دردشة بنات مصر , دردشة حوامل مصر , تجمع بنات مصر

[MALAK2010]

بصى ماتركزيش وربنا يقومك بالف سلامه
اللى ربنا رايده لكى هتشوفيه المهم هتشوفى اجمل نونو ان شاء الله كله يهون
ان كان الواحده بتتحمل الالم الولاده الطبيعى علشان خاطر اللنونو
ولا تفكرى فى الحاجات دى ولا تقلقى فكرى هتشترى ايه للنونو وهتعملى ايه وبس وسيبى الحاجات دى لربنا
وان شاء الله تكون ساعه سهله ياااارب
بس عارفه واحده قريبتى والده طبيعى ولا حست باى حاجه وفى واحده اعرفها ماتخيطتش مع انها طبيعى سبحان الله
ادعى بس ان ربنا ييسرلك الولاده

[احلى نونو]

امييين يارب ياملوكه
ربنا يسهل ولادتنا كلتنا

ايوه هو صح مش كل وحده زى التانيه
بنت خالتى ولدت طبيعى برضه ووولدت بمنتهى السهوله ومتعبتش فى الطق وكده لكن الخياطه بقى من تحت الدكتوره فتحتلها جاااااااااامد والبت بقت مش عارفه تتحرك ولا تدخل الحمام ولما تيجى تتحرك ع السرير كانت مامتها وجوزها بيقلبوها عشان مش قادره
وصاحبتى اللى له والده من كام كانت هتولد طبيعى بس النونه بقيت فى وضع الجلوس والميه قلت فالدكتوره قالتلها لازم قيصرى وولدت الحمد لله بس نسيت اسالها ببنج كامل ولا بابره الضهر دى وبتقولى يعنى الحمد لله اول 3 ايام الوجع جامد بس بيهدى مع المسكن بس بعد كده بدا يهدى شويه شويه

[Rany]

انا كنت سالت هنا مرة وقالولي ان كمان القيصري بتحتاجي تكشفي من تحت بصراحة انا استغربت ازااااااااي وايه علاقة ان الدكتروة تكشف عليا من تحت بدال هتولدني قيصري وانا اللي عايزة قيصري مش سبب معين لا انا اللي عايزة, انا عقدتي اني اتكشف على حد وياريت واحدة ده هيبقى فرح عشان كدة مجرد مبتخيل بقول لا قيصري بس اتعقدت لما قالوا لازم بردو تكشفي من تحت معرفش ليه انتوا تعرفوا .؟

[احلى نونو]

انا برضه مش عارفه لييه يارااانى بس تقريبا رانيااااااا هيا اللى مره قالت نبقى نسالها

[MALAK2010]

ماهو فى حالتى ماكنتش عارفه ان كنت هول طبيعى ولا قيصرى فبتكش من تحت علشان تشوف الرحم فتح اد ايه ومش بتبص ولا حاجه ماتقلقيش

بس طبعا القيصرى متعب جدا العشر ايام الاولى مش بتنام غير وانتى قاعده وبتتحركى بصعوبه بس والله الايام بتعدى الحمد لله ماتقلقيش

[enjy ali]

السلام عليكم يا اصدقاء

[Rania Negm]

