دردشة بنات فلسطين, دردشة حوامل فلسطين, تجمع بنات فلسطين

[سهى2012]

احساس انثى * وبينك روز * غموض انثى * عيون المها * حيفا * نبض قلب * وكل صبايا

اتمنالكم يوم حلو والله يخفف عنكم جو الشوب وتعب اليوم

[سهى2012]

والله تربية الطيور بالبيت وتحديد احنا بنستخدمهم كتير افضل لنا بالف مرة من واحد يشتري


وكمان البيض بلدي وحده بس تعادل عن ثلاث بيض مشترى وفيه غذا وفائدة اكتر


تعالوا شوفوا اولادي بيركضوا وراهم وبيصرخوا معهم هههههههه وشاطر يمسك بطه وينزلها بالمي تسبح قدامه ههههههههه والله صغارنا اي شي بفرحهم

[احساس أنثى]

ههههههههههههههههههههه

كويس انهم مابيخافوا أولادك في صغار بسيروا يعيطو بس يقرب من هم الصوص او البطه خخخخخ

صبايا بدي اعمل وجهي عند الكوافيره مكسله اطلع من البيت مع الحر مع انها مش بعيده علينا على اخر الشارع

كل يوم بقول بكره هههههههه بس عن جد هالمره بكره وانا رايحه ع اهلي بعمل وجهي وبميل عليهم مهما بنفس الشارع بروح عليهم مشي ^_*

[احساس أنثى]

سهى انتي عندك حوش بالبيت ولا وين حطاهم ؟؟ بطاتك ؟؟

[سما الدنيا]

شو بدك تعملي بوجهك يا احساس تنضيف بالخيط ولاتنضيف بشرة بالكريمات

[سهى2012]

احساس انا عندي الارض مساحتها 170 متر وفيها زرع شجر زيتون وعنب ونخيل وتين وجوافه

وتحت شجر زرعة ريحان ونعنع وكليل جبل وزعتر ورد جوري والحمد الله سنة عملنا فيها بركة كبيرة لاولاد عشان ما بدنا يطلعوا على شارع وكمان بحر غزة مش كتير نظيف

وهيك بقدر اربي فيها بط وجاج سنة ماضية كان في حمام والارنب وطبعا ما بنستغني عن البسس بالبيت ههههههههههههه عاملين حديقة حيوان

[احساس أنثى]

لا تنظيف بالخيط ... ولا مره جربت تنظيفات الكريم والشغلات هادي امي من يوم واحنا بنات تخوفنا من هالامور وتجبلنا قصص من المعلمات ههههههههه وانا بخاف الا الوجه ...

[سما الدنيا]

اها يلا نعيما يا بطة....هوه اكتر اشي لمن للوجه اختي كوافيرة وافضل طريقة بتعملها او بطلبوها الصبايا لوجههم...
في بيجو يعملو تشقير للوجه عشان يخفو الشعر الاسود بوجهم بس اختي بتنصحهم ما يعملو لانو بيضر الوجه بس هن بصرين وبتضطر تعمل

[سهى2012]

احساس تنظيف بالخيط افضل واحسن للبشرة كمان من حلاوه لانها بتعمل بعد فترة ترهلات بالجلد وخصوصا الوجه منطقة حساسة وممكن بشرة ترخي من كتر استخدام حلاوه انا بعمل بالخيط بس قليل جدا لاني والحمد الله مش شعورية وبالسنة مرة بعمل جسمي اختي وصديقاتي بيحكولي نيالك جسمك ما بيحتاج للتنظيف ومع الحمل ما بيكون في شي بجسمي بالمره

[احساس أنثى]

ماشاء الله ياسهى تتهني ببيتك انا بحب الخضار كتير والبسس كمان لازم اجيكي زياره ههههههههه

مشكورة سما وسهى على النصائح بس انا بعمل التينن هههههههه حلاوة وخيط .. الحلاوة بالاول والخيط بعدين

مرة جربت اعمل خيط بس تورمت روحت وجهي مش وجه هههههههه جدري ...عشان هيك بعمل حلاوة بعدين خيط الحلاوة بحسها ارحم مع ان الكل بقول بتعمل ترهلات بس شو اعمل انا مشعرانيه ههههه فهموتها الكلمة

بس انا بالشهر مرة لما اعمل يعني لما يكتر عشان مش كويس كل فترة وبالبيت بعمل لحالي بس مش تنظيف على الاخر تخفيف لحد مااروح على الكوافير ... جوزي مابعلق على شي عشان هيك بصبر شهر هههههههههه

وصحيح انتي بنعمه ياسهى لانا بنتعب بجد ,,, انا اسمعت ان اذا اجت بنتك فيها شعر المولوده يعني قال احلبي من صدرك على وجهها وجسمها بيخف الشعر عندها وسمعتها اكتر من وحده


يلا هلأ بدي اقوم اخبز حماتي عاجنه هههههههه بشوفكم كمان ساعه