تجمع حوامل الأشهر الوسطى(الرابع,الخامس,السادس)

شعولة86 · 06-10-2013, 12:19 AM

مرحباا كروشات♥
شخباركم؟
وحشتوني واااااايد كروشة كروشة ♥

احلى نغم♥ حبيبتي انا من رايي تنطرين بعد شهر تتأكدين اكثر واذا ودج تشترين شي اخذي اشياء بسيطة والوان محايدة

غيم حبيبتي فكرتج حلوة♥
انا عن نفسي الحين بالاسبوع الثاني من الشهر السادس
اللي شريته للحين او اللي امي واختي جابوه لي بالاحرى هو كالتالي:
5-6 لبس قطني شبك للنوم
7-8 لبس شبك بعد بس كشوخ لليوم العادي
5 غطاء للراس
7-8 مهادات (لفة) للبيبي
فصلت طقم للمستشفى ادري بدري بس ﻻن المحل شغله حلو وكان ﻻزم احجز من وقت وراح يبتدون الشغل فيه من شهر 7 وهو مكون من كذا قطعه لي وللنونو
بعد شفت عندها اشياء حلوة ففصلت مهاد ومفرش وشنطة طقم حق الكشخة
بطانيات (مﻻحف) 3-4
طقمين فوط للسبوح ولتبديل للحفاظ
6-7 فوط صغار عشان الرضاعة ماما فديتها قالت ﻻزم ♥
واليوم زوجي شرا ستاند من سنتر بوينت اللي يستخدمونه عشان سبوح البيبي وتبديل الحفاظ وااااايد عجبني وحسيته عملي وسعره معقول
ووووبس
باقي الاشياء للحين ... ان شاء الله دكتورتي ترضا لي اطلع واروح اتشرى عن خاطري♥

انتوا بنات شنو جهزتوا؟

بنِت النوُر · 06-10-2013, 12:40 AM

كروشات حمستني هههههههههه تمنيت انطلقققققفق واتقضا للبيبي. ..

بنِت النوُر · 06-10-2013, 12:43 AM

كروشات حمستني تمنيت انطلققققف واتقضا للبيبي ههههههههه ..
والي ردن علي بخصوص الزبيب الله يسعدك يارررب ..
شعوله منوررررره ماشالله احسك تقريبا خلصة 70% من مقاضي البيبي ...

احلا نغم لا تعتمدي لانه قالت 60 بالميه بس ماقلتتتي ي حلوه وش جنسه. ماشالله حتا الان الاغلبيه اولاد احس هالسنه بتكون اغلب الحوامل اولاد ياررررب ترزقنا بالذريه الصالحه تامة الخلقه المعافاه ...

كيآن ~ · 06-10-2013, 12:46 AM

السسلآم عليكمم

كيفكمم صبآيا إلكم وحششة

ماشاء الله فيه بنآت بدأو يتقضوون ^_^

انا باقي ما بدأت ع اني الحمدلله عرفت جنس الجنين بس احسس بدري باقي اسبوع وادخل السادس ع كلام السونآر :/

شوو رآيكم في اي شهر افضل تبدأ الوحدة تقضي ؟؟

احلا نغم · 06-10-2013, 12:48 AM

اقتباس:

المشاركة الأصلية كتبت بواسطة بنِت النوُر

كروشات حمستني تمنيت انطلققققف واتقضا للبيبي ههههههههه ..
والي ردن علي بخصوص الزبيب الله يسعدك يارررب ..
شعوله منوررررره ماشالله احسك تقريبا خلصة 70% من مقاضي البيبي ...

احلا نغم لا تعتمدي لانه قالت 60 بالميه بس ماقلتتتي ي حلوه وش جنسه. ماشالله حتا الان الاغلبيه اولاد احس هالسنه بتكون اغلب الحوامل اولاد ياررررب ترزقنا بالذريه الصالحه تامة الخلقه المعافاه ...

اهلا حبيبتي
انا قالت لي ولد ماشاء الله تبارك الله
بس انا بعد شفته احس واضح انو ولد ربي يحفظه و يتمم لي و لكم بخيير

كيآن ~ · 06-10-2013, 12:49 AM

ماشاء الله عليك شعوولة الله يقر عينك بشوفته سليم معافى يارب ()

um aseel · 06-10-2013, 12:50 AM

صباح الخير كروشات
كيفكم وكيف البيبيات وحشتوني

احلى نغم حبيبتي ما يتاكد الا من الاسبوع 16 وفوق اكيد انا مثلك قالت لي ولد ومتاكدة ومن فرحة زوجي اشترى من امازون طقم شنطة للبيبي لونها بيج وكحلي واشترى لبسه حلوة ولما كشفت بالاشعه الرباعيه الاسبوع 18 قالي الدكتور بنوته ومتاكد فخليك لما تتاكدي

غيم فكرتك روووعه وانا اقول من الخامس الوحدة تشتري لانها بتثقل بالسابع

انا شريت طقم من 0 - 3 واحد لاستقبال الولادة عجبني وما حبيت يروح عني

اللي جهزت تسعفنا ي صبايا

كيآن ~ · 06-10-2013, 12:51 AM

أحلآآ نغم ان شاء الله يكون ولد يآرب

بس الافضل انك تكشفي بالاسبوع العشرين يكون اكيد 100% بإذن الله

احلا نغم · 06-10-2013, 01:31 AM

ام اسيل
مشكوره ي قلبي ع النصيحه
بس معقول يكون مو اكيد سبحان الله انا شفته واضح و زوجي مبسووط مرره يبي ولد
الحمد لله اهم شي الخلقه التاامه و ربي يتمم لنا ان شاء الله

كيان
ان شاء الله حبيبتي راح اتأكد ع الاسبوع 18 و طالع بإذن الله
الله يجيب اللي فيه الخير و يتمم لنا و يرزقنا بشوفتهم سليمين اولاد و بنات ياارب

شعولة86 · 06-10-2013, 01:41 AM

بنت النور♥♥
النور نورج فديتج .. وكل المقاضي ربي يحفظ امي واختي تشروا لبنتي
وبديت من الخامس شوي شوي ﻻن خفت وضعي يطول وماتسمح لي الدكىورة اطلع اﻻا متأخر
والحمدلله باقي اشياء وباقي وقت باذن الله

كياان♥♥
تسلمين حبيبتي ربي يسمع منج
واشوفها بين يديني
وربي يسهل حملنا ووﻻداتنا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشهر السادس من الحمل أفضل الأشهر	طيور الحب	إستفسارات حوامل من الشهر الرابع إلى الشهر السادس	84	03-20-2013 01:08 AM
نزيف في الأشهر الوسطى للحامل	قحطانية	إستفسارات حوامل من الشهر الرابع إلى الشهر السادس	15	03-08-2012 02:16 PM
هنا تجمع حوامل الشهر (الرابع والخامس والسادس)	سماسم	إستفسارات حوامل من الشهر الرابع إلى الشهر السادس	32655	01-01-2012 06:32 AM
أهم المواضيع المميزه في قسم حوامل من الشهر الرابع إلي الشهر السادس	سماسم	إستفسارات حوامل من الشهر الرابع إلى الشهر السادس	0	09-25-2011 10:34 PM
هنا تجمع حوامل الشهر (الرابع والخامس والسادس)	عزيزة النفس	إستفسارات حوامل من الشهر السابع إلى الشهر التاسع	9772	07-27-2010 08:57 PM