دردشة بنات فلسطين , دردشة حوامل فلسطين , تجمع بنات فلسطين

[Snowwhite-90]

والنور نورك انتي والصبايا الحلوين يا عمري :)

حلاااا الف سلامة عليكي يا قمر ما تشوفي شر يا ام خليل بجد اشتقنالك ما تغيبي عنا تاني

[احساس أنثى]

صباح الخير صبايا بدكم تعرفو مين هالبنت توي ععم بفتح المنتدى وشفت رساله من سما الدنيا عم بتقول انو انا هادي البنت
قبل مااعلق على اي شي بحب اقلكم انو كل يلي اتبععو مسك طلعو قليلات اصل وتفكيرهم ساذج متلها واااسفاه على بنات اعتبرتهم متل اختي ... وحسبي الله على الظالم

انا كذابه وبكدذب اني عندي ولد ليش زياد من وين من الشارع بتفترو على الناس وانتو مابتعرفو شي انا مش مستعده ابرر كتير لاني بعرف حالي وربنا شاهد على كل كلمه حكيتها

بس فعلا نعم لاامهات التافهات عارفين ليش لانكم بتدورو على دفاتر قديمه جدا والي هيا بتقولو عضويتي القديمه دمعة شوق
فعلا كان الي عضوية قديما قبل مااحمل بزوزو واعتقد بنات كتير بيعرفو هالشي وبعد ما حملت غيرت اسمي وفيكو تسألو الاداره
والعضويه القديمه مابفوت عليها هلأ نهائي

والاخت مسك من زمان وهيا تحاول تطلعني كذابه باكتر من موقف لما حكيت اني رايحه مدينة النور وهيا بخانيونس شو يعني
انا حسب ماسمعت من الناس انها بخانيونس مش اني كذابه

اشكركم كلكم يلي شاكيتو فيا بس حقول كلمه اخيره حسبي الله ونعم الوكيل على كل وحده شكت شك فيا .. وربي يورجيني فيها يوم يلي بتظلم الناس وهيا معتمده على مبدأ شك بس ... حسبي الله ونعم الوكيل عليكم كلكم يلي لتيتو بسيرتي كتير ... ربي ينتقم منكم .. يلي شكيتو بحقي

وكلمه اخيره مش حسيب المنتدى لاني اقوى من الاخت مسك ومن غيرها لاني مش كذابه ولا غشاشه لاني اسيب المنتدى
لأني صادقه بكل كلمه حضل واواجه كل وحده غلطت بحقي ... صدمتوني جدااااااااااااا

وقفتو مع مسك وانتو مش فاهمين حاجه

[Snowwhite-90]

خلص تماااام طالما الكل صار بيعرفها نتجاهل هالشي ونرجع لطبيعتنا متل اول وهالتجمع موجود وقت ما تحب تحكي تتفضل اما انه ترجع هيك من دون ما تبرر موقفها فانا مو حابة احكي معها

[حيفا]

ام جودي صباحك فل وخير :)

احساس مش لازم ضليتي ساكته من البداية ، اذا انتي على حق ما في داعي انك تخلينا نلت ونعجن ع رايك كان جيتي من البداية وحكيتي هالحكي ، انا مش ضدك وما عندي شي يثبتلي انك انتي او غيرك بس كل التلميحات بتدل عليكي

كنتي اخت ورح تضلي اخت وانا بالرغم من كل اللي انحكى صدقيني بحبك ، وبدعي ربنا انه ما تكوني انتي
بتمنى مسك تيجي وتشرحلنا اللي صار بما انه احساس حكت اللي عندها !!

[ام عبدالله لولو]

لا يا احساس ما تعصبي هيك معاكي حق بالحكي وانا شخصيا ما بالومك بس الي صار انو انحكي هيك والبنات زي ما انتي شايفة ردودهم الكل انصدم لانو الكل بيحكي مش معقول احساس نكزم هيك وانا بالمسبة الي ما صدقت وبحكيلك عن الصبايا ما صدقو وحاولنا نحل المشكلة سواء كانت صدق او كزب ياريا اافهمي موقفنا والله يخليلك زياد وتفرحي باختو يارب ويتمملك ع خير

[حيفا]

مالكم سكتو يا صبايا احساس اختنا ومسك اختنا وممكن جدا يكون كل اللي حصل سوء تفاااااااااهم
بلكي نحلت هالمشكله وحطينا النقط على الحروووووف !!

