دردشة حوامل أهل جدة - دردشة بنات جدة - تجمع حوامل مدينة جدة

[دانتلا]

مساء الخير يابنات كيفكم ان شاء لله تمام ؟انا الحمدلله بخيرات والبيبي كمان بخير ...نبظي الله يساعدنا الين نخلص من اللي احنا فيه هانت ما بقي الا القليل<<تصبر نفسها..
دلوعه خالد كيفك انتي كمان وكيف البيبي ؟
نور انا الدكتوره قالت ليا انو ولد الحمدلله ع كل حال اهم شي انو يكون بخير وعافيه مو مهم الجنس.بس انا من دحين احترت بشو اسمي<<مستعجله تبغاه يطلع يلاقي كل شي جاهز

[دلوعة خالد]

الحمد لله يادنتيلا انتي كيف حالك وكيف حال النونو

[دانتلا]

صدفه عمر كيفك وكيفو البيبي اما الحموضه اعتقد انها تزيد لمن تنامي صح ؟قالو ليا طريقه تخففها هيا انو ترفعي راسك اعلى من مستوى جسمك وانتي نايمه او تستخدمي حبوب تخففها والله يعيننا ع التعب.........قلب دودي حياكي بين اخواتك وتشرفينا وتنوري تجمعنا

[دانتلا]

انا تماااام الحمدلله بس اليومين دول البيبي حركاتو غريبه ما يرفس متل اول احس كانو يدفني او شي ينفجر جوات بطني

[دلوعة خالد]

اهلين صدفه والله من نص الشهر الرابع قالو بس أنا شاكه ولعلمك للحين أحس شاكه مع انها في المرتين قالو

[دلوعة خالد]

ولد الله يتمم على خير

[قلب دودي]

صباح الخير كيفكم ياحلواااات ^_^

انا بعد كم يوم بخلص الشهر الثاني ياقلبوووو لسا صغنووون

الله يسهل عليا وعليكم يارب

[صدفة عمر]

::


اهلين والله قلب دودي حياك

فديتك والله نبظي تسلمي

اها زين اجل تعدل نومك ولو بشي بسيط

يلا حبة حبة بس يعدي ستة شهور ترتاحي الله يعينك :)


,


نور فديتك ي رب

وان شاء الله تفرحي بشوفة ولدك معافى

,

هلا دانتيلا انا بخير ي وش الخير ونونتي كمان بخير

وانتي كيف نونتك ومن جد كلو باجرة

انا حملي الاول اخف من هذا كثير الله يعيننا اجمعين :)


,


دلوعة خالد ما شاء الله , الله يحفظة لك وتقر عينك بشوفتة

اها حتى انا قالت لي ولد بس شاكة ما ادري

ما اصدق لين اشوفة قدام عيوني :)

الله يرزقنا بالذرية الصالحة المعافاة ويعطي كل وحدة اللي تشتهية



::

[دلوعة خالد]

اللهم أمين ياصدفه

[نبضي دعاء]

بنات انا عندي طريقة ابغاكم تسووها لمعرفة جنس المولود هي تضحك بس والله العظيم جربتها اتا واختي وبنت سلفتي وكلنا طلعت مزبوطة انا ولد واختي بنت ربي يحفظهم وبنت سلفتي ولد تعتمد على حقل الطاقة المحيط بالبيبي
شوفي تجيبي خيط وتعلقي بة خاتم زي لما تشكي الخيط بالابرة يعني معلق مو مربوط بعدين تمسكي الخيط من بعد شبر عن الخاتم وتمسكية قدام صدرك والخاتم قدام السرة ع الكرشة المحترمة وتخلية مدلي بدون ماتتحكمي في اتجاهة اذا سار يروح رايح جاي لقدام فالظيف ولد واذا سار يدوووور معناة بنوتة لان المراة طاقتها طاقة الطواف والله اعلم جربوها ونشوف هية صح لاني جربتها وزبطت بس ابغى نتاكد