تجمع حوامل الأشهر الوسطى(الرابع,الخامس,السادس)

[betty boop]

كيفكم حوااامل واخبار الحمل معاكم

من يوم ما خلصت الاختبارات جاني خموول ونوووووم فضييع حتى صرت مكسله ادخل المنتدى

حوامل مين مستمر معاها الوحام للان ؟؟

ومتى نوقف نستعمل حمض الفوليك ؟؟

لاني اخر مره رحت للدكتوره قالت لي خلصي الفوليك اللي عندك وخذي كبسولات الحديد اللي هوا الفيروبيوترون

مين تاخذ مثله ؟؟؟
مع انه الدكتوره قالت الدم عندك تماام بس الاملاح زايده والضغط

[بيلسان محمد]

سلام ياحلوات

بنضم لكم بهالتجمع الطيب


وعندي استفسار لو سمحتم افيدوني لاني خايفه

انا بالشهر الخامس والدكتور تقولي المشيمة قريبه من عنق الرحم ومنعت الجماع بقوة والحركة وتقول الامساك مو كويس

وسوالي

ايش يوقف الامساك هلكني ؟ برأيكم أوقف حبوب الكالسيوم يمكن السبب منها

وكيف ارفع المشيمه لاني خايفه تنزل اكثر



الله يبشر كل من ترد علي بسلامة مولودها وتسهيل ولادتها

[شعولة86]

مرحبا كروشات
شخباركم؟

ادري مافقدتوني ﻻن محد سال عني :'(

ساندرا حبيبتي انا كان ينزل معاس دم احمر لما امسح بالمنديل ومرتين تكرر هالشي بس كنت اروح المستشفى يوقف
كان عندي حمل مهدد بالاجهاض اول شي انفصال بالمشيمة وبعدهااكتشفوا ان المشيمة تكونت اصﻻ نازلة
مشيت على حبوب تثبيت وراحة تامة و4 اير مثبته هذا الكﻻم من الشهر الثالث والحمدلله الحين ارتفعت شوي المشيمة ووقف للنزيف والبيبي اوكي بحمد الله وفضله
فنصيحتي لج التزمي بالمثبتات وريحي روحج

بتي بووب
حبيبتي انا الحين بالاسبوع الثاني من السادس ودكتورتي للحين تخليني على الفوليك اسيد
اتوقع كل حاله ولها وضعها ودكتورتج ادرى

بيلسان محمد
حبيبتي انا كنت نفس حالتج المشيمة كانت سادة جزء من عنق الرحم واصﻻ متكونة نازلة
ومنعتني الدكتورة من الجماع والتعب والدرج والسيارة والشغل والدوام خصوصا ان نزفت مرتين
اخذت حبوب وابر تثبيت والحمدلله الحين ارتفعت شوي وتحسن وضعي
فإذا انتي كانت طبيعية وبعدين نزلت باذن الله بترتفع بس التزمي بالراحة والبنات يقولون رفعي رجولج انا ماسويتها دكتورتي قالت ﻻ
واكلي خضره وفواكه وشربي ماي واذا صرفت لج مثبت التزمي فيه واهك شي اكرر الراااحة ﻻتجندسين وﻻ تنزلين على الارض وتتعبين روحج وان شاءالله بترتفع

ربي ينقلكم تمامه ويهون حملنا ووﻻدتنا اجمعين♥

[بنِت النوُر]

بيلسان منورره بصررراحه الي ينفع معي بالامساك البرتقال كولي برتقالي وحاولي كل ماجعتي تنقني ع برتقال واشيا طبيغيه تلين. بس الموز ابعدي عنه ..وعشان ترتفع المشيمه نامي ع ظهرك وارفعي رجولك. واذا مافاد البرتقال والاشيا الي تخفف الامساك اتركي حبوب الكالسيوم بس بشررط انك تعوضي بانك تكثري شرب الحليب وتاكلي الاشيا الي تعوضك بالكلسيوم عشااان يجي البيبي صحته زينه مو يجي هزيل وعظامه لينه ...ويارب ترتفع المشيمه ويتمم حملك ع خير ...بسس وووش سبب نزول المشيمه وباااي شهرر نزلة ووش تنصحين نبعد عنه عشان نتفادئ نزول المشيمه ..اتمنئ تفيدينا ..