شكلو مش رح اروح ع مشواري

[سما الدنيا]

صباح الخير يا صبايا...انا فعلا كان هدفي من هاي الرساله انو انتي اتردي بذاتك... والبنات بدورهم يتقبلو ردك...وانا بتمنالك كل خير ومتل ما حكيتلك عالخاص انتي وكل البنات معتبرينك اخت عزيزه ورح نتفهمك وتحياتي الك والله يوفقك بحياتك....

[~{{ DoDo }}~]

المشاركة الأصلية كتبت بواسطة حيفا

احساس مش لازم ضليتي ساكته من البداية ، اذا انتي على حق ما في داعي انك تخلينا نلت ونعجن ع رايك كان جيتي من البداية وحكيتي هالحكي ، انا مش ضدك وما عندي شي يثبتلي انك انتي او غيرك بس كل التلميحات بتدل عليكي

كنتي اخت ورح تضلي اخت وانا بالرغم من كل اللي انحكى صدقيني بحبك ، وبدعي ربنا انه ما تكوني انتي
بتمنى مسك تيجي وتشرحلنا اللي صار بما انه احساس حكت اللي عندها !!

وانا كمان حكيتي نفس الحكي اللي كنت ناوية احكيه حيفا
واحنا الحمدلله ما غلطنا لا بحقك ولا بحق مسك
كان من حقنا تتكون عنا شكوك بس ما اذينا حدا عشان اي حدا فيكم ياخد موقف
الحمدلله ما ظلمنا حدا احنا عنا شكوك وحابين نعرف شو القصة
الله يسامح الغلطان مين ما كان سواء القصة كانت صح او افتراء

ما بعرف شو احكي اكتر من هيك

[احساس أنثى]

شكرا حيفا بس ممكن شو هيا الشكوك يلي خلتكم تشكو فيا؟؟

انو انا مش حامل حاليا مابعرف شو الف عليكم وافرجيكم تحليل الدوم والبول ولا شو

وابني من وين صوره من النت ولا من الشارع جبتو وابتنيتو؟؟

العضويه القديمه فعلا كانت الي بس قبل مااحمل وغيرتها لما ربنا اكرمني


ع العموم كل يلي بقدر اقولو هو حسبي الله ونعم الوكيل في كل يلي افترو عليا وربنا يعطي كل واحد على نيتو ربنا مابيرضى بالظلم

[لولو الفلسطينية]

انا صحيح كنت طالعة من المنتدى بس دخلت بالصدفة من الموبايل و شفت رد احساس و ما قدرت استنى و ما ارد
احساس جد ما كان لازم سكتتي من البداية حسيتي انو التلميحات عليكي كان لازم تدافعي عن حالك و يبرري موقفك كان ما وصلنا لهالمرحلة الي وصلنالها
و ثدقيني يا احساس انا ما كنت شاكة فيكي ولو للحظة وحدة و حتى بعد ما عرفت ما اقتنعت بالموضوع و ربنا بعلم
و انتي اختنا و رح تضلي اختنا و ما بنستغني عنك شو ما صار
يا ريت لو مسك تيجي توضح و تحكي الي عندها خلينا نحل هالقصة و نرتاح و نرجع متل الاول
يا بنات احنا هون ولا وحدة فينا بتعرف التانية و كلنا بنحكي مع بعض من ورى شاشة كمبيوتر و احنا اعطينا الثقة لبعصنا و يا ريت ما تتزعزع هالثقة
مسك انتي كمان اخت عزيزة و كلكم كمان خواتنا ما بصير هيك جد لازم الموضوع ينحط عند حده
ربا يخليك زوزو يا احساس و تفرحي بشوفته عريس ياااا رب