تجمع الكروشات اللي ولادتهن في رمضان 1433ه

[إرم]

بنات على فكره من تراجع بمدينة الملك فهد الطبيه بالرياض لااني اول مره اراجع فيه دايم بأولادي اراجع بالمستشفى العسكري ودي اعرف كيف نظامهم وكيف القيصريه عندهم

[نسمة دفا]

صباااااااحكم رضا وسعادة وانتعاش وحيوية


نونيي يقول لكم صباح الخير

[(( أم يارا ))]

صباح الورد والكادي .. 
أخباركم كروشات ..؟
ام حماده اااه ياليت ابكي ع الجامعه ..
انا كنت معصبه لانه زوجي الله يهديه انا وياه كنا طالعين في كافي وطلعنا ومتفقين نروح نمشي شوي من زمان مامشيت .. قلت له خلنا نروح لسوق غرناطه نشوف مذكير وناخذ فكره عن محلات الاطفال ومتى تكون التخفيضات وابي ادور سرير للبيبي لاني ناويه اشتريه اول شي لانه ابي لونه يكون سكري ويناسب الاثنين .. قال شنو سرير الحين مافيه مقاضي للبيبي الا اذا ولدتي تعطيني ورقه فيها الاشياء اللي تبيها .. انا ضحكت وقلت حلوه اعطيك ورقه انا ابي اختار اغراض البيبي بنفسي .. قال مافيه وحتى السرير مافيه اشتري هندول الين يصير عمره 6 شهور انا انقهرت خير في هندول .. قلت خلاص ما ابي منك شي والسرير والله لاشتريه وبفلوسي وبتقضى مع امي .. ضحك وقال وين فلوسك .. << لانه فلوسي كلها خلصتها في الصيفيه ع حفلة تخرجي .. قلت ادبرها لو ابيع ذهبي والا اخذ من ابوي .. عصب قال هذا ولدي انا اشتري له بنفسي ومافيه .. قلت خلاص اوك .. وقعدت ابكي في السياره الين وصلنا السياره وكاتمه دموعي عشان مايشوفها .. وناويه اشتري للبيبي بفلوسي اذا نزل لي حافز والا ابيع شوي من ذهبي بدون مايدري اشتذي للبيبي واخلي الاغراض عند اهلي << المشكله حافز يمكن ماينزل لاني ماكملت ال 19 .. واحتمال ينزل لي في شهر 4 ع طول بروح اقضي .. وكمان من القهر ناويه ما اعلمه بجنس البيبي .. واي شي اقوله عنه يقول امي ماسوت كذا مع اخواني .. رجعت ونمت ماحسيت فيه الا لما جاء وقعد يمسح ع راسي وسويت نفسي نايمه .. وبعدها قمت من الالم اللي في ضهري احسبه نايم مادريت الا يسالني وش فيك علمته وجاء وضمني وعملي مساج والحمد الله رضيت عليه .. والحين قاعده اسوي لي بيض مسلوق مع طماطم مقطعه ومملحه ..

[(( أم يارا ))]

نسومه. ويسعدك ياقلبي ..
ام حماده ام سينا سويت نسومه يسلمو ع سوالكم عني .. انا من نهاية الشهر الثالث وانا حساسه بقوه ع طول ابكي.. مدري وش فيني ..
نسومه وه تدنن البنوته اللي في الصوره الرمزيه .. الله يحفضها ..
ارم اللي اعرفه انهم يمدحون المدينه الطبيه مررره وتوكلي ع الله وروحي لها ..

[(( أم يارا ))]

ههههه ام حماده ع طول تبين تخطبين لولدك .. يمكن نطلع عكس انا ولد وانتي بنت .. هههه بخلي ولدي يتزوج بنتك الاولى وبنت نور العيون الثانيه والثالثه بنت هيوف .. ههههه والرابعه قريبا راح اختارها له .. يمكن بنت نسومه ان شاء الله ..
الله يحفظهم لنا ويبلغنا شوفتهم بصحه وسلامه ..

[نسمة دفا]

الحزينة بنتي خليتيها الرابعة لولدك

مهر بنتي (اللي لسا ماجات) مليون ريال

الله يحييكم ههههههههههه

يارب يطلع ولد ..وأفك بنتي من هالزواج..أجل الرابعة ..طيب ...

.......

بالعافية أم يارا على قلبك وقلب البيبي

زوجك مثل زوجي ..واهل أول ..

مايحبوا يتقضوا ..يخافوا

الله يكفينا شر خوفهم

ترى بيقتنع معك مرة في مرة

خلي الدق شغال فوق راسه ......ههههههههه

.....................

الله يحلي أيامك

لازم أغير الصورة الرمزية كل فترة ..حتى مايزعلوا بنات العيلة هههههه

هذي غنى ..بنت أختي الكبيرة..ربي يحفظهم

...........

[نسمة دفا]

هيوف مادخلت أمس

ربي يطمنا عليها وتكون بخير


================

فاصل من أجل المدارس

ونواصل بأمر الله

===========
=====
===
=

[مام صغيره]

هلا بنات يالله بنات بروح مستشفى عند ابني موعد
يارب تطلع تحليله سليمه

[إرم]

شكل اكثر اللي بالدردشه يدرسون الي انا ماغير اكل ونوم

[إرم]

ام يارا انا دخلت مذكير قبل اسبوعين تخفيضاته تجنن للمواليد بس نفسك مارضى زوجي يشتري شئ يقول انا بشتري من دون تخفيض بس بعدين الاشهر الاخيره من القهر رحت اختار مع وحده حامل بشهرها الاخير لمولودها هههههه