هنا تجمع حوامل الشهر (الرابع والخامس والسادس)

ام الهادي · 12-12-2011, 01:17 PM

اهلييين فوفو اخبااارك وحشتييينا
موووج وايش الي يخليه اصلا يشترك في موقع للتعارف والزواج؟؟؟؟
انا بحمد ربي انه زوجي اصلا ما بعرف بنات ولا عرف بنت قبلي انا بالنسبة له اول بنت في حياته وهو اول شاب في حياتي طبعا ههههه
وهو ما بشوف صور خليعة او فيديو اباحة لانه هادي قناعة عنده انه حرااام
وقالي لا تتفرجي على المسلسلات التركية وقلت له اصلا ما ابغى اتابع مسلسل مدبلج تاني لا تركي ولا مكسيكي

مووج البحر · 12-12-2011, 01:17 PM

الحمد الله على كل حال

اصلا هو لو ما لقني اغار عليه يسوى اي شي حتى مره قلت له ودي بنت خالتك بيتهم كلنا في المستشفي

ثاني يوم قال كنت احبها وخطبتها وامها رفضت احسو بس يبغاني اغار

بس ما عندي مشكله واثقه الحمد الله

مووج البحر · 12-12-2011, 01:24 PM

مدري عنه يا ام الهادي بس انا ما بينت له اني شفت المواقع هذي ولا رسايل البنات

حذفة الموقع من الذاكرة بس وقلت لو شفتها تاني اعرف انو وهو يدخلها بعد كذا اسالو السبب

انا احبه ولا اتخيل حياتي بدونه عشان كذا ما اسوى معه مشاكل بالعكس اطنش واكتم في نفسي

توى اتصلت عليه اطممن عليه قال بعدين اكلمك

بقوم اقشر بطاطس وانقعها في مويه وملح

noory · 12-12-2011, 01:25 PM

السلام علييييييييكم
اخباركم

ام الهادي · 12-12-2011, 01:34 PM

طبعا اهم شي الثقة
والحمدلله انا ثقتي في زوجي من هادا المجال كبيييييرة
مرة قلت له بعمل حساب في الفيس قالي ليش قلت له عشان صحباتي قالي لا تلاقيهم في المسنجر او اسكايب وزعلت وقلت له ترا اذا ما رضيت بعمله من وراك قالي اعملي الي تبغيه قلت له بس ما بحب اعمل شي من وراك قالي اذا تبغي ادخلي من حسابي ودخلت مرة بس ما دخلت تاني وشكرت ربي انه منعني لاني جاهلة وبريئة
مرة نزلت موقع دردشة في الجوال وما كلمته كنت طفشانة وابغى اتكلم مع بنات ودخلت بس تمنيت اني ما دخلت تعرفت على بنت وقالت انها مخطوبة من ولد جيرانها وكلام كتيييير وحسيت اسالتها غريبة وشخصية كتير وما عجبني الحال بس كنت اعطيتها رقم جوالي من جهلي وطلعت مو بنت طلع ولد وهنا الصدمة لما اتصلت من عند صحبتي ورد ولد خفت كتييييير انه زوجي يعرف ويفقد ثقته فيني وكلمت ماما وقالت لي لازم تصارحيه المهم كان يعمل مسكول الساعة وحدة لمدة 3 ايام ورا بعض وزوجي يقولي مين كنت اقوله زميلتي في الجامعة وعندنا شغل قالي كلميها ما تتصل هادا الوقت وراح الشغل الصباح ولما رجع كنت ابغى اصارحه وهو سبقني بالسؤال وقلت له السالفة واني لما عرفت انه ولد مسحت البرنامج من عندي وما عاد اعمل كدا تاني وبس كلمته علطول الاتصالات وقفت
المهم انصدم بس ما خليته يطلع من الغرفة الا وهو مسامحني
قالي انا منعتك من الفيس عشان الكلام هادا قلت له وايش عرفني انه ولد انا كنت فاكراه بنت قالي عشان انت ما رح تعرفي انا منعتك
والحمدلله تجربة وعدت وما رح تنعاد ابدا
والحين كل ما يشوفني في المنتدى يقولي منتدى حوامل ما عندك غيره اليوم كله فيه قلت له لا تخاف مافي رجال قال ايش عرفك قلت له لانه مافي رجال بدخل دردشة حوامل خخخ
قالي بس برضه اعملي حسابك