دردشة بنات العراق, دردشة حوامل العراق , تجمع بنات العراق

[فوفو العراقية]

صباح الخيرررر عالجميع
حبيبتي ام نورهان شلونج؟
حياتي الله يسهل عليج وتجيبين وتكومين بالسلامة
يالله هانت مبقه شي
اني التقلصات كلش خفيفه صارت عندي
وناشفة لحد هسة
بس بعد الوكاحة صار عندي الم جوة بالحوض
بس عادي ماراح اهتم والمهم تقلصات ماكو تقريبا
ودا امشي كل يوم
والتسهيل من رب العالمين
وانتي لا تضوجين نفسج وكلما تحسين بالضيق اطلعي اتمشي
المشي يفيدج ومايضرج
واني راح اشوف الحبة السودة لو موجوده هنا اجيبها وطحنها وخلطهة ويا زيت الزيتون
وادهن بي ضهري وبطني والحوض كلة
واخلي رجلية بماي حار شوية عسى ربي يسهل علية بحولة وقوته
بس طبعا لو اكو حبة سوده هنا ههههههه.

حبيبتي هانت مابقالنة شيههههههههه.
خلي جهالنة يربربون شوية ... بعدنة تونة بالتاسع

[ام نورهانه]

هلو حبي فوفو
استوني طلعت من الحمام اخذتلي حمام دافي والبارحة بالليل 3 مرات كعدت من نومي على الم التقلصات كلش غاثتني وحلمت دااكل نستلة كت كات بس جبيرة كلش وانطيت منها البنتي ورجلي ههههههههههههه

وهسة اخذتلي حمام دافي ودفيت زيت زيتون ودهنت ظهري وبطني وصدري
وبلكت بالليل هم اطلع اتمشى لان والله يافوفو دتصير عندي رجفه وضيقة نفس مو طبيعية حتى اني دااسبح اجتني ضيقة النفس بحيث حسيت روحي عبالك احد ديخنكني بحيث رأسا اني بالشاور فتحت الباب مال حمام الا دخلي هوه بارد ياله ارتاحيت
ومدا اعرف احس حالي فد مره تعبانه وجسمي كله متعوب ومرهق الله يعين ويكتبلنه الاجر على هالعذاب

اااخ ربي الله يعين لج صايرة لانومتي نومه ولا كعدتي كعدة وحتى اللبس صايره اكره كلشي
والنوب احس الالتهابات رجعتلي وكلش متضايقة منها ومد اخلي يتقربلي لان اخاف تزيد بس خليت كريم جينو ديراكتين شوي ارتاحيت

[امرأة الفرح]

فوفو ,, وام نورهانة ..
الله يساعدكم حبايب والله قلبي وياكم
الله يسهل عليكم ياااارب
من اقرة ردودكم اكول ويييييلي هذا كلة ورااي..

انشالله ساعة وسلامة

[فوفو العراقية]

مرحبا
اني كلش زاد الوجع عندي
راح اروح لمستشفى الولاده لان الحال لا يحتمل
ومناك لو صار شي اكتب الكم لو الايفون اشتغل او كدرت
لو اذا انطوني مهدء ورجعت للبيت

ادعولي عفية
اني بعد الالم لا يطاق عندي
لا اكدر امشي ولا اكعد ولا حتى انام والاتقلص جان فوك هسة كل التقلص بالحوض
الله يخليلكم احبابكم ادعولي.
سلام.

[المغتربه المتفائله]

هلووو بنات
شلونكم
فوفو الله يكومج بالسلامه ويسهل عليج الولادة ياررب وتفرحين بنونو الحلو طمنينه عليج حبي واحنه ندعيلج
ام نورهانه حبي الله يسر امورج ويسهل عليج وتولدين بسلامه
والله بالي وياكم وادعليكم بالسلامه وترجعونه انتو والنونيات
يارب يسهل على كل الحوامل ويبعد عنهم كل شر بحق محمد وال محمد

[المغتربه المتفائله]

ام ايهومي
الف الف مبرووووووووووووك المركز الثاني بالمسابقه
تستاهلين عاشت الايادي حبي
الله يخيلج ايهومي وتفرحين بي ودوم للاكثر نجاحاتج ياررب

[فوفو العراقية]

اني بغرفة الولاده ادعولي. من اجيت جان التوسع 4سانت تقريبا. والله يسهللي يارب.

[White angel]

هلووووو حبايب
شلونكم
فوفو حياتي ربي يقومج بسلامه
مو ترجعينه ومجايبه ولجن شلعتو قلوبنه انتي وأم نورهانه
يله عفيه شدي حيلج وجيبي حبيب بنتي كبد
بسلامه ان شاء الله ولو البارحه حلمت بيج جبتي ويارب يتحقق الحلم ياعمري اقري ايات وخاصه أية الكرسي وتعالي بشرينه
ام نورهانه يله ولج لزكت هاي بنتج فد دفره وخليها تنزل يله اريد اشووووووووف الصور

سراوي شلونج عمري وشلونه النونو
لج ميوووش شلونج عمري الج وحشه غير تاخذين صوره لبروره حتى نشوفها وخاصه بتركيا
شلونها قماااشه هههههههه يلعن إبليس العجايز ميخلون احد بحاله
عسوله ونورا لكم الكم وحشه وين غايبات
ام ايهومي شلونج عمري اخبارج مبروك الفوز ب المرتبه الثانيه

[امرأة الفرح]

فوفو يارب .. المشاركة الجاية
تكولين بيهه
باركوولي ولدت بالسلامة ..

الله يسهلج بحق محمد وال محمد

[مي &]

هلو بنات شلونكم شخباركم مشتاااقتلكم حبيباتي

ولج حبي فاديه يمه الله ايعينج وايكومج بسلامه يارب عبالك اني دا اجيب من انتي الله ايكومج بسلامه يارب

فله يارب يوم الالج واتجيبن حبي بالي يمج حبي

امراء من فرح حياج الله حبي


زنوبه حياتي انتي شلونج اخبارج الج وحشه الله يشهد مشاقتلج حياتووووو
والله كماشه اموتتني يبووو يوميه اخذ منه رزاله ماادري اشبيهه رااح اتموتني والله

وابرار اخذتلها هوايه صور ابتركيا بس شنو حجمهن جبير مينزلن اهنا بلمنتدى حرامات
عذريني حياتي اذا عندج طريقه تصيغير حجم الصوره علوه علميني

حبي ام ايهومي الف مبروك المركز الثاني وعاشت ايدج على السفره وانشالله عاااااااااااااااااامره