تجمع حبيباتي الكروشات اللي راح يولدون بشعبان

[Fnoo]

اهلين صبايا كيفكم


ام حماده الله يسهلك ياااارب ويهون عليك وتولدين بالسلامه


بنااات اليوم كان عندي موعدي وسوت لي فحص من تحت اااااااحححح يعور والله قعدت اصيح هههههه

الدكتوره تقول شكلك بتغلبينا وقت الولاده وقالت لي الرحم مفتوح واحد ونص وانه معي طلوق

وانا ما احس بشي وشلون مدري ومن طلعت منها وانا تعبانه ونزل معي دم شوي ومعي اللم بظهري

وقالت لي احتمال تولدين قريب وعطتني موعد السبت قالت لي اذا ماولدتي سويت لك موعد ولاده الاسبوع الجاي*

الله يسهل علي وعليكم يااااارب ويرزقنا ساعه سهله ياارب ياكريم*

[زاوية في دائرة]

لا سفوونه كلووو ولا الإكتئاب :-)

الحياة جمممممميلة :))

قوليلي متى أول يوم لدورتك .. أنا جاتني 10/26 إلى 11/2 :-$

"
يعني سفونة تنصحيني أشرب علبة خروووع كاملة 0_o
ترى أسويها .. بس قوليلي أي زيت خروع ولا شيء معين :-/

[سفن بارد]

فنووو الله يسهل عليك ياااارب ويفرج لك ياااارب

لبنى حبيبتي لوالله غصب الاكتئاب انا كذا احمل وكل الشهور الاولى اكتئاب والشهور الاخيره الله يعظم الاجر وزود زوجي تعبان هالفتره له اسبوعين مو طبيعي الله يكشف ضره وكل مسلم وتعبانه معه ومكتئبه يااارب تكشف ضره ياااارب

ايه ياحبيبتي انصح وبقووووه اذا خلصتي التاسع ماولدتي تشربينه من الصيدليه علبه زيت الخروع بالفواكهه اصغر من علبه الفيفادول حق الاطفال يعني صغير والله اسمي واشربه كله وكله كم ساعه ماشاء الله ويصير البيبي بجنبك باذن الواحد الاحد والله انا فتح رحمي وولدت في اقل من المده اللي تخيلتهاوانا نصحتني فيه دكتورتي الله يسعدها وهالمره قلت لو اخلص التاسع ماولدت راح اشربه والله ماشفته منه ماشاء الله الا كل خير اللهم لك الحمد

[زاوية في دائرة]

ححححلوو أجل من تاريخ 8/8 بطق لي علبة خرووع :-)
لأنو الدكتورة زادت 12 يوم على قولها إحتياط ؛-/

الله يفرج همك ويشفي زوجك ويطمن قلبك يآآررب <3

[سفن بارد]

ياحبي لك زاويه في دائره الله يسعدك على الدعوه بجد محتاجه لها
استخيري ياحبيبتي وتوكلي على الله اها انت 8/8 وزادت 12يوم
انا اخر دوره لي كانت11/6وقالت لي دكتورتين ان موعد الولاده8/20
كيف دكتورتك الزااااحفه زايدتك كثير يمكن عشانك بكريه الله يفرجها عليك يااارب
انا نصحتك وانت ياحبيبتي في الاول والاخير استخيري ياقلبي وتوكلي على الله لان اللي يستخير ويتوكل ربي مايضيعه انا استخرت قبل اشربه وتوكلت على ربي وسبحان الله ماشفت منه الا كل خير اللهم لك الحمد
الله يسهلها علي وعليك وعلى الجميع يااارب

[نوره الأموره]

صباح الخير

[سفن بارد]

صباح النور نوره الاموره وين الغيبات حبيبتي كيفك؟
ومبروووووك دخولك التاسع الله يسهل عليك في وقتها ياااارب

[حنين الكون&]

صباح النور يااحلى كروشات انا جديده على المنتدى بس متابعتكم
ربي يسهلكم ويفرج همي وهمكم
ليه 3 ايام داخله التاسع وبكريه
فهموني كيف الم الطلق كيف اعرف؟

[نكهة القهوة]

زاوية في دائرة / لا ماقالت لي شئ عن صديد البول الله يكرمكم بس نصحتني بشرب المويه كثيررررررر
والله يسهل لنا يارررررب .

أم حمادة / الله يقومك بالسلامة يارررب ويسهل لك جميع أمورك وان شاء الله تجين تبشرينا بولادتك بالسلامة .

سفونه / ياقلبي انتي هونيها وتهون والله يرفع عن زوجك ويشفيه وجميع مرضى المسلمين ياكريم .

[SoooSoo]

صباح الخير .. الله يقومك بالسلامه ام حماده وتبشرينا بولادتك..
زاوية وسفونة انتو قريييب مني خاصه زاوية دورتي كانت 28 / 10 يعني بعدك بيومين بس انا حاطين موعد ولادتي 12 / 8 مدري صح والا لا انا مااعرف احسب الاسابيع احسب الشهور ..
وباقي وراي سفر ولا قضيت ولا شي .. والله توي استوعب اني في التاسع بس ان شاء الله اوصل لاهلي واخلص اغراضي قبل لا اولد انا خايفه اعوشر عشان كذا مااستعجلت لان بولدي الاول اخت 10 ايام زيادة ع التاسع ..
الله يسهل ع الجميع ,, وعجبتني فكرة الخروع بس مشكلتي خواااافه من هذي الاشياء .