تجمع لحوامل شهر جمادى الأولى 1433

[..ام بدر..]

لا فاتتني سوالف كثيره خخخخخ

سروءه وباقي البكريات انا لمن ولدت نظفتني الدكتوره وصار الدم اللي ينزل علي قليل مو غزير


يعني صار زي دم الدوره العادي مو الغزير بداية الدوره ....لا يعني ما احتجت لفوط النفاس الفوط العاديه نفعت معاي

هالمغطس متوفر في اغلب الصيدليات اشتروه انتو سعره مايتعدا 40ريال قولي ابغى مغطس النفاس يجي لونه بني قوليله ينحط بالكرسي حق الحمام

والبكتات الملح هذا اسمهاbilo bath
انا دكتورتي قالت لي اول اسبوعين مرتين باليوم عشان ماتلتهب الخياطه والله الله بالنظافه من تحت عشان ماتندمون يجيكم التهاب مع الجرح ولا يجيكم شي ثاني لاسمح الله.....ونصيحه لكم كلكم لا احد يستخدم اي مغطس ثاني غير هالملح اول اسبوعين والله اعرف بنات كثير بكو وندمو لمن استخدمو المر والاشيا هذي اول نفاسهم...والله العظيم طلعت لهم خراريج من تحت وراحو لدكتوره وفتحو الخياطه ونظفوها ورجعو تخيطو من جدييد...انا حبيت انبهكم اول اسبوعين تنقعي بملح الصيدليه لانه معقم مع ماي دافي وحطي المرهم الي كاتبه لك طبيبك

كل ماتذكرت شي او نصيحه بقولها لكم والي عندها شي ياليت تفيدنا

[..ام بدر..]

ام ليان انا كنت مثلك بس الالم كله باليسار وجاتنني اندونيسيه حقت مساج وسوت لي مساج والله يهديها رفعت لي البيبي كثير تقول عشان تقدرين تمشين :(

والله زعلت تمنيت انها مارفعته لان وقتها حسيت ولادتي قربت...هي لمن جت ترفعه قالت لي هو جوا الحوض والله يسامحها رفعته لي

بس فعلا بعد مارفعته صرت اقدر امشي واتحرك احسن من اول والجلسه كانت تعذبني بس ارتحت ....والحين اشتغل ببيتي لانو اهل زوجي بيجوني بالاجازه ااه ياربي شايله هم الواحد صايره اخلاقه صفر. مايقدر يجامل ويقوم بضيوف وقتها بيكون ثاني اسبوع لي بالتاسع...والله يعين

[..ام بدر..]

توليب انا وانتي نفس موعد الولاده وخوفتوني لمن سألتو عن الكشفيه...انا في بكري كنت جاهله تخيلو في التاسع ماراجعت الا اول يوم في التاسع ولا روحت لدكتوره الين الولاده شافتني بغرفة الولاده مع اني تأخرت اخذت التاسع وزياده بس ماكنت ادري انو لازم اراجع فما احد كشف علي ولا ادري متى الكشفيه...اليوم ان شاءالله اروح لدكتورتي الي بولد عندها واشوف كم مره المفروض اراجع في التاسع

[((ام ليان))]

بنات بسالكم الحساب الحمل الصحيح هو حساب الدورة او حساب السونار
حساب الدورة باقي لي حدود اسبوعين وحساب السونار باقي يمكن ثلاث اسابيع يوم قلت لها
ليش ثلاث اسابيع قالت يمكن علشان وزنه صغير والله رجعت بيتي وانا كارهه حتى نفسي
ونمت نوم موطبيعي حتى زوجي يقول نمتي من الاحباط بس يضحك يقول وش الفرق اسبوع
قلت يوم واحد يفرق معي
يارب سهل ولادة كل حامل ولا تعسرها يا كريم

[..ام بدر..]

ام ليان سألت كم استشاريه ويروفيسور كلهم قالولي حساب الدوره هو الصح

تخيلو بنات بروح المتسشفى من الحين اخذ رقم والدكتوره تداوم 7...واوقات اروح الاقي رقمي8يعني ما ادخل قبل الساعه9بالليل ااااه من فقيه مستحيل اقعد في الانتظار اقل من 7ساعات

[يمكـ دروبي]

ام بدر ام ليان
اخباركم

ام ليان صادقه وربي ان اليوم يفرق
الله يخارجنا على خير

بنات من اول ما دخلت التاسع وفيني قلق
كل يوم احس اني بولد خخخخخ
وربي تعبت احس اني بولد قبل اخلص شهري
اتمنى ذلك ههههه

[سرووءة]

ام ليان
سلامات مانشوفي شر

ام بدر
الله يجزيكي الخير عالنصايح
نحن البكريات محتاجين هيك نصائح
حفظت عندي اسم الملح عشان اجيبو من الصيدلية مع اغراضي
وانشالله لازم اداوم عالمغطس بعد الولادة
يعني هو فقط عشان الجرح لايلتهب
ولا له فوائد تانية
بجد حاسة حالي موفاهمة شي ابدا

[الدلال والدلع]

السلام عليكم اليوم
رحت لموعدي واول مرة ادخل عند الاستشاري تبع متابعة حملي
وقالي لك يومان بالتاسع وش رايكم يقول علي حسابة وحساب السونار
وانا الحين مدري من اصدق حسابي بعد ثلاث ايام ادخل التاسع

[متغربه]

مساء الخيرات

كيفكم يالغاليات

اشتقتلكم والله كثير

اتابعكم من فتره لفتره بس من التعب اللي انا فيه ما اقوى اكتب

انا هالفتره معاي آلام تروح تجي ومثلكم مودعه النوم والثقل على تحت

شافني الدكتور قال لي الراس مره نازل تحت بس الرحم لسى ما فتح

ما ودي اولد الحين ابي اصبر شوي لبعد اسبوعين.. والله يتمم لنا جميعا على خير

[متغربه]

سروؤه.. ما تشوفين شر يالغاليه..
أم رزان.. وش اخبارك والبنوته؟؟
أم بدر.. المخمليه.. أم ليان.. يمك دروبي.. الدلال والدلع.. كلكم بلا استثناء
كيفكم والتعب؟؟