ديوانية البحرين - دردشة حوامل البحرين - البحرينيات

[نورالدنيا]

هلا أحلام أم أنا بخير الله يتمم لنا ع خير

عليكم بالعافية

[الفتاة الذهبية]

هلا هلا
توني مخلصة من تنظيف البيت طبعا تغديت ونظفت المكان
والحين توني خلصت
اليوم كان غدانا مندي دياي لحد يصير خاطره في غذاااي
لانه خلص خخخخ

[الفتاة الذهبية]

تعبت وانا انطر احط يدش
ظهري شير خخ
يلا بقوم ارتاح واريح ظهري

[Um Amal]

مراحب مليون ..
كيف حالكم ؟؟

[الفتاة الذهبية]

هلا ام امل

تمام وانتي شخبارج ؟

[Um Amal]

من بعد التعب ,, الحمدلله ..
أعد الدقائق والثواني .. بس عشان أدخل الشهر الثامن ..

[مزيونه 11]

السلام عليكم شخباركم؟
عرفونه عليكم ؟؟

[فلونة]

سلام بطات

شخبارركم؟؟

انا اليوم احمد ربي على كل شي ،، بس متضايقة كنت متأملة خير ومتفائلة

بس عسى ان تكرهوا شيئا وهو خيرا لكم

باقولكم سالفتي خلتني اصير في اكتئاب

امس الصبح متصلين فيني الوزارة وكان عندي امل ان في شواغر،، وخلاص اذا الله يسر باشتغل،، وقعدت اليوم من الصبح علشان ابرز روحي،، وعقب الفرارة من مكان لي مكان وكل مكتب يطرشني على مكان ثاني ورسايل وحالة ،، وانا اراكض في هالشمس ويا زوجي مسكين راجع من آخر ليل ولا رقد ،،، وفي النهاية يقولون لي في شواغر حاليا بس لانه انتي حامل ما نقدر نكمل الاجراءات حقج،، وانا من سمعت هالحجي بعد ماكنت متعشمة خير،، وانا اصييح ولا لي خلق حق شي ولا نفس اكل حتى زوجي معصب حده علشان البيبي،، والله انا احمد ربي مليون مرة على نعمة الحمال والله يتمم لي على خير ،، اللهم لا اعتراض على حكمك،، اللهم اجعلني قانعا بما رزقتني،، بس والله عقب تعب اربع سنوات اتمنى اني اشتغل في المكان الي حبيته ،، تمللت من قعدة البيت،، خصوصا هالشواغر ما تتواجد الا بالسنة مرة او ما تتواجد بالمررة وانتو تعرفون وضع الديرة،، والحمدلله الي واسطته رب العالمين ما بيضيع رزقه،، رزقكم في السماء وما توعدون ،، بس كنت اتمنى عالاقل عقب هالتعب اكمل اجراءات التوظيف بس ،،، ومادري شنو مخشوش لي ويا الايام،،
ابي اتحكم في نفسي وماصيح وارجع اكل علشان الي في بطني بس ماقدرر انسى الي صار اليووم،، يلا الحمدلله على كل حال

سورري وايد تحجيت بس مااقدر اخلي في قلبي بانفجر

ادعوا لي الله يتمم حملي على خيرر واتوظف في المكان الي اتمناه :(
لانه هالوزارة حتى كلام طيب ما يعطوني،،

[طفلي حياتي]

اهلا فلونه الله يعوضج بالوظيفه اللي تبغينها ان شاء الله وهذي خيره من رب العالمين ماتدرين يمكن في الوقت المناسب اللي تكونين فيه جاهزه والياهل تقدرين تبعدين عنه للشغل وقتها تتوظفين في مكان ماتبين وهذي حكمه الهيه واحمدي ربش واشكريه ان شاء الله تلاقين الافضل في يوم من الايام
ولا تحطين بخاطرش واللي مكتوب بتحصلينه

[طفلي حياتي]

ام خليل ما صورتين مسند الظهر بموت من ظهري كلما اروح مشوار لو عساه بسيط ارجع معاقه من ظهري السياره من اركبها وامشي ينكسر خلاص ماقدر اتحرك وين يبيعونهم بروح اشتري تعبت