تجمع الحوامل الي بيولدون في شهر ذو القعده ^_^

[مرهفة حس]

هلا ريحانه
اخبارك
انتي دخلتي التاسع

[ماما زوزو]

المشاركة الأصلية كتبت بواسطة شازل

حوامل ... الله يهون حملنا ويطوي عنا بعده ويير ولادتنا ...
ريم ... أسعدك الله ...
إذا كانت حركة الجنين قليلة وما تحسي فبها كثير ، والطبيبة تقول طبيعي كل شيء فمعناته إن حركة الجنين للظهر فما تحسين فيها كثير ... أنا كل أولادي كذا إلا حملي الأخير حركته كثيرة فمعناته حركته لقدام ...

ماما زوزو ... يسر الله أمرك
حتى يكون رأس الجنين تحت شغلي مسجل قران وحطيه على بطنك من تحت ... يقلب رأسه تحت علشان يسمع ، أما إذا كانت هذي ولادتك الثانية فالجنين في وقت المخاض يقلب من نفسه أو قبل بس بأيام ....

حبيبتي تسلمين ان شاء الله اسوي اللي نصحتيني فيه وربي يسهل اللي فيه الخير... انا بكرية ... ربي يسهل عالجميع ان شاء الله

[ماما زوزو]

كوينات
اذا انتي في الرياض في شغلات حلوة في محلات الاندلس مول واسعارهه حلوة واشكالهه بعد وان شاء الله تلاقين اللي يعجبج
وبالنسبة لوضعية الجنين والله اني اسجد كثير وأحبي وربي على كل شي قدير

ام عبد الرحمن
الله يعينج والله انا مو عارفة هالضيوف مايدرون انتي حامل وفي التاسع؟؟
ربي يكتبلج الاجر ويعطيج الصحة والعافية

ورد القلوب
تسلمين حبيبتي عالدعوة الحلوة وربي يسهل ولادتج يارب

ام جنى
ان شاء الله امشي وادعيلج كمان ربي يسهل ولادتج ويجعلها اسهل من شربة المي

ريحانة الدنيا
توكلت على الله وهو على كل شي قدير والواحد مايدري وين الخيرة
ربي يسهل ولادتج ان شاء الله

بقية البنات شلونكم وشخباركم؟؟؟؟؟

جامعية
وينج ؟؟؟ ياربي تكونين بخير وربي يسهللج الخير ويبعد عنج الشر

الحمدلله حطيت الغدا بالفرن قبل ما يجي زوجي وحقعد ارتاح شوي ..احس داااااااايخة

[wssw]

المشاركة الأصلية كتبت بواسطة ماما زوزو

صباح الخير ياحلوات
شلونكم؟؟؟ شكرا للي سألو عني .. انا الحمدلله بخير
البارحة رحت كان عندي موعد في المستوصف الخاص اللي كنت اتابع فيه حملي لانه كان عندي اخر موعد التراساوند
وشافتلي راس البيبي صاير فوق.. استغفر الله العظيم تضايقت كثير لاني ماودي اول ولادة الي تكون قيصري
بعدين استغرفت ربي وندمت اني تضايقت .. اكيد ربي كاتبلي فيها خيرة والحمدلله نبض الجنين وحجمة زين ومافي مشاكل وهذا اهم شي عندي

كوينات
مشكورة ياقلبي على تعبج معانا وربي يجعله في مييزان حسناتج وتساهيل لولادتج ان شاء الله

موعدي في المستشفى يوم الاربعاء وربي يقدملي الخير ان شاء الله
انا عملت كل اللي اقدر عليه وأكثرت من السجود والحبي وجنيني يوم فوق ويوم تحت... ربي يحفظة من كل شر واشوفة بخير وسلامة

حبيبتي لاتخافي الله يسرلك في ثلاث طرق حلوة ينقلب فيها راس البيبي بسرعة ماياخذوقت وكثري منها من بعد مشيئة الله تعالى :
اولها/ أكثار السجود ومن خلالها استغلي الدعاء .
ثانيها / اكثري الحبي زي ماقالولك البنات ولسانك على الأستغفار
ثالثها / وانتي منسدحة اتقلبي كثير هذه دكتورة وصت بنت خالي لما قربت ولادتها لقيت الراس فوق فقالتلها تقلبي وانت سادحة وماشاء الله ولدتي طبيعي بعد اراد الله .

