تجمع الجزائريات الغاليات المتأخرات في الحمل ‏

[bassouma]

شكرا أسماء يعطيك مراكي تتمني
صحيتي إنتظار ربي يفرحك و يرزقك بالتوأم

[الشاكرة -لله]

امين بسومة اختي

[أم نهى الجزائرية]

روحو انتما كامل ما رانيش لاهية بيكم دوكا هههههههههههههه خليوني مع هدى حبيبتي
يا عمرييييييييييييييييييي و اخيرا دخلتي يا هدى و شفتك و الله غير توحشتك و بقيت غير نخمم عليك الحمد لله كي راكم لاباس يا الزينة

و كيفه راهو راجلك دوكة يخي تنحى عليه القلق شوية ؟؟؟؟؟؟؟؟؟؟؟

ربي يفرج عليكم يا رب عاجلا غير اجل

[أم نهى الجزائرية]

على بالك من قبيل و انا نقرى في الارشيف حبيت نعرف اذا دخلتي من ورايا و لا ها تقلقت عليك تاع الصح حنونة


تخيلو وصلت حتى للصفحة 275 و انا نمشي ماشاريار ههههههههههههههههههه دوخني بزاف طويل

[الشاكرة -لله]

شكرا ليك ام نهى ختي .....الله يعطيك الصحة اختي العزيزة
راجلي راه مليح شوية عجبو بزاف الحال مع الاولاد
و نتي ياك لاباس حبست عليك عجوزتك ؟؟؟

[bassouma]

صح أم نهى هنا مراكيش لهيتلنا تسمى كون ملقتيش إنتظار حنا غير تفوتي بنا الوقت

[الشاكرة -لله]

صح الارشيف بزاف يدوووووخ يطوال و يكبار بالخف

[أم نهى الجزائرية]

لالا بسومة غير نزعق معاكم و الله ما نقدر نصبر على حتى وحدة فيكم والفتكم كامل كون تغيب وحدة تبان بلاصتها مي هدى كانت ماهيش مليحة و كنت مقلقة عليها بزاف عليها يا الزينونة تاعي


و يخي قلتلك بلي نشتيك من قلبي هههههههههههه واش تحوسي اكثر من هاكدا ههههههههههه بزاف عليك كون يسمع راجلي ما يشتيش يغير منك ههههههههههههه


يا رب يا بسومة تكون هاد الدار عتبة خير عليكم و تعمروها بالدراري و تفرحو فيها بنفاسك يا الزينة كي ليوم حبيبتي

[أم نهى الجزائرية]

لالا عجوزتي من هاداك النهار و انا وهي مانحكيوش مع بعضانا و اذا كان ف صباح الخير يا جاري انت في حالك ة انا في حالي


و اصلا ما رانيش لاتية بيها راني مع لخياطة هاد ليام و الله غير تنسيني في كل شي و يفوت الوقت بلا ما نحس بيه صح نعيا فيها مي خير من لقعاد نهار كامل وجهي في وجها هههههههههههه

و انت حنونة ربي يخليلك ولاد اختك و يعمر حجرك انت قانا كي ليوم باربعة توائم دفعة وحدة هههههههه

[الشاكرة -لله]

امين اختي امين
راني نحوس كل مرة نجيب واحد و لا وحدة من اولاد خواتاتي و خوتي يلهيوني و ينحو على بال راجلي
عندي 13 اخوة متزوجين الله يبرك و كامل بولادهم ربي يحفظهم