المشاركة الأصلية كتبت بواسطة Rany

انا خلاااااااااااااص هشد في شعري انا كل مكتب حاجة واعملها اضافة تتمسح انا عارفة ان دي كمان هتتمسح فهاخد منها كوبي نياهاهااههاهاهاه شريرة انا , المهم يا ملوكة اني فرحانة قوي انك حطيتيني في التويع حسيت اني منك كدة والله , انتوا كلكم زي العسل وحبيتكم قوي عارفة حساكم كلكم زي بعض طيبين وحبوبين ومش متكلفين في كلامكم وعلى طبيعتكم كدة زيينا ومش زي بنات كتير اليومين دول بيصفوا الكلام قبل ميتقال , عارفة كمان خليتيني احب افتح معاكم موضوع محيرني شوية , انا معارفي كتير قووووي يعني اصحابي يمكن اعرف بنات لحد دلوقتي بنكلم بعض من ايام اعدادي كمان الحمد لله بيحبوني وبحبهم , وللللللكن الصداقة الحقيقة ؟؟؟؟؟؟ انا تقريبا كدة ممكن اقول اني معنديش صديقة حقيقية , يعني كلهم بعرف اخبارهم من فترة للتانية ومعنديش واحدة كدة لما اقع في مشكلة اجري عليها وافضفض ويهمني رايها , بصراحة كان ليا ايام الكلية صديقة لكن حسيت في فترة ان النفوس اتغيرت الله يسهلها امورها وبصراحة مبعرفش اتعامل من ورة قلبي ظهر عليا قوي وتقريبا كدة دلوقتي علاقتنا سطحية قوي بنكلم بعض لكن من فترة للتانية لكن اسرار وكلام من ده لا , وارجع تاني واقول ان كدة احسن الانخلاط الزايد بييجي من وراه مشاكل للللللللللللللكن ارجع اتخنق لما ابقا لوحدي وقول ليه ميبقاش من اصحابي دول كلهم واحدة او اتنين يعرفوا عني كل تفاصيل حياتي واشاركهم كل همومي , كتير منهم بياخدوا رايي واعرف حاجات كتير عنهم لكن انا حياتي بحس انها مقفولة بقفل مبعرفش اخرج كل اللي جويا لحد , لكن والله وربنا يعلم معاكم انا حاسة احساس مختلف تماما حاسة اني يوم متخنق هاجي افضفض مش هقلق ولا هخاف ولا هندم اني حكيت متفهموش كلامي ده غلط ان محدش يعرف انا مين ولا منين وعشان كدة محدش هييجي في يوم واخاف انه يخرج كلامي برة لكن احساس بالاطمئنان وسطيكم كلكم تقريبا عايشين نفس اللي انا عيشاه زواج واطفال وتقريبا مشاكلنا بتبقا قريبة قوي من بعضها , ربنا ميجيب طبعا لاي حد مشاكل لكن والله حبيتكم في الله وربنا يجمعنا هنا علطول بالخير يارب ويطمنا عليكم جميعا , انا معرفش انا ليه بحكي كل الحكاوي دي بس حسيت اني عايزة اسالكم عن علاقاتكم ليكم اصدقاء في الحياة يعرفوا اسرار حياتكم ولا مش بتحبوا كدة , ها يا ملوكة قوليلي ايه رايك انتي ليكي ولا كلهم اصحاب على الهامش

العرايض انتشرت فى المنتجع يا جدعان



انا بس اللى كنت بكتب عريضى والناس تحتار فى قرايتها . وبعدين بئى ؟؟؟؟؟؟؟؟؟؟؟؟؟

راااااااااااانى اطمنى يابنتى كلنا هذا الرجل

ويخربيت كدا موش هعرف ارغى أحمد هجم عليا وعنيهبتقول يا شر اشتر

[Rania Negm]

عليكم السلام انجى

منووووووووووووورة

ملووووووووووووووووووووووكى

صباحوووووووووووووووووو فرااغ يلا زأأططى يا لوزة مرحومة من الطبخ اربع ايام

بت يا دعدع اخيرا قفششتك

مبرووووووووووووووووك يا قلبى

لو خلفتى بنوتة موزة هحطها جمب البت سلمى واختار منهم واحدة لاحمد

يلا زيطى بئى

يا نهااار احوس الواد هيجننى بيحااااااااااااااااااااااارب عشان يوصل لام اللاب توب

رااااااااااااااانى صباحووووووووووووو

يابنات اللى متحددلها تولد سيزيريان موش بيكشفوا عليها نسااا

أما لو لحد آخر لحظة هى عادى ولا سيزيريان ولا طبيعى بيكشفوا فى نهاية الحمل عشان تشوف حجم الحوض وكدا لو كان البيبى كبير

انا عشان جالى سكر حمل فأحمد كان حجمه زاد جدا

فالدكتورة كشفت عليا عشان تشوف الحوض يعديه ولا لااء

بس لقت أحمد منزلش الحوض اصلاااااا وضغطى بيعلا فكان موش لازم تأخير واضطرت تولدنى سيزيريان

ملوكى انتى ليه كنتى بتنامى وانتى قاعدة ؟؟

انا عادى كنت طريحة الفرااااااااش بس بنام وانا نايمة على ضهرى عادى والحركة كانت بحساب

بس من تانى يوم قمت واتمشيت خطوة ونص كدا

يلا هقوم أشوف الواد التيت ده شخطت فيه وخد على خاطرة بيعيط هناك

قال ياعنى الواد بيحس

[Rania Negm]

يا عيال ايه الاوهام اللى انتو عايشين فيها دى ؟

متغلطوش وتسرحوا ع النت ومواضيع الولادة والكلام الفاضى ده

لأن التخيل اصعب من الواقع بكتير

ده القطط بتووووووووولد

انا مجربتش الطبيعى بس عادى ياعنى ما نص سستات مصر بيولدوا طبيعى ومهما كان فى ألم مبيبقاش قاتل ياعنى

حتى السيزيريان هى لحظة الفوقان اللى بتحى فيها بالألم فعلااا لانك مبتبقيش خدتى مسكن لسه

لكن مجرد ما تاخدى مسكن خلصت خلاااص مبتحسيش بحاجة

ايا كان كله بيولد

طبيعى ولا قيصرى

مرحلة وبتعدى

وألم لذيذ والله وبيروح لحاله

بس انتو كدا هتولدوا الف مرة كل ما تتكلموا عن تفاصيل الولادة من دلوقتى

[ياسميين]

السلام عليككككككم
ازيكم ياقمرات
وحشتوني