وفي النهاية انتي سوي اللي عليك وماراح يسير اللي اراد الله ..
اللهم اجعل ولادت ماما زوزو بردا وسلاما عليها كما جعلت النار بردا وسلاما على ابراهيم عليه السلام ....خلي هذه دعوتك دايما انا دايم ادعي في كل اموري وبحمدلله تتيسر .

[%ريحانة الدنيا%]

الله يكون بعونك ياأم عبدالرحمن
الطبخ قولي يعني مو مشكله
المشكله الغسيل بعدها وربي اكره الوقفه على المغسله
احس ظهري ينقسم نصين

[wssw]

المشاركة الأصلية كتبت بواسطة ريم ام لولو

صباح الخير
الله يهونا علينا جميعا
انا لا زالت حركة البيبي مره ضعيفه وقليله ولما رحت لدكتورتي اللي اتابع عندها في المستوصف الاهلي قالت لي كل شي طبيعي وكويس وماادري الصراحه احسها ماتدري
موعدي في مدينة الملك فهد يوم الاحد وبقول لدكتوري ويارب الامور بخير*

الله يطمنك ياعمري هي بس كلها على نشاط البيبي مواكثر اهم شي حاسة بالنبض وشفتيه في السونار لما سويتلك الدكتورة ...اللهم احفظ جنين ريم بحفظك ياقادر ...

[ام علاوي99]

مساء الخير جميعا
الله يكتب لك اللي فيه الخير مامازوز
اكثري من الاستغفااااااااااااااااااااااااار

[wssw]

المشاركة الأصلية كتبت بواسطة ام علاوي99

صبااااااااااااااااااح الورد ياكروشات
راحت علي نوم ولاقومت بنتي لروضه وتفاجات ساعه 10 تصحيني وتقول ماما انا غايبه وتبكي رحمتها هعهعهع
جمره غضي والله نفس الالم اللي بفخوذي مو طبيعي بالمره اهلك بالخرج انت وين ساكنه
يارب تسهل علينا ودي اولد بالسبوع الاول من تاااااااااااااسع يالبيه ابي اريح تعبت من ثقل واااعده نفسي اول ماولد اول حاجه اسويها انام ع بطني وحشتني

والله انك صادقة جيتي على الوتر الحساس نومة البطن هههههههه
بس نصيحة لاتستعجلي وتقولي ابغى اولد في بداية التاسع
لإنه الرئة اولا ماتكتمل للبيبي الإ بعد الأسبوع الأول من التاسع
ولو اتأخرت ولادتك راح تتعب نفسيتك مرررررة بالعكس حطي في بالك انها راح تتأخر وراح تكملي التاسع كمان لإنه الحمل ياحبيباتي نفسية مو أكثر ولا أقل وانتي اللي راح تصبري نفسك مو غيرك .

[wssw]

المشاركة الأصلية كتبت بواسطة جمره غضى

كوينات ياقلبي .... حبيت اسالك اذا عندك معلومه
عندي الم في فخوذي من الدااااخل مع عظمه العانه ... يوووووه شي مو طبيعي
خصوصا اذا مشيت .. والا نمت وجيت اتقلب من جهه ل جهه ....
احس رجولي اذا فتحتها كني اعذب نفسسسي .. فخوذي من الدااخل توووجع مع العظم العانه
مدررري ليه ؟؟؟




اللي عندها خبرره بالله تساااعدني

طبيعي حبيبتي عشان الثقل راس الجنين سار اسفل وهو اللي يثقل على عظام الحوض والعانة والظهر حتى المشي تحسي نفسك عاجزة عن المشي بالذات اول ماتصحي من النوم ولما تكوني جالسة فترة طويلة ..زوجة اخويها كانت تحس براسه يدق في عظم الحوض وكانت مرة تتعذب الحمدلله اللي نحس فيه احنا بسيط جنب الحوامل اللي عندهم من جد مشاكل في الحمل ...الله يصبرك حبيبتي

[أم عبدالرحمن السلفية]

الله يبارك فكيــكم كلكم و ربي يسهل ولاداتكم و يفرح قلوبكم بالذريات