بيتتي خلاص اتركي الفوليك وخوذي الحديد حتا لو دمك تمام لان البيبي الحين يستهلك من جسمك فاينقص عندك الحديد ...اما. بالنسبه للاملاح ماعندي اجابه لك بس انصحك انك تشربي مويا كثير عشان تساعدي الكلﯼ فاتخلص منها والله يبعد عنك وعنااا كل شر

[بنِت النوُر]

شعووووووووله منوره فديتك. ههههههه احنا تمام امتي اخباررك ..
المروشات لاهيات بالطقطقه والعروووس هههههههه ...

[بنِت النوُر]

ي امهاااات بسالكن هل كيس الحمل هو نفسه المشيمه ...>> بكريه ماتدري وين الله قاطهااااا هههههه

[شعولة86]

هﻻ وغﻻ حبيبتي♥♥
منور بوجودج بنت النور

انا االحمدلله ووضعي تمام اليوم كان عندي موعد والحمدلله رب العالمين تطمنت على بنتي♥
حبيبتي انا بعد بكرية بس اعرف ان كيس الحمل غير عن المشيمة
كيس الحمل يبان من اول الحمل وهو اللي يكون فيه الجنين وينمو فيه وبداخله يكون السائل اللي نسميه ماء الجنين والجنين يعني من الاخر بيت البيبي♥♥
اما المشيمة فهي غير تتكون في الشهر الثالث وتكون مﻻصقة بجدار الرحم وتكبر مع البيبي وهي اللي تمده بالغذاء والاكسجين
اتمنى تكون وضحت الصورة فديتج♥

[heof]

صباح الخير حوامل
عسسساكم كلكم بخير
يابنات انا كان شعري طويلللللل وللاسف ضحك علي الشيطان وقصيته
ومرره ندمانه وعندي خلطت زيوت الي هيا زيت انوب /وخروع /واللوز الحلو /وبرشوت
ونفسي استخدمه علشان شعري يطول بسرعه ان شاء الله
سؤالي واتمنى تفيدوني هل اقدر استخدمها ولا لها اضرر للجنين

[احمد قلبي]

هلا حبوبات
بالنسبه للي نزل عمدها الدم وهي بالشهر الخامس التزمي الراحه وان شا الله بسيطه دام خف الدم تطمني وخاصه الحمدلله انتي عديتي مرحله الخطوره ثلاث شهور بس شكلك تعبتي اثنا السفر لو اجلتي سفرك ولاتخافي انا كان حملي مههدد وللحين ينزل مني افرازات بنيه والله كريم الله الحافظ ما بيدنا شي
بالنسبه للي مشيمتها نازله ماعندي خلفيه بهالموضوع
وعني انا بالشهر الرابع والدكتوره قالتلي استمري ع حمض الفوليك وقالتلي دمك كويس ماصرفتلي حديد لسه فاشوف ان الوحده تمشي عكلام دكتورتها لو واثقه منها لان هي الي بتعرف حالتها ومتابعتها وكل وحده تختلف عن الثانيه
بس بنات هل الام الظهر الي اتيي واتروح عااديه مع الحمل والا يعني مب وااااايد بس ماقدر ايلس بشكل طويل او فتره طويل ظهري ايعورني

[احمد قلبي]

صح وبالنسبهلك يا بنت النور عن المشيمه والكيس كنت اسال نفس السوال الي اعرفه ان الكيس يتكون من بدايه الحمل وهو الي انشوفه بالسونار اول شي وبداخله الجنين
اما المشيمه دكتوره وحده قالتلي تتكون من الثالث والدكتوره الثانيه قالتلي بالشهر الثالث لسه مافيه اي مشيمه ولا شي اسمه تتكون فما اعرف