【ツ】أحلى تجمع لأحلى حوامل التوائم 【ツ】 ‏الجزء الثالث

[kovi_colors]

لا تخافين يا هيونه دكتورتي بارده الاعصاب لدرجه كبيره وممكن اخفت عني الحقيقه ان الفرق كبير عموما انتي تابعي باستمرار حاجتين غير الوزن : الاول كميه الميه حول كل بيبي والثاني هوه عدد نبضات البيبي انه يكون في معدل طبيعي
ولا تقلقي حتي لو بتولدين مافي خطوره لانه نعتبر تعدينا مرحله الخطر الحمدلله ولا يحتاجون ولا اي شئ باذن الله
بخصوص الوزن للصغير اذا وصل 1800 لا يدخل الحضانه وما يحتاج اتوكلي علي ربك
تدرين نفسي اولد خلال شهر ولا اعلم الخير واتوكل علي الله انه يعدي هالشهر بسرعه واولد بيسر

[هيونه]

رضاك الله يجزاك خير وآنا فوضت آمري لله وحده
كوفي مشكورة حبوبة وإن شاء الله أنا وأنتي نولد بعد ثلاث أسابيع أنا نفسي ب36 خلاص أولد أو قبل والله الثقل مسوي عمايلة والله يكتب إلي فيه خير

[kovi_colors]

امييييييييييييييييييييييين يارب يا هيونه والله يسهلها لنا وللجميع باذن الله

[الياه]

ألوان الحياه/
عساج دوووم مطمنه ومرتاااحه ، توكلي علي الله واستخيري والله يكتب لج اللي فيه الخير ويفرحج بشوفة وضمة التوينز*
*والله يسمع منج واربي قريب وابشركم أنا وكل حوامل التاسع*

رضاك ربي/
يزاج الله خير علي الدعوة الطيبه ولك مثلها ان شاءالله ، والله يتمم لج علي خير ويعوض صبرج خير..


دانات/
صدقج بس الخيار صعب*
ويوم قلتي [ولا اتعب وياه عمر ] قلبي عورني*
وخفت عليهم ، الحمدلله أنا مستخيره وحزت الولاده أكيد بيسون لي صورة وبشوف اوضاعهم والله يكتب اللي فيه الخير لهم ولي

[الياه]

بنكي بنكي/

منورة التجمع ولج وحشة ياحلوه ومبروووك ردتج لبيتج، وأخبار سعيد واحمد وشو مسوي أخوهم وياهم ، الله يعنج ويقويج علي تربيتهم


محبة رسول الله/*
لج وحشة وأكيد كل وحده تغيب تترك فراغ
بس كلا وظروووفه والحمدلله انج بخير وصحه وعافيه
ولا تزعلين ع التجمع انتي ادري بالثقل والتعب وفوق هذا النسيان مب مخلي حد ف حاله

وتسلمين علي الدعوه الغاليه...


هيووونه /

الله يهديهم هالدكاتره لازم يراعون نفسياتنا ومايخرعونا علي ابسط الامور
وطبيعي النفس ماتفتح عندج لأنج بكريه*
واللي والده قبل هي اللي يفتح عندها الرحم
فلا تخافين
وماعرف المستشفيات عندج بس تأكدي انج بتربين ف مستشفي يتوفر فيه الحضانات مب اييج الطلق ويقولون لج دوري ع مستشفي وحضانه!!!!!!!


كوفي كلرز/

لا تحاتين واذا دكتورتج اعصابها بارده شوفي دكتوره ثانيه، أنا دكتورتي اللي أثق فيها ثقه عميه خانتها القياسات في آخر زياره وخوفتني، شفت دكتوره ثانيه وطمنتني
شوفي راي ثاني ومابتخسيرين شي وان شاءالله يطمنونج


ام منصور/*

يزاج الله خير علي الدعوة والله يسر خاطرج
باللي تتمنينه وان شاءالله تبشرينا قريب بأخبار طيبه*

[عذب]

السلام عليكم
أخباركم ياكروشات؟

[الياه]

رضااااك ربي*

تسلمين ع السؤال حبوبه ، والله الحمدلله الوضع مستقر خف الألم وبعد الإفرازات والدم، أكيد كان نتيجة توسيع الدكتوره*
ومافي اي بوادر ولاده
وماياني ذاك الألم اللي ما اقدر اتحمله
يعني مطوله والخوف ايي موعد التنويم وانا علي هذا الحال ويدخلون هم، بس الله أيسر اللي فيه الخير ان شاءالله*


عذووووووووبه /

منوره يا الغاليه أخبارج وأخبار التوينز وياج
عساهم ملائكه مب معذبينج^^

[عذب]

هلاوغلا الياه
الحمدلله تمام والله بناتي حليوات بس بطونهم معذبتهم فصايرين سهارين على أصول
الله يسهل عليك أن شالله كلها كم يوم ويبدأ السهر عندك وتشوفين الكتاكيت في حضنك

[الياه]

عذووووبه/

اليهال لين 4 او 6 شهور ومشكلتهم الغازات*
هانت كلها شهرين ويخف المغص عنهم*
ماجربتي ادفين زيت الزيتون ودهنين بطونهم؟!!!
والله يعينج ع السهر وكل شي بإجره*

والله يسمع منج واشوفهم سالمين معافين قريب
وراضيه بتعبهم *وسهرهم

[الياه]

فوووووفو الأموووووووره
يارب فرجك
ماء المسك

طمنونا عليكم ياحوااامل التاسع
الله يكتب لكم الخير ويسهل ولادتكم ويفرحكم بشوفة التوينز*

ادعوا الله يسهل ولادتنا جميع اللي ف التاسع *وجميع الحوامل ...

- اللهم أنت فارج الهم ورافع الكرب أنت الرحمن الرحيم الذي لااله الاانت .. اللهم أنى اسالك بكل اسم هو لك سميت به نفسك أو اطلعت به أحد خلقك أو استأثرت به في علم الغيب عندك أو احتفظت به في كتابك يا حي يا قيوم .. اللهم أني اسئلك بعزك الذي لا يرام, و مالك الذي لا يضام, و بنورك الذي ملء أركان عرشك .. أن ترحم حالي وتفرج همي ..وتزيل الكرب عني.. اللهم صلي وسلم على سيدنا محمد وعلى آله وصحبه أجمعين..