【ツ】أحلى تجمع لأحلى حوامل التوائم 【ツ】 ‏الجزء الثالث

[الياه]

صباحكم خير وبركه
شخباركم كرووووشات عساكم بخير
أحاول من امس ادخل والنت ماعرف شو مشكلته في بيتي مايشتغل
والحين اكتب لكم من الاي فوون

احلي توينز / الف الف الف مبروووووك دخوووولج التااااسع وشدي حيلج وان شاءالله *تبشرينا بولاده سهله يارب العالمين

ألوان الحياه / هيووونه*
ماعليكم من كلام الدكاتره انه مايتغير وضع الاجنه ، أنا في الاسبوع الثاني من الشهر التاسع وماشاءالله واحد من الاجنه كل يوم ع وضع الاسبوع اللي طاف كانوا كل روووسهم تحت والثلاثاء واحد تحت والثاني فوق
وأمس موعدي الاول تحت والاكيد مابغير وضعه لانه نزل منطقة الحوض بس الثاني غير عن الثلاثاء وصار مستعرض 
وعندي امل بالله كبير انه بسهل ولادتي*
تفاؤلووووا بالخير تجدوووووه 


رضاااااك ربي/
يسعد صباااحج وعقبال ما نشوووفج بالتاااسع وتترقبين طلة احلي توينز*


الجمييييع بدون ذكر اسماء شخباركم ؟!!!

[الياه]

تقرير موعدي امس/
*اول شي سويت الالترا ساوند ويوم شافتني الممرضه قالت بطن كبير انت ف التاسع
قلت لها هيه وتمت محتشره قلت خل احطها ف الصورة قلت لها حامل بتوينز وصرخت توينز أقولها قولي ماشاءالله *وهي تصارخ حسستني انه شي غريب والحمدلله أني كنت محصنه عمري*
المهم طلع الاول راسه تحت والثاني الله يهديه ويغير وضعه مستعرض وقالت لي احتمال قيصري وطمنتني ع اوزانهم وكل أمورهم طيبة الا وضع الثاني*

عقب دخلت ع الدكتورة وقالت لي القرار بيدج*
ياتربين قيصري او طبيعي والخيار الثاني ف مخاطره؟!!!!!
لانه بإذن الله بيطلع الاول والثاني بيحاولون يغيرون وضعه واذا ماقدروا بيدخلون جراحيا*
يعني عمليتين بكون طبيعي وقيصري*

وانا أملي بالله كبير الله يهديه حبيبي ويغير وضعه، وبستخير والله يكتب لي الخير ويسهل ولادتي وكل حوامل التاسع والتجمع يارب*

عقب طلبت مني تكشف علي وتشوف النفس كم مفتوحه عندي، وحسيت بآلام فظيعه تخيلوووو وسعت لي بدون ماتقولي(تحريض ع الولاده) قلت لها ليش؟!!!
قالت انت الرحم مفتوح عندج 2 او 3 وانا سويت جذي عشان أساعدج

وعقب سرت شفت دكتور التخدير وسويت تحليل دم لانهم كتبوا لي تنويم وبدخلوني المستشفي تاريخ 5/6/2011 ف حالة ما ربيت بيولدوني قيصري 

وعقب ماوصلت البيت وانا كله احس بآلام بس مب قويه خفيفة وينزل علي دم الأكيد من توسيعها مع مادة مخاطية اتوقع انها السداده
والله العالم هذا بسبب التوسيع ولا بوادر ولاده وانا ماعرفت. اميز :(
من امس كانت بنيه بس اليوم فيها دم احمر
بصبر لين الظهر وبشوف لو زادت براجع المستشفي*

دعوااااتكم حبايبي ف هاليوم المبارك الله يكتب لي ولاده سهلة ميسره واشوف عيالي. وهم بصحه وعافية*

[الياه]

ماء المسك /

الله يكتب لج ساعة ولاده سهله ويسر امرج ويبارك لج في عيالج*
انت دكتورتج سوت لج تحريض ولاده؟!!!*
اذا هيه بيكون هو السبب في هالافرازات*
واذا لا يمكن يكون بداية مخاض بس بما انه مافي دم الموضوع مايستدعي انج تخافين بس لو شفتي فيه دم بتكون من علامات الولاده والله يسر امرج وكل الحوامل يارب العالمين*


فوفو الامورة /*
وينج طمنينا عليج مختفيه ان شاءالله تبشرينا بسلامتج وسلامة التوينز*

يارب فرجك/

طمنينا عليج بعد مختفيه، لاطولون علينا حوامل التاسع وتشغلون بالنا
بشرونا بسلامتكم وسلامة التوينز

[الوان الحياة]

