دردشة حوامل أهل الرياض - دردشة بنات الرياض - تجمع حوامل الرياض

[أمونه*]

الدلووعه...الله يجزاك كل خير ..ياالله استحيت من كلامك الطيب ...شوفي وجهي صار احمر ...والله انك تأخرتي علينا...وحشتينا
انا ماعندي مانع بزوجك بنتي ..وتراها لقطه ... بيضاء البشره وخشمها سلت سيف..وشعرها ناعم بسم الله عليها وذكيه بتفهم على ولدك على طول
ودلوعه ..وعسل... بس للعلم مهرها غالي ... تستاهل على المواصفات
إن شاء الله تقومين بالسلامه ... وماعليكي نتكلم بموضوع المهر لاحقاً

[ام ركوني]

والله ياقلبي اني خايفه بالمره مع انه لي تجربه سابقه مدري وش فيني والحمد لله كل شي تمام

وخلصت كل اغراضي

بس وش رايك ,,,

محتاره وين انفس فيه ان شاء الله ببيت اهلي ولا عند زوجي عمتي اللي هي ام زوجي تقول اجلسي ببيتك وبجي وبجيب لك الخدامه وامي تقول تعالي عندي وانا مستحيه من الوالده مابي اكلف عليها لان ماعندها خدامه

المشكله شقتي صغيره وابو زوجي راح يجي معها ومستحيه تعرفين الوحده بتاخذ راحتها

وش رايك يام الاسمر والله اني محتاره بالمره ,,

[ام ركوني]

ياهلا والله بدلوعتنا وينك مشتاقين لك

تغلين يعني ,,,

[ام غنو]

أهلين بالكرووووووشات أخباركم فيه حد ادريس معاه ولا اطلع

[ام غنو]

اووووووك أنا بسولف ع نفسي هههههههه ًًً ًأنا هاللحين بأنص الثامن ادعولي الله يسهل علي وكنت أراجع في مستوصف الأزهار واللحين حولت ع قوئ الأمن تقبلو مروري *

[ام غنو]

شكل ما فيه حد خلاص يا كروووووووشات سلام

[ام غنو]

أهلين بالكرووووووشات أخباركم فيه حد ادريس معاه ولا اطلع

[أمونه*]

ام غنو .... موجودين الله محيك ... دردشي وندردش ...
إن شاء الله مالك تعبانه كونك بالثامن ...وشلون البيبي
اول بيبي ..ياعسل

[أمونه*]

ام ركوني ...إيييه الحمد لله ..اهم شي خلصتي الأغراض ...
انت اهلك في الرياض ..ولا بعيدين ...مشكله ابو زوجك إذا كان موجود
لا إذا زوجك موافق اريحلك عند اهلك وخصوصاً ان عندك عيل قبل
لا تستحي من امك هي يلي قالت تعالي ..الله يخليها ليك
تره في عوايل كثير بناتهم ينفسون عندهم ..هذا طبيعي
خذي بخاطر عمتك وقوليلها ..إنك ترتاحين وإن شاء الله تتفهم

[راجيتن الله]

سؤال للي تعرف

انا اذا خلصت من الحمام وطلعت
أحس المنطقة ترطبت من البول وانتوا بكرامه

بنات وش اسوي مرا تعبت من الطهاره والصلاه وش اسوي

هل الدكتوره عندها حل

وهل فيه احد بحمله صار له كذا

وانا بالشهر الثالث .. هل من مجيب