دردشة بنات فلسطين, دردشة حوامل فلسطين, تجمع بنات فلسطين

[Heba T]

تصبحو على خير يا بنات
لازم اروح انام

[مسك السنين]

مرحباااااااا صباياااااا
كيفكم شووو عاملييييييين
منورة سما هبة حيفا بينك ام عزمي غموض احساس بنت الضفتين سهى مها
بينك من وين جبتي حمالة صدر والكوتة تبعت البيبي ؟؟

[غُمُوض أُنثَى]

عسولة

حكولي اهلي انه عاملين كورنيش عالبحر والله شي حلوووووو

الله يسعدكم اهل غزة بكفي الي كنا نعانيه خلينا نفرح خلص ههههههههه

-
سما

حبيبتي والله متل ما بتعرفي كنت ناوية انزل هالفترة هاي الصيف هادا يعني

لكن بعد ما نزلت وبطل في ولادة اتاجلت النزلة للصيف الجاي

ان شاء الله ,, وصح كلامك الغربة مش بس صعبة , الغربة مووووووووووووت وخصوصا لما تكوني متعلقة باهلك كتير :(

بس جوزي الله يخليلي ياه دايما بيطلعني وبيغيرلي الاآجوآء ^^ يؤبر ألبي

بعيييييييين الله يا سما شو بدنا نعمل هههههه نصيبناآآ بكرا بجيني امور زي عمورة وبسليني ^^

-

مسك السنين وهبة وبينك روز

منورييييييييين

[أم عزمي]

صبااااااااااااح الورررررررررررد
كيفكم صبايا انا صاحية من بدري عشان عليا غسيل
هلأ بدي أبدأ بالغسيل قبل ما تقطع الكهربا
صحيح امبارح كانت شهادات الوكالة ما شاء الله خواتي كلهم جايبين بالتسعينات
وأخوات جوزي ما شاء الله عنهم روحت على مرة أبوه لجوزي وباركتلها بنجاحهم
مع انه صارلي 8 شهور ما دخلت الها بيت بس قلت كوني أحسن منها بس و الله انها انصعقت ما سدقت حالها
هههههههه ما كانت بتفكر انه يطلع مني هيك بس انا أحسن منها الحمد لله و الكل بيحبني
معلش مصبحة عالبرررررررم هههههههههههههه حبيت أصبح عليكم قبل ما أبدأ الغسييييييييييييييييل

[بينك روز]

صباح النور يا ام عزمي شو هالنشاط هاد ياعسل
اللهم لا حسد
بس ديري بالك على حالك وانتي بتغسلي ماشي
الله يعطيكي الف عافية يارب

[بينك روز]

هلا مسك السنين
حبيبتي شرياه زوجي من محل ابو عيشه الي بالشيخ رضوان
بس كتير حلوه وعجبتني كتير خصوصا حمالة الصدر

[بينك روز]

هلا غموض حبيبتي يسعد صباحك يارب
والله غزة صارت حلوه بكتير برغم الدمار الي صار فيها ايام الحرب بس الحمد لله كل شي فيها حلو
وبالنسبة لشارع البحر بجننننننن فوق ما تتخيلي بجد رووعه
ان شاء الله بتيجي وبتشوفيه

[أم عزمي]

حبيبتي بينك روز يسعد صباحك ياااااااارب
توقعت انك انتي أول وحدة تصبح عليا لأنك بتروحي عشغلك بدري و بتفتحي عالمنتدى
ربي يجعل نهارك سعيد حبيبتي

[بينك روز]

الله يسعدك يارب
والله هيني معوكه كتير بالمكتب كل يوم بطلعلي شغل جديد
وهما بالمكتب بحاولوا يعرفوا كل شي بشغلي مشان لما اولد ما يتغلبوا

[أم عزمي]

أها حبيبتي يلا بعين الله يعطيكي العافية يا عمري