هيووونه والياااه واحلي تونيز ورضاك ربي
الله يطمن قلبكم زي ماااطمنتوووووووني ويجعل ولادتناااا طبيعي ياااارب ويسهلهاااا علينااا اااامين
اللهم اجعلهاااا ساااعة ميسرررة وسهلة لماااا ء المسك والياااااه وتووولدووو طبيعي ياارب
اتووووقع ولادتكم قريب ان شااا الله عليكم بالمشي والدعااااء

[الوان الحياة]

يااااااارب يسرهااا وسهلهاااا علينا
في هذااا اليووم المباارك اا
ااامين

[رضاك ربي]

ياااااااااااااااااااااااااااااااااااارب ييسر امر ولادتكم ويكتب لكم السلامة الغالية الياه وعزيزتي الوان الحياة وماء المسك والبقية من حوامل التاسع واملي بالله ان ربنا يفرحكم ويفرحنا بأخباركم الطيبة ودعواتي لكم

[دانات]

الياة وماء المسك يارب يهون عليكم ويرزقكم الساعة الميسرة وتقومون بالسلامة انتو والحلوين
هيونة والوان الحياة والله شكل كلنا رافضين بيبياتنا ينزلون روسهم تحت لا والمستشفى يقول انتي تقررين اذا طبيعي او قيصري طيب اذا فيه اي مضاعفات خلاص قيصري والحمد لله ولا يتعب البيبي واتعب معاه عمر لو نقص عليه اوكسجين

[محبة رسول الله]

السلام عليكم حبايبي
شلونكم
شخباركم الف مبروك للي ولدوا والفال للبقية المنتظرة بولادة ميسره ان شاءالله
الف شكر لكل اللي ماسألوا عني ماتوقعت هالشي
انا كنت في بيت اهلي ماعندي نت علشان كنت اغير في الشقه
الياة حياتي انتي الله يهون عليج وييسر ولادتج وتكون طبيعي وسهلة وتطلعون بالسلامه انتي ونونواتج
والفال للبقية

[manou10]

السلام عليكم ورحمة الله وبركاته
اولا مبروك على كل اللي ولدو و عقبالنا ان شاء الله
تانيا
انا جديدة معكم ان شاء الله تتقبلوني بينكن لانني محتاجتكم كثير ممكن انتن سبقتوني بالاشهر و بذلك عندكن خبرة احسن مني
انا حامل ان شاء الله بتوام في الشهر الثالث والدكتورة طلبت مني اعمل ربط عنق
وانا خايفة منه جدا يا ريت تفيدوني بتجاربكن وهل هو موجع بعدما يروح البنج او لا
وهل لازم راحة تامة لاني اسكن وحدي و بعيدة عن اهلي وعندي بنت خمس سنين
يعني لازم اتحرك
وكذلك يا ريت تقولولي كيف احصن نفسي لاني لحد الان لم اخبر الناس باني حامل بتوام الا اهلي واهل زوجي
اسفة لاني طولت عليكن
وشكرا مقدما

[هيونه]

أحلى توينز هلا وغلا الحمد لله والثقل الحمد لله خليها على ربك والله ودي أولد من ألحين خلاص وروكي ماتتحمل نحيفها أنا وكرشتي شيء ثاني حتى صارت فخوذي كلها عروق وخايفة بس الله يكتب إلي فيه خير
دانات وألوان أنتوا أستخيروا وقرروا أنا بإذن الله لو طلع واحد تحت والثاني فوق أقول عملية مابي أخاطر صح متوكلين على ربي لكن المخاطرة في هالشيء موب زينه تخيلوا عملية فوق وعملية تحت لكن الله يكتب إلي فيه خير لنا
الياه ومسوكه الله يهون عليكم شكلكم بتولدون إن شاء الله عن قريب الله يسهل ويفرحكم يارب وتجون تبشرون عن قريب
الياه أنا رحت لدكتورتي وقلت لها الحركة قلة مرة وخاصة أن وحدة أكبر من الثانية
قامت سوت لي مسحة طبيبة وبدون إذن شافت الرحم فاتح أو لا أنقهرت منها والله لأنها ألمتني ونهايتها تقول مسكر مرررررررة مدري خفت قلت يعني أنا بالثامن يعني مايفتح لو اشوي قالت لا
سوت لي تخطيط وقالت تجلسين تحت الملاحظة عشان معك تقلصات وكتب ربي ماحصلوا في الحضانة إلا سرير واحد قالت صعبه أخاف تزيد عليك التقلصات ونولدك ومافيه سرير للبيبي عطتني أوراقي قالت روحي لمستشفى ثاني تخيلي وهذا كله الساعة 10 بالليل زوجي مايعرف شيء وأنا بعد قلت بأروح لبيتي ولا زادت جيت الطوارئ وعسى إن شاء الله أحصل سريرين بالحضانه
وخايفة أجي أولد ما القى مستشفى يستقبلوني يارب رحمتك دععواتكم لي