تجمع اللي بيولدوا في شهر ربيع الثاني 1434

[قطعة السكر]

مسااااء الخير

رجعت لكم بعد طووووووووووووول غياب
شلووونكم ان شاء الله طيبين اشتقت لكم ولسوالفناا مع بععععض
اخترب النت عندي وانشغلت شووووووي
عرفت جنس البيبي
( بنــــوته)
بس من دخلت الخامس انقطعت الحركه تجي نادر مثل الهزاز ويختفي مدري شنوو

[ام جنى الامورة]

مرحبا للحميع
كيفكم حبايبي
قطعه سكر مبروك البنوته يارب يتمم عليك حملك وتولدين بالسلامة

[ام جودي3]

مراحب للجميع كيفكم
الف مبروك قطعه سكر ع البنوته
عقبالي يارب ابشركم بالولد يااااارب

[وفقني يارب]

الف الف الف الف الف مبروك قلبي قطعه سكر البنوته انضميتي للقروب
ام جودي الله ينولك الي ببالك ياقلبي يااارب

[أم جنى فديتها]

صباااااحوووو ..^^

توك على بالي ياقطعة سكر امس انتي والغايبات حبة سكر وام حمودي ثنتينهم ومدري مين بعد نسيت

الفففف مبرووووك البنوته القميله
الله يرزقك اياها بصحه وعافيه ويرزقني واياك البنت السليمه المعافاه ويقر عيني بشوفتها سليمه يارررب..
ويرزق كل محرومه

انا اليوم رحت سويت سونار
والحمد لله المشيمه ارتفعت والراس نازل
انا توقعت ان الراس تحت ونازل حييل حتى احسه بيطلع لانه احس بثقل موطبيعي وامشي مثل البطه كاني فشهري الاخير..
هاذا غير التحجر يمكن 5 مرات او اكثر في اليوم ..
وابتدى معاي حرقان المعده طول الوقت معاي مضايقني

[وفقني يارب]

الله يعين ياريم انا اتوقع الراس نازل بالحوض من الثقل والشد بس الحمدالله ماحس بحرقان الا بالشهور الاةلى
على فكره يابنات تجمع ربيع اول تنشط وصارو يسولفون عن التجهيزات حقت الام والبيبي والضيافه والموانع والتجهيزات بعد الولاده والتوزيعات

[ام جنى الامورة]

يسعد صباحكم جميعا
داليا انا والحرقان حكايه اي شي فيه حليب يتعبني بالحرقان

اليوم بنتي فيها حراره ياحياتي غابت عن الروضه احد عنده حل او علاج مجرب ؟؟

[حواء استثنائيه]

سلامتها ماتشووف شرر الجو هاليومين مشكله
شوفي بقولك علاج الحمد لله لي سنه استخدمه مع ولدي عطتني إياه خالتي الله يجزاه الجنه ومن يومها مأخذ مضاد ماشا الله بس اول مايتعب اسويه واعطيه وأعطيه خافظ والحمدل يخف لانه يرفع المناعه
تجيبين زيتزيتون ثلاث ملاعق كذا وخمس قطع ثوم صغيره(قدحبه حمض الفيليك)هههه يعني انها موكبيره تحطيمه على نار هاديه ثواني بس لين دفا الزيت وتحطين 7حبات حبه سودا وشوي مره وإذا دفا الزيت وبدا يطلع صوت شيليه عن النار وشيلي قطع الثوم وحطي مع الزيت ملعقه عسل كبيره وشوي ليمون وحطيه بلعبه تتسكر بالثلاجة ملعقه الصبح وقبل النوم بعد ثالث ملعقه تنسين أن بنتك كانت تعبانه امس
جربي وبتدعين لي أنا حفظته عندي بمفكرين لأني اول ما قالته لي ما اقتنعت وماسسجلته أمي الله يخليها هي الي سوته وبعد النتائج والله ماكذب عليك إذا تعب على طول صار زوجي يقول سويله علاج خالتك تكفين مانبي ننتظر عند الدكتوررر ههههههههه
تعبت وأنا اكتب بس يارب يفيدك وتجربينه :)

[نسمة المساء]

أم جنى الله يشفيها ... أنا أشوف لو تاخديها لطبيب أطفال أفضل لأن الحرارة من وجهة نظري ما ينسكت عليها ... لو احتقان أو ألم بالحلق أو رشح وزكمة ممكن أقولك عادي بس الحرارة الها أسباب ممكن لا قدر الله تعمل مضاعفات كتير مشان هيك خديها لدكتور واطمني عليها وبعدين أعطيها خافض واعمليلها كمادات ماي باردة .... يا رب أسألك أن تشفيها يا من لا يعجزه شيء في الأرض ولا في السماء



أم الجنة التانية هههههه ... الحمد لله إنو المشيمة ارتفعت ادعيلي أنا كمان ترتفع عندي اليوم إن شاء الله عندي موعد والدكتور بإذن الله يطمني ويقولي إنها ارتفعت ويا رب يطمني على وضع السكر كمان لأنه آخر زيارات كان عندي سكر حمل وقالولي أمشي على حمية



يا بنات رحت لسنتر بوينت ومذكير و كم محل ماركات الله لا يفرجيكم الأسعار نااااااااااااااااااااااااااار ليش هيك والله ما صارلي الا سنة ونص مجهزة لابني الأول وما كانت الأسعار هيك الوضع جنني مش طبيعي الغلا .... إذا المهاد بسنتر بوينت 85 وفوق والبربتوز الثقيل متله والماركات حدث ولا حرج ما في شي أقل من 150 ... شكلي بشتري كم قطعة بس للكشخة قدام الناس وبستخدم ملابس ابني الأول للتاني سواء بنت أو ولد ماهو ما حد شايفه بالبيت ... الله يعينا على الاستغلال

[ام جنى الامورة]

مرحبا بنوتات
اخذت بنتي للمستشفى وصار فيها التهاب حاد باللوز تصدقون من تضخم اللوز ماشوف اللهات متسكره من اللوز
اعطتني مضاد وشراب عشان يزيل الاحتقان
ويارب ياكريم يشفيها ويعافيها وجميع المسلمين

حواء نسخت علاجك ان شاء الله نستعمله او نعطيه احد محتاج