دردشة بنات فلسطين , دردشة حوامل فلسطين , تجمع بنات فلسطين

[لولو الفلسطينية]

و الله يا حيفا حتى انا مش مصدقة
بس بتعرفي
هاي اكييييد عندها ضروف صعية غير الحمل لحتى وصلت لهالمرحلة
جد انا بتمنى من مسك و البنات يفكرة بقلوبهم مش بعقولهم صحيح كذبت و مثلت بس فكرو انو ممكن تكون عندها ضروف ما بعلم فيها غير الله و هي الي دفعتها لكل هالقصة و من كتر الضغط و الحرمان الي هي عايشة فيه صارت هيك
صحيح زي ما قالت حيفا كل واحد الو طريقة يتعامل مع مشاكلو
صحيح ممكن مهما كانت ضروفها ما كان لازم تتصرف هيك تصرف بس احنا ما بنعرف شو وضعها ولا شو العيشة الي هي عايشيتها
عشان هيك ما بنقدلا نقول الا اللله يهديها و يرزقها و يعطيها الي بتتمناه
الله يعين الناس

[حيفا]

حلا حبيبتي جربت التهاب الجيووووب وتقريبا كل سنة بشهر 3 و 4 بمرض مرضة من النوع الثقيل ومرضتها هالسنة باخر شهر تلات التهبو الجيوب والحلق والاذنين والصوت راح وكان ينزل دم من انفي من شده الالتهاب
الحمد لله ع كل حال ، وربنا يشفيكي ويخفف عنك بالقريب العاجل

وبالنسبة للطبيخ قلت مش جاي عبالي اطبخ ولا عارفه شو بدي اطبخ وشكلنا رح نقضيها اندومي ههههه
صحه صحه عالورق الاخضر شكلي رح اعزم حالي عنددك

[حلا الماس]

دودو ... يسعد هالصباح يا رب

الله يسلمك ويبعد عنك ... يختي اسم الله عليه عموورة نشيط لهيك قلب ... بس إن شاء الله يبرح لتحت تاني لسه معكي باقي التامن والتاسع كلو ... بيقلب ما تقلقي كتير ... بعرف وحدة كانت طالعة على أساس عملية لأنو الرأس فوق وقلب وهي بتحضر حالها للعملية وولدت طبيعي .... اتفاءلي بالخير

حيفا .. أنا مش قادرة اشك بولا حد فينا ...

[ام عبدالله لولو]

هلا يسعد صباحك ام عمر شو اخبارك واخبار الازعر ههههه ما تخافي بيقلب شكلو حرك
حلا صحة وهنا ع الورق بحبو كثير اليوم طابخة مخشي بادنجان كثير طيب
لولو وين رحني حيفا وينك هههههه بنادي عليكم

[حيفا]

ااخ يا لولو لو تعرفي شو مدايقني وضعها هالبنت ، بس هي تيجي وتحكي بلاش تحكي عالعام متل ما حكت ام جودي تشوف بنت بتوثق فيها وتحكيلها وانا عن نفسي بوعدها انسى كل اللي قبل ونبدا من جديد مع بعض ، يا اختي مشان تكسبي منا دعوات بالذرية الصالحه بلكي فينا اللي دعواتها مستجابه تدعيلك بقلب بدون ضغينه ولا شعور بانه مضحوك علينا

[لولو الفلسطينية]

حيفا ههههه يسعدو المثقف
دودو
هههه لا ما نسيت ههههه الله يجيبلنا اياهم بالسلامة
يللا حلو التنين مسمسمين ههههه بليقو على بعض
كل الصغار حلوين الله لا يحرمهم لحدا
شو اخبارك انتي و عمروة ؟؟
حلا صحيح اول شا صحتين على ورق العنب
بس اخر مرة رحت على الدكتور حكالي شغلة استغربت منها
قال شو قال ورق العنب كتير بضر الحامل و حكالي انو ورق العنب بخلي الكلى ناشفة عند الناس العاديين مش الحوامل فما بالك الحوامل
حذرني منه و خصوصا في الشهور الاخيرة
مش عارفة من وين جابلي هالمعلومة ههههه

[حلا الماس]

حبيبتي أم عبد الله هيني ببرم ... بشو بتحبي نبرم ؟؟

حيفا ... اتقضلي يا مية أهلا وسهلا فيكي
انا من بداية حملي هاد وأنا الجيوب الأنفية تاعبتني ... ومع هالجو زادت كتييير .... الهوا الشرقي انا بكرهو جداً

[~{{ DoDo }}~]

حيفا
يسعدلي اياكي ياااارب
انا بخير وعمورة بخير هيو بيرفس وبيسلم هههه
الله يعينني عليه لما ييجي ويعطيكي متله واحسن ياااارب ؛)

لولو
اتفق معاكي كمان
كلكم بتحكوا كلام بيعجبني عن هالقصة
ومن الآخر توقعوا كل شي وحضروا حالكم تنصدموا بجد

حلا
حبيبتي صحتين عالورق العنب والف سلامة عليكي
الجيوب كتير صعبة بتهد الحيل الله يكون بعونك
بالنسبة للسيد عمورة اه والله شكله
هي الدكتورة طمنتني نوعا انه معي وقت للاسبوع ال 37 يعني نص التاسع تقريبا
لانه المية اللي حوليه منيحة بالوقت الحالي وحجمه لسا صغنون
انا متاملة بوجه ربنا وزوجي بيقللي اللي رايدو ربنا بيصير
فيه ناس بيطلبوا العملية بالطلب يعني ما عادت اشي صعب
بس انا نفسي احس بالاشي واعيشه طبيعي يارب لا تحرمني هالنعمة

[لولو الفلسطينية]

حيفا و الله اشي بحط العقل بالكف
الله يكون بعون الناس

[~{{ DoDo }}~]

ام عبد الله
انا بخير يا قلبي
المهم انتي تكوني بخير والازعر تبعك بخير هههه
صحتين عالاكلة الطيبة ؛)

لولو
اول مرة بحياتي اسمع ورق العنب مو منيح الحامل
هههههه من اول الحمل عملته كتييييير واكلته كتيييييير
في ناس بتوحموا عليه كمان لانه حامض وهيك
اممممم بيجوز الدكتور قصده كترته اول انه كل يوم كل يوم ممكن يعمل مضاعفات او شي

يا بنات مش جاي عبالي اطبخ :( هففففففففففف