دردشة حوامل أهل الامارات - دردشة بنات الامارات - تجمع حوامل الامارات

[الودود]

الحمد لله الله معاك وعينك على العمل مشكورة

[اقصوصه]

الله يعين اليميع ان شا الله ، انا يوميا الساعه ست اعشي عيالي وع سبع هم فالفراش خلاص، انتي متى عيالج ينامون؟

[سمو الأميره]

هلاااااااااا

اخباركن حريمات

اشتقت لكن ويا مرحبا با أم شواخي

اخبارج يا أقصوصة بعدج تعصبي ؟؟؟ مرة الشغاله ومرة ريلج ومرة عيالج

الله يعينج ؟ كوني هادية ...بالنسبة للخياطة جربتها ف ولادتي الأولى ف كورنيش

سوت لي ياها الممرضه لانه الدكتورة تأخرت وخافت مفعول البنج يروح بس

سوتها زين وانا كنت خايفه فقالت لي انا 11 سنه خبره ..وكانت شامية وزينه وياي

بالنسبة للمرة الثانية ربيت قيصري ....وكل عام وانتي بخير

اخبارج أسوم بعده ريلج مسافر ..الله يعينج ع وحدة هذا أول حمل لج ؟؟

ماشاء الله ع أمنا أم منصور خبرة 20 سنه تبارك الرحمن ماشاء الله ..الله يحفظ عيالج

بعد جم سنه بتستوين يده خخخخخ ..حلو ماشاء الله فنانة تشكيلية يعني عنج حس مرهف

وذوق عالي ؟؟؟ يالله لما تتفيجين اعرض لنا بعض من ذوقج سواء ديكور او موضه ...

اخت ملاك شحالج أجر وعافيه ....

الودود شحالج ...كم عندج عيال ؟؟؟ ولا هذا اول حمل ..ترى تلخبطت لاني مااخل

وايد بس احس اني يوميا ادخل لكن ماشاء الله الحريم شغالات ...

شو أخبار فراشة الشارجة جمعتنا وراحت عنا ؟؟ منو يعرف أخبارها ؟؟؟

[اقصوصه]

هلا سمو الاميره ، انا اباها تضيقني شوي مش بس تخيط المكان اللي قصته، وما اعتقد الحكومي يسوون هالسوالف، واحس الولاده فالحكومي حظ يعني ع حسب الدكتوره المناوبه وقت ولادتج، حاولت اني اتصل فعيادة دكتوره ناديه للاسف محد يرد وخذت من الاتصالات رقم ثاني ع اساس انه رقمها الشخصي بس يوم اتصلت ردت علي دكتوره ثانيه وقالتلي الرقم غلط وانا دكتورة جلديه! وطبعا ما فيني اصك لين بوظبي بس عشان استفسر، مااعرف عاد شو لازم اسوي الحين الله يعين بس :( من ناحية العصبيه الحمدلله لين الحين اليوم مر ع خير بدون عصبيه وبدون حرقة دم ، وعلى امل يبقى الهدوء مستمرا لوووووووول

[الودود]

سوري حبيبتي اقصوصة انشغلت شوي انا اولادي بيسهرو شوي واعطيهم شوي فرصة لللعب قبل ماينامون .

سمو الاميرة تسلمين حبيبتي أنا عندي الحمد لله ولدين الاكبر 5 سنوات وشوي والتاني قريب يدخل 3 سنوات والحمد لله ، الله يصلحهم ويفقهم في الدين ويكونوا لي عونا في دنيتي وآخرتي

ولكم جميعا إن شاء الله الذرية الصالحة .

أقصوصة ليش متروحين عند مستشفى النور الي بخليفة عند الدكتورة نضال عطية أنصح بيها و

انا لاحظة انها عندها خبرة ، وهي كان عندها برنامج في قناة أبوظبي عن التكيس ، وهي

تنصحك وتفيدك إن شاء الله ، والله يوفقك حبيبتي .

[اقصوصه]

هلا الودود : والله ما ادري ان ما قدرت للدكتوره ناديه بحاول اشوف الدكتوره نضال اللي تقولين عنها مع اني متعقده من مستشفى النور لاني اول ما حملت سرتلهم وما كنت اعرف اني حامل وقلت للدكتوره ان الدوره متأخره علي واني يمكن عندي التهابات فسارت الدكتوره فحصتني فحص نسائيه فورا بدوون ما تسويلي فحص دم ولا غير وقالتلي ان عندي التهابات بعدين سوتلي صورة تلفزيون وقالتلي ان ما في حمل عندي وان دم الدوره متجمع وبينزل باي وقت وطبعا بعد اسبوعين سرت انا عياده ثاني لان الدوره ما نزلت ولا شي وسوولي فالعياده فحص حامل طلعت حامل بشهر وشوي يعني زين اني ما طيحت اللي فبطني من الفحص :(

[ام منصور]

ماادري اقول مسا ءالخير والا صباح الخيييير
حبيبات قلبي اليوم ابدا لاب توبي خرف ولا طاع يفتح صفحة المنتدى
دخلت من كمبيوتر ولدي
بشوف باجر بوديه يعالجونه ((الله يشفيه )):)
حبيبت قلبي الودود شكرا على اللقب الحلوووووو واااايد عجبني .... خخخ مصدقه عمري انا عاااد
سمو الاميره قولي ماشاء الله لاقوة الا بالله يا ختي روحنا ضايقه فينا الدنيا مب لاقين حد نسولف وياه عايشين في مقطعه لا عدالنا يران ولا حد كله انجليز والعرب العدله كلهم بعيد
بالنسبه لزواجي عشته وانا مغمضه عشان اتم كل هالسنين واللهم لك الحمد قولي الله يتمم علينا بخير ويهدي النفوس
الغاليه اقصوصه الله يعطيج العافيه ويطول في عمرج لعيالج ( احب الام اللي تعيش لعيالها )
ملاك اشتقنا لسوالفج وينج
اسوم شو اخبارج الغاليه وينج

[marmarah]

يابنات ارجوووكم ساعدوني الجنين ميت ببطني من ا3 اسابيع وكل المستشفيات رحت بدبي والشارقة ما رضو يعطوني ابرة و لا حبوب ولا تحميلة ولا عملية ويقووولووون انتظري الاجهاض الطبيعي
ساعددوووووني شو اعمل وييين اروووح انا بالشارقة


ارجووووكم تعببانة نفسياااا

[ام شــواخــي]

حبيباتي بغيت اعرف انا باي شهر من الحمل افتر مخي من كثر ما افكر خخخخخخخخخخخخ
انا اخر دوره 21 -7 اوكي لكن كنت مركبه لولب وجلعته بعد ما تطهرت يعني تاريخ 28 -7
يعني ابا اعرف انا احسب من الدوره ولا من جلعت اللولب
وبعد ابا اعرف انا باي شهر او اسبوع
وسلامتكم
اسمحولي خذيتكم بشراع وميداف
ونسيت اقولكم مشكورين للي رحبو فيني واللي ما رحبو
ويالله اوجدو لي حل
انا اتوقع الدكتوره قالت لي ان ولادتي تاريخ 26 -5 اتوقع جي يعني

[ام شــواخــي]

اااااااااااشششششششششششششش يالسه اقرى سوالفكم
انا ما انصح بالنور الصراحه زحمه ويرفعون الضغط خاصه فرعهم اليديد اللي بالمطار مقرفين كرهتهم