دردشة بنات العراق, دردشة حوامل العراق , تجمع بنات العراق

[فوفو العراقية]

زنوبة
كل عام ونتي بخير وعقبال ما تكحلين نظرج بشوفت البنوته الحلوة وربي يتمملج على خير يارب...

والف مبروك الملابس الجدد وتهريهن بالعافية
والف سلامة عليج من الهبوط
حياتي ربي يتمملج يارب.

[White angel]

هلوووو بنات شلونكم

ياعمري يافوفو. وانتي بالف خير ياروحي يوم الي تقومين بسلامه وتشوفين كتكوت الغرام حبيبي فديته أني
ويارب تحقيق الأماني ويوم الي تزوجين النونو هههههههههه هسه خل يصير وبعدين نفكر بزواجه
الله يسلمج حياتي ويعافيج كبدي انتي

سراوي عمري كل عام وانتي بالف خير ويوم الي تقومين بسلامه
وتفرحين وتفرحينه وياج تسلمين لي عمري ع الكلام الروعه مثلج ياعمري

أكول بنات قموره يمكن جابت هسه تجي وتخلينه صورة بنوتتها وكولو كالت هههههههههه ماادري إحساس
باقي البنات شلونكم اشو التجمع صنطه شكوو بس لا عيد عندكم هههههههههه

[ghufran]

السلام عليكم اني
عندي الم برجلية اموتني اريد عرف السبب ارجوكم افيدوني

[المغتربه المتفائله]

هلوووو بنات شلونكم

فوفو حبي شلونج هههههه كل الكلتي اني مسويته
اني جربت طريقه البول والملح صارت بيه مثل الغيمه فوق يعني ولد
وجربت الحلقه والزنجيل على معصم ايدي نتيجته ولد وهم جربته على بطني نفس النتيجه
ههههههههه هم ماخليت شي ماسويته ان شاء الله ماباقي شي واروح اتأكد من السونار ولد لو بنيه
انتي كاتبه طريقه المقص والسكين شنو هاي ؟؟؟؟؟؟؟؟
وبالنسبه لحركه الطفل لحد هسه محسيت بشي
بس بالليل من اتمدد احس بحركه خفيفه بس ارجع واكول خاف غازات ههههههه
انتي شرحيلي شلون تصير حركه الطفل ؟؟؟؟؟

رحمه كل عام وانتي بخير سلامتج طمنينه عليج

كل البنات شلونكم حبيبات

[فوفو العراقية]

صباح ومساء الورد على كل الموجودين...

حياتي المغتربة...
شلونج ياعمري..
فديت النايم الميتحرك هواي اني ههههه
حياتي... اني زوجي فاجئني راح جاب وصلتين وملفوف بيهن بالداخل وحده بيها سكين ووحده بيهة مقص وخلاهن على السوفه وكلي اختاري وحده وفتحيها ههههههههههه
وفتحت وحده و وطلع السكين هههههههه يعني ولد
اني ماثق بهاي الاشياء بس حبيت اجرب كل شيئ
ماعرف صار عندي فضول ههههههههه مخبلة اني مو؟
بس والله رجلي سواها مو اني
بعدما شاف مسلسل الاوراق المتساقطة ولما فكرت عمتها سوتلها هيج ههههههههه
يلا جربي ماخسرانه شي...
ولسونار راح يأكدلج هالشيئ ان شاء الله الطفل الصالح ويارب بتمام الصحة والعافية,

اما بالنسبة لحركة الطفل...
اسألي البنات جانو يسمو دب وعنده سبات ههههههههههههه نوم على طول
يتحرك بعد الخامس يوم وعشرة نايم
بس هسة عينج متشوف غير النوووور
وكح كلش
وعلى طووووووووووووووول بس يحووووص ومنزعج حظرته حتى من ملابسي هههههههههههه فديته العصبي
بس وقت التقلص يوكف ميتحرك ووراها يطلع القضة والمضى
والبنت بالعكس تتحرك من نهاية الثالث وكلش تتحرك بس بالثامن والتاسع تقل حركتها سبحان الله صبورة من هية برحم امها
مو مثل الولد ههههههههههههه فديتهم
ولج عيني اموت عالاطفال الزغار رغم شلاع القلب
وفترة الحمل اتمتع بيها بشكل مو طبيعي
بس اني من نوع اتعب بالحمل كلش وماكو حمل كان خفيف عندي
الحمد لله والشكر
ربي يتمم علينة يارب,



ام نورهان اليوم ماكو ولا البارحة
خير يارب
اخاف خانتني وجابت قبلي؟؟؟؟؟؟؟؟؟؟؟؟؟؟؟؟؟؟

قمورة اي والله صار فترة ماكووو؟
يمكن ولدة يارب بالسلامة...

