تجمع الحوامل اللي ولادتهن في شوال1433

[نبض الأمل]

كيفكم كرووووشات....الله لي ولكم كل امورنا...
حبيباتي انا امس رحت للدكتورة كان عندي موعد
شافت البيبي قالت تسعة شهر خلاص ..والبيبي لسه صغير 2 كيلو ونص
وشافت رجولي قالت الورم كتييير..لازم تحاليل للكلى والكبد والسكر
وطلبت مني اسوي اشعة..
رحت وسويت التحاليل وسويت الاشعة عند دكتور..
والحمدالله الحمدالله التحاليل كويسة ومافي سكر..
كمان الأشعة كويسة والدكتور قال البيبي كويس
ويوم طلعت التقارير حق الاشعة جلست اشوف قبل ما اوديها للدكتورة
الموووهم شفت انني بالاسبوع 37 واربع ايام
واوزن البيبي 2 كيلو و800 جرام
بس في اشياء مافهمتها يعني اشوف
مدري وش هو بالاسبوع 37 وشيء بالاسبوع 36 مدري وش السالفة..
وهذي اخباري.... دعوااااااااتكم لي...وان شاء الله لن انساكم من صالح الدعاااء ..

[בـّكاية ξـشْق]

اهلين نبض .. تمام كيفك انتي يالغلا
والله مدري وش سالفة هالبزران صغار
الله يعينك حاولي تاكلي تمر ولبن شفت كثير يمدحونها
انا صرت اكل تمر اللبن متوحمه عليه خخخخ
بس باقي عندي وقت ليزيد حجم الجنين
بس انتي مابقى شي حاولي تكثري من اكله واكل المكسرات

[نبض الأمل]

المشاركة الأصلية كتبت بواسطة בـّكاية ξـشْق

اهلين نبض .. تمام كيفك انتي يالغلا
والله مدري وش سالفة هالبزران صغار
الله يعينك حاولي تاكلي تمر ولبن شفت كثير يمدحونها
انا صرت اكل تمر اللبن متوحمه عليه خخخخ
بس باقي عندي وقت ليزيد حجم الجنين
بس انتي مابقى شي حاولي تكثري من اكله واكل المكسرات

الله يجزيك كل خير اختي حكاية...يا اختي كيف اكل تمر ومكسرات والوزن اصلا زااااايد جدا
بصراحة ما ادري ليه وزني يزيد بدرجة مخيفة اتحيلوا انني زدت 16 كيلو
مع انني ماكنت نحفانه كثير ولا دبه كثير تقريبا معتدل..بسبب الحمية والرجيمات
لأن جسمي مرررة قابل للسمنة... والحمل زااااد الطين بله لأنني وقفت التمارين ووقفت امشي
اول ماعملت بالحمل...وارتحت على طووول..مع ان الأكل عادي ...
الحين باقي لي اسبوعين تقريبا يعني ممكن يصير وزن البيبي 3 كيلو
ومدري اعتقد انه كويس..مع ان اختي اول حمل لها كان وزنه 2 كيلو ونص وكان مرررة
صغنوووون بس تعب مرررررة من المغص لمدة 3 اشهر طووول الوقت يبكي
لدرجة ان سرته انتفخت وصوته تغييير...
وياااااااا اخواااااااااات الورم برجولي مرررررة متعبني خاصة لو وقفت بالمطبخ
ولو نص ساعة او مشيت كم دقيقة يزيد بشكل فضيع..والكل يستغرب من الورم
لأنه مررررة مخيف اختي قالت ان اصابع رجولي باقي لها شوي وتختفي..
والدكتورة قالت ارتاح وارفع رجولي بس كيف ارفعها لأنني ما اقدر الا كم دقيقة
واحس بألم بظهري وكتمه بسبب النوم على الظهر ورجلي ع 2 مخد ولا 3 مخد مرفوعه..
والبيبي يتحجر مرررة واكتتم حتى ماقدر اتكلم... يعني هل في ضرر بسبب كثر الانتفاخ
بالرجول..؟
كمان يا اخواتي امس حصلت لي مشكلة وبكيت بقوة يمكن لمدة نص ساعة
وللان والبيبي مايتحرك ولا حركة... وش السبب..؟
والله يا اخوات انني صحيح ما اشارك معكم كثير بس والله انني اتابعكم
عن طريق الجوال وادعي لكم من كل قلبي..بس بالجوال ما اقدر اكتب..
ان شاء الله بحاول لأنني اكون مستلقية على جانبي واقرأ...
واسفة على الاطالة وكثرة الكلام
دعوااااااااتكم... احبكم في الله .... والله يسعدكم دنيا واخرة.

[هيفاء..]

امين يارب ..
انا اتوقع يمكن عشاني طولت ما حملت وسبحان الله كل حمل يختلف عن الثاني ..
بس انتبهي تتهورين وتنامين على بطنك اذكر وحده من صحباتي مجنووووونه كانت بتاسع وكانت تتسدح عندنا وتنام على بطنها وانا بس اتقزز وصارخ احس بطنها بينفجر مجنونه ذيك البنت..

[בـّكاية ξـشْق]

اي صادقه يمكن والله لان حتى تنسي اعراض الوحم والحمل اذا طولتي
مدري ليه مو مثل هالاجانب مشاء الله عليهم ماكنهم حوامل
ههههههههههههه اتخيل شكلها والله رهيبه بس حرام احس البيبي يجيه شي وهي ع بطنها..
لا انا زيك ما احب ابد انسدح او اشوف وحده سادحه ع بطنها وهي حامل
بس انا الحين اصحى احصل نفسي نص سدحة ع البطن واعدل نفسي ع طول اخاف يكون تعور خخخخ

[مهره الدنيا]

حبايبي ليش ماتعبروني

حسستوني كإني فضوليه بينكم

[هيفاء..]

حكايه صادقه انا مثلك بعض الاحيان احس اني من تعب النوم الي ع جنبي اصير نايمه عل نص بطني عاد هات يا وساوس قاعده اقول اكيد فعصته ههههههههههه

[هيفاء..]

مهره الدنيا حبيبتي امرررري وش بغيتي ..
بالعكس البنات بتجمعنا ما يقصرون يردون ع الكل بس اكيد محد دخل منهم..

[مهره الدنيا]

المشاركة الأصلية كتبت بواسطة هيفاء..

مهره الدنيا حبيبتي امرررري وش بغيتي ..
بالعكس البنات بتجمعنا ما يقصرون يردون ع الكل بس اكيد محد دخل منهم..

الله يسعدك ياعسل

خلاص ياقلبي كنت بسأل عن اعراض فيني

بس خلاص نزلتها في موضوع والأخوات

ماقصروا

والله يسهلك ويقومك بالسلامه يااااارب

[طيبتي أكبرهمومي]

مساء الخير كيفكم
الله يجزاكم خير ويسعد كم يارب