دردشة بنات العراق, دردشة حوامل العراق , تجمع بنات العراق

[فوفو العراقية]

مساء الخير
شلونكم

حبيباتي زينب وام نورهان تسأل عنكم العافية...
حبيباتي شلونجن؟

ام نورهان صدك تحجين؟
ماكو توسع ولا سانتم؟
معقووووووول؟
ولج التقلصات تفتح ابو ابو الرحم
كولي غيرها
اني 4 وكول قليل...
بس والله الله يعينج...
شوفي حبي
اكلي خوخ .. اني هذيج الايام كثرت منه هوة والتفاح الاخضر الحااامض
ترة ممكن يكون بيهن فائده جربي

بس اني هسة التقلصات راااااااحت كلش مني
ماكو لا حس ولا خبر ههههههههه
والتوسع هوة هوة اكيد لان ماكو تقلص
بس كل يوم امشي من نص ساعه الى ساعه الصبح والمساء هم فد نص ساعه اقل شي
وبكل الاحوال يفيد المشي
ولا تجورين على روحج ترى لازم تريحين نفسج فترة حتى للولاده متكونين تعبانة.
اني الطفل يتحرك هواي وحسة صاعد بس من امشي هواي احس بالثكل جوة ينزل ومن ارتا يرجع فوك
ويدفع طيزة ههههههههه وام العوافي خو كل نص ساعه ههههههه ومرات احس بطني تتحرك مثل احد يتنفس
ماعرف هوة ممكن يتنفس بالبطن مثلنة؟....... ماتوقع.



زينب حبيبتي
الف مبروك على الصحة والسلامة وعدم وجود السكر
مو كلتلج ماتوقع عندج والحمد لله ماكو

والحرقة بالمريئ او المعده روحي للصيدلية اخذي اقراص تنمص اسمهة Rennie اني كلش يفيدني
وان شاء الله يفيدج
وبالحمل كلش ممتاز.

ويارب يتمملج حملج بسلامة وراحة يارب
والمشي قللي
لا تجهدين روحج لان بعدج بالسابع
ولو عودتي نفسج عالمشي ماراح يفيدج بعدين لما تدخلين شهرج
ويمكن هالشيئ هوة اثر على ام نورهان لان جانت على طول تشتغل وتتحرك
واني على طول متمدده وبس اسوي اكل البيت ههههههههه.

ربي يسعدكم ويسهل عليكم بالصحة والعافية حبيباتي...

اني اروح البس وقيس السكر وطلع ويا رجلي نتمشة فد نص ساعه بالقليل ونرجع
وشوفكم بعدين باي حبايب.

[White angel]

ولج ام نورهانه دشوفي الام ام اس مالتي عجبتج ههههههههههههههههههههه راح انجن صار ساعه ادور عليها ومن لكيت شوفي شلون طلعت

[White angel]

يمه يمه يمه هاي منو هنا
فوفوووووووووو الزعوووله هنا يمه تؤبريني ويؤبرني اليزعل اني
شلونج كبد اخبارج هههههههههههههههه
ولج خليها سكته عود اريد اصير شاطره واغلبكم خخخخخخ مد اكعد اكول بلكي تشرف ب بداية التاسع
والله كريم ولو اني بعد اسبوع افوت الثامن
بس شسوي اشو الي واهس
وبلنسبه للحرقه والله موتتني لجججججججججججج فووفو ميته من الجوع والله ومدا اكدر اكل
الله يبارك بيج حبي غير من رحت اول مركضت للميزان خخخخخ والصدمه صارت بوجهي
وهي هاي الايام ممخليه ب الحركه دا تلوب تصعد وتنزل وتتكلب ابد متكعد وخاصه بليل
وربي يسهل عليكم يابنات وتشوفونه النونيات يؤبرو قلبي النونيات وامهاتهم

[نوسة روز]

هلالالالالالالالالالالالالالاو شلونكم والله مشتاقه لسوالفكم الحلوة

بس دوامي مديخليني اشوف شي من دربي ملتهيه وحتى مالي واهس ال كلشي

ان شاء الله دومكم بخير وعافيه

[فوفو العراقية]

هلو زوزو كبدبد حياتي شلونج تقبري عظامي. طبعا هسة رجعنة من برة مشيت سريع. هلكتتتتت كللللللش بس بالطريق رحت اشتريت موطه مال كبوس مال عرموط ههههه بردت علي قلبي. والجو و روووعه ورومانسي بس لوما كرشتي ههههه. وبس احنة بالطريق والشجر وهوة بارد شوية وااااو نايس. هههههه. اكولج والله سمعي كلامي ولا تتحركين هواي هسة لان مينفعج بعدين تتعودين. وبكل الأحوال ماراح تغلبينة لانج بجر ههههههه فلا تتعبين نفسج. اهم شي النوني تتحرك فديت قلبها الزفيرون. تعرفين اني ناسية شغلة مهمة منعوني منها بداية الحمل. وهية الاكرتس الاسود الكاندي لانه يسوي ولادة مبكرة واني أموت عليه ههههه من باجر أجيب كيس كامل والحلو بي مابي حلا كلش ميزود السكر يعني. ههههههه أجربة وشوف مفعولة.

[توتايه]

شلوووووووووون الحلوات

[White angel]

لج هلووو مره لخ
فوفو ولج الاكريس الاسووود مووو الي طعمه طعم الحبة الحلوه
يبوووووووووو أموت منه ومن طعمه ويييييييع
وهنا يكولون بي جلاتين خنزير
واني من الأساس مااحبه اصلا ماافكر بي
جيبي بلكي تجيبين وندز لام نورهان اذا فادت الشغله هههههههه
بالف عافيه حياتو
هسه اشتهيت جبس ليز ورغم الحرقه دا اكل لان ماكو هيج اجه ببالي

لج هلووو توتايه شلونج حب عاش من شافج

[فوفو العراقية]

صباح الخير. شلونكم؟. زنوووبه لا تخافين الكاندي الاسود 100٪100 مابيه شي. بس الكاندي القوي مثل الاستيك بي ومو أكيد لان كلة بسبب مضاربة بين الشركات يحجون هيج هههههه. بس اليوم اجرب وشتري منة بس اني ماحبة اسود سادة. لازم بي شي نكهة تكسر الطعم. واني جنت أمووت منة بس سبحانه مغير الأحوال ههههه. حبيبتي ام نورهان تدلل ندز آلهة لو فاد ليش لا هههههه.

[فوفو العراقية]

هلوو و. بالتوت كلة. شلونج كبد؟حياتي شخبارج شنو هال غيابات.

[توتايه]

هلو قوليبي زنوبه فديتج يمه يمه حرقه معناها شعرها هوايه اني جان الرينيه حامض حلو مالتي من وره الحرقه وجبته كله شعر بس بلبوله مابي شعر طلع خخخخخخخخخخخخخخخخخخخخخخخخخخخخ