ديوانية البحرين - دردشة حوامل البحرين - البحرينيات

[فلونة]

صبااااح الخيرررر

انا من الاشياء الي صارت امس وذبحت روحي وانا اصيح ياني كابووس في الحلم،، جنه تحذير من رب العالمين علشان الي بطني ،، الحمدلله على كل حااال


بنت الايايويد،، ان شاء الله يكون قدمه خير واتوظف عقب مايي،، وانتي الله يعينج درسي عدل وتوكلي على الله وبالتوفييق ان شاء الله ،، وليش ما تسوين تمارين الحمل يمكن تفيدج ويروح الألم؟


فجوورة،، وي لبست دفة وسيعة واصلا بطني اصغير اناا،، حتى الموظفة اهناك دخلت رقمي الشخصي الكمبيوت استغربت تقولي حامل اقولها اي الا تقول لي ما شاء الله شكلج خفيفة،، بس احنا تبع الصحة لازم نسوي فحص طبي ومن ضمن الفحص الطبي اشعة سينية وماقدرت اسويها لاني كنت حامل وقتهاا،، وانا ماحبيت اغشهم وازور في اوراقي،، مشيت على الصراط المستقيم وربج كريم ،، ومستشفى حمد يبون خبرة وانا ماعندي
والله يكتب لج الرزق ويكتب لجميع المؤمنين والمؤمنات..


حنين،، شنو دراستج انتي؟
انا مو مستعيلة الحمدلله وابي اربي عالاقل سنة في البيت،، واحنا ما لنا اجازة وضع الا عقب ست شهور من العمل وطبعن لو اشتغل احين ما يعطوني حتى يوم واحد اجازة وضع،، الي ضايقني ان اجراءات التوظيف متعطلة احين وخايفة يضيعون اوراقي وشهاداتي الاصلية عندهم،، وارجع اقول الحمدلله خيرة من رب العالمين



المهم خلاص ابي انسى هل موضوع،، وافكر في البيبي الي بيي عقب جمن شهر ان شاء الله اذا الله اراد،، مشكوورين بناات على هالحجي الطيب،،

[بنت الأياويد]

تحسين ان البيبي صاير على جنب كله وماتقدرين تمشين على ريولج يعني انا كانت صوب اليمين فما كنت اقدر امشي على ريولي اليمين ولا كنت اقدر اتنفس احسها قاعده على نفسي وغير الالم الفضيع يستمر عادي وياج بالنص ساعة بس احسن شي تسوينه انج تنبطحين واهو يصير ساعات اذا انتي ماريحتي عمرج كله قاعدة مانبطحتي ، الله يسمع منج واعدي الامتحانات على خير والله وايد افكر في هالجامعة ابي افتك ، والحين من ثلاثة ايام صايدني تحت سدري نفس العظم واايد يألمني مادري شنو ذي شد او شنو ماقدر انبطح عليه ولا اقدر اشيل شي بيدي اليسار كله يألمني والله وايد حملي متعب بس ان شاء الله الياهل تطلع بخير بنتحمل كل شي يصيدنا دام تحملنا هالفترة كلها

[فلونة]

اتصدقين انا بعد احس البيبي كله جهة اليمين،، حاولت ابحث في النت جفت ان التفسير العلمي يقوول لج ان البويضة الي تلقحت تكون طالعة من صوب اليمين،، وحاولي اذا تنبطحين انبطحي على جهة اليسار البيبي يرتاح ويحصل تدفق الدم من القلب اسهل فما بتضايقج ،، او انطبحي على ظهرج اذا الجهتين ما تقدرين تنبطحين عليهم لفترة طويلة ،، وحاولي تقرين المعوذات على بطنج كل مارحتي الجامعة ما تدرين اهناك وايد اوادم ويجوفونج حامل،، مو كل من يصلي على النبي

واهم شي دررسسي ززين علشان تفتكين

[بنت الأياويد]

تسلمين حبيبتي على المعلومة ، بس وايد يألم اذا تكون على جهة ، اي في الجامعة العيون كله بطني الله يعدي هالفترة على خير، انا اخاف ارقد على ظهري لان يقولون الحبل السري يتلوت على رقبة الياهل وفعلا مرت حماي يابت ولدها ازرق ويهه سألتهم يقولون يوم تولدينه كان الحبل السري ملتف على رقبته بس الحمدلله الله سلمه ومنها قمت اخاف

[بنت الأياويد]

انا بصلي وببتدي ادرس دعواتكم ، انشوفكم بعدين على خير

[فلونة]

والله مادري،، انا خبري احسن وضعية للنوم فترة الحمل على الظهر،، بس انا ماقدر ارقد على ظهري كله على صوب ويمكن كلامج صح

بالتووفييق حبيبتي

[Um Amal]

مسائكم سكر حبايبنا

[طفلي حياتي]

هلا ام امل
هههههههه لاتييبين طاري السكر
خخخخخخخ
اخاف من هالكلمه
شخبارش وشخبار البيبي؟

[طفلي حياتي]

رووووووووووز سووووووووووول ويش صاير ماتبينين طمنينه لو بكلمه بس
وام حماني هاااااااااااااااااااااااا وينش
باقي البنات مابتييون اليوم نسولف؟
متملله اني يلا تعالوووووو

[طفلي حياتي]

بنات بقول لكم شي بس مو تقولون مخبوله
بطني مرات احسه يصغر ادور البيبي ما احصله احس مافي شي في بطني
مرات لا احس ان في شي داخل
اليوم اخلي ايدي بطني صغير مثل قبل لا احمل وفيه شي لكن صغيير حدا
معقوله بدخل الخامس والجينين هالقد نتفه؟؟