الله بجده واهلي مو عندي تحت رحمت رب العالمين

[روح الفراشة]

هلا بالأمهات..

عشيري ذكرتيني بالذي مضى يا مامات اللي بتنضم للتجمع تكتب قصة ولادتها بالتفاصيل نبي نسمع قصصكم والأكشنات..

أنا بكتب قصتي في القريب العاجل إن شاء الله ولدت 5 ذو القعدة يوم الاثنين الساعة 5 الفجر وجبت بنوتة الله يحفظها..

مو شايلة هم اي شي الا بنتي كان فيها صفار وعطيتها موية حندبان وحيچ وماي الحلوة وأعرضها للشمس الصبح والحمد لله بعد اسبوع راح الحين صار لها يومين مزكمة وتنفسها ثقيل وعلى طول ممغوصة امس خذيتها عيادة الاطفال قالو لي وزنها ما زاد وضيفي وجبات حليب صناعي علشان الوزن يزيد الحين أحاتيها لأنها رجعت مرتين اليوم..عموما دعواتكم..

[جمره غضى]

عشيري الله عشت معاك المووقف من جد لحظات صعبه


انا يوم الاحد تاريخ 27 من شهر 10
نزلت عليه السداده بدون الم او اي اعراض ورحت الممشى مشيت تقريبا ثلاثه كيلو
ورجعت ألبيت اكلت تمر وعسسسل وكثرررت منها
واليوم اللي بعده الاثنين 28 قمت من النووم وانكبت عليه مويه الجنين كانت كثيره
قمت من السرير وغسلت ورحت المطبخ اكلت صحن شوربه بالدجاج
لاني مأبي اروح اولد وانا جوعانه
وطوال هالوقت كل شوي تنكب مني مووويه كثيره
وبعدها رحت الطوارئ وجلسوني على كرسي وطلعوني فوق قسم الولاده
دخلوني غرفه وعطوني الملابس حقتهم ودخلت دوره المياه ولبستها
كانت الساعه 7 ونص المغرب
وحطو على بطني جهاز نبضات الجنين وجات الممرضه تكشف قالت 1سانتي
طبعا الكشف كان مره يوجع واللي تكشف زنجيه هي اللي ماسكه حالتي
وبعد نص ساعه تقريبا جات وتشوف الجهاز حق نبضات الجنين قالت البيبي نبضاته ضعيييفه
قلبتني يمين ويسار وخلتني على ظهري قالت مانفع
وتجيب الاكسجين وقالت اسحبي اكسجين كثير وبرضو مانفع
جات دكتوره اردنيه وكشفت قالت لسى 1 سانتي والبيبي نبضاته ضعيفه
ومافيه طلق
وجابت ورقه قالت وقعي في اي لحظه راح ندخلك غرفه العمليات
ووقعت قلت في نفسي ياليت عمليه خايفه من الولاده مررره
وجلست لين 11 وانا بس 1 سانتي والمويات تنزززل كثييييره
يوم جات الساعه 12 بدا الطلق كل خمس دقايق ومره في بطني
ومره في ظهري
جلست من 12ليييين 7 الصباح والطلق حااااأر وكل خمس دقايق
والله ريقي ناشف من الالام ودموعي تنزل غصب واذا راح الطلق استغفرت وقريت الزلزله
والساعه 4 جلست ابكي ابغى مسكن للالم وجات الممرضه عطتني ابره مسكن في العضله
والحمدلله بدت تجيني الزحره احس اني ادفع وصارخت عليهم اقولهم احس اني اددفع
جات كشفت قالت خلاص ولاده وجهزو المقصات وعدتهم
والحمدلله ولدت بالسلامه الثلاثاء تاريخ 29 من شهر 10

[عشيري2000]

نداء لنفوسات ذو القعده وينكم
ماما رورو ( ولدت بالسلامه وجابت ولد الله يحفظه)

wssw ( ولدت بالسلامه وجابت ولد الله يحفظه)

النابلسية ( ولدت بالسلامه وجابت ولد الله يحفظه)

جامعية ( ولدت بالسلامه وجابت بنوته الله يحفظها)

روح و خواطر ( ولدت بالسلامه وجابت ولد الله يحفظه)

فجر الباسل ( ولدت بالسلامه وجابت بنوته الله يحفظها)

رمش الغلاا ( ولدت بالسلامه وجابت ولد الله يحفظه)

ام جنى ( ولدت بالسلامه وجابت ولد الله يحفظه)

روح الفراشة ( ولدت بالسلامه وجابت بنوته الله يحفظها)

كوينــــات ( ولدت بالسلامه وجابت بنوته الله يحفظها)

تاج راس ابوي ( ولدت بالسلامه وجابت بنوته الله يحفظها)

امواج هادئه ( ولدت بالسلامه وجابت بنوته الله يحفظها)

هاشمية ( ولدت بالسلامه وجابت ولد الله يحفظه)

زوجي دنيتي الحلوه ( ولدت بالسلامه وجابت ولد الله يحفظه)

[جمره غضى]

مرهفه حس الله يسهل عليك وتولدي قريب باذن الله


نفوسات ذو القعده ويبييييينكم

[ريم ام لولو]

عشيري
الصراحه موتيني من الخوف اقرا كلامك وقلبي يرجف خصوصا اني بولد في نفس المستشفى

معقوله مافيه ولا شي حلو فيه ولا حسنه وحده ولا القابله لللي كانت معاك حليوه ؟ ولا الممرضات حبوبات ولا فيه احد يواسيك

والله مرررره خوفني كلامك وخصوصا الباب العازل للصوت وصراخ الحريم
والله اني اقرا كلامك واتخيل


وبسالك مكيفات المستشفى بارده يعني تحسين انك تتراجفين اخذ معاي بجامه متينه و كمها طويل ؟

[ريم ام لولو]

فيه سؤال ثاني الله يسعدك ويسخر لك

ليش سوت لك الدكتوره الهنديه توسيع ثاني اسبوع ؟ انتي طلبتي منها ولا على اي اساس سوت توك لسا مالك الا اسبوغين وتسوي لك توسيع

[ام جنى2009]

الف مبروك التجمع ياحلوات اناكنت استناه من زمااانطيب بالنسبةللغرز الحمدلله كلهاطاحت باقي وحدة قالت الدكتورةاركزعليهابلمرهم ماشاالله تبارك الله ومرهم ميبو ياجمرةرهيب مين قلك موكويس بالعكس يطري الغرز وماتحسي فيهاالحمدلله اعذروني والله ملتهية بجنى وعبدالله بحاول اكتب قصةولادتي اذالقيت وقتصحيح الي جابو اولادختنتواولادكم وحلقتوروسهم اناالحمدلله ماشاالله ختنت بس ماحلقت