زينب حبي شلونج انتي والعروسة مال ابني؟
ترى ناوية ازوجة 4 ههههههههههههه
بنت ام نورهان اول وحده
وبنتج الثانية ولخير بالطريق هههههههههههه.

[مي &]

كل عام وانتو ابخير والصحه والسلامه على الجميع والموفقيه وارزق بجاااه الحبيب محمد

شلونكم بنات شخباركم مشتااقتلكم

اعذروني كلش مدا ادخل لان شغل واصل لفوك رااسي وفوكاهه العيد وهوسه وخطاره
وبروره كامت تزحف وكاضيتهه ركض ورااهه

وكلشي طبعا مشفت من العيد بس ساعتين بليل رحت لاهلي والباقي بلبيت الملم واعزل
متت والله متت

مشتااقتلكم ياولي كومه

يارب الي واصله ولادتهه اتكوم بسلامه يارب
ويتمم الحمل على الجميع يارب امين
ويرزق الي اتريد طفل عاجلا بحق هذا العيد

[ام نورهانه]

هلاااااااو حبايب شلونكم

مي وزنوبة ونجوله وسارة وكل الحبايب شلونكم يارب بخير

فوفو شلونج قلب لا بعدني مخنتج هههههههههههههههه بس شكد عاجبني اخونج واخلص هههههههههههه
طبعا اني وياج بالحركة وكل هالسوالف نفس الشي وج حتى اني كتكوتي تحركت بنص الخامس مدري ليش بس نورهان من الشهر الثالث تحركت

اكلج اني نفسيتي صايرة بالحضيض وكلش متضايقة وضايجة والتقلصات دمرتني وطبعا كاعدة العب رياضه تحفز الولادة واتحرك واكل تمر وكاعدة ادهن ظهري وبطني بزيت زيتون دافي والتقلصات دتزيد وصايرة ويا التقلص احس رجليه تخدر وتنمل بس كله اكول ميخالف اريد اوصل للمرحلة الي بعد مااكدر اتنفس بيها من الالم ياله اروح ويارب يكتبها الي والج وكل الحوامل ولادة سهلة وميسرة

[فوفو العراقية]

هلو ميوش
هلو حياتي
شلونج
عيدج مبارك
ينعاد عليكم بالصحة والعافية والمسرات
حبيبتي برورة مبروك الزحف فديتهة يوم تمشي وتدخل مدرسة وتفرحين بيها يارب
حبيبتي الله يعينج
والله اني ميته ضوجة
ولا رحنة يم احد ولا احد اجانة بالعيد
بس نطلع نفتر بالمولات والمطاعم وبس
ترى جنة منغير ناس ماتنداس...
حبيبتي طمنينة عنج من وقت للثاني
ولا تنسينة بدعواتج ياعمر,

[فوفو العراقية]

حياتي ام نورهان نورتي
حبيبتي والله اني هم ممقصرة ههههههههههه
بس البارحة طلعت كووة مشيت بالمول
ولج احس راح يطك المي مال الطفل
كأنو يريد ينفجر من جوة شي
واليوم بالبيت ضهر يوجعني كلش كأنو علية دورة او نزيف هيج كلش يوجع
بس تقلصاتي من الصبح لهسة اقل من البارحة
وهم احس شي يريد ينزل علية طول الوقت
ومثلج اني هم الكأبة مشتغلة عندي من صباحية الله
واريد اكل حلا حتى تخف هالكأبة بس بسبب المصيبة السكر ماكدر
وعتقد السكريات مثل التمر والعسل كلش يساعدن عالولاده...
الله يكون بالعون ويسمع منج ونجيب ونرتاح من هالقلق والارهاق والالم الي مامنة فائده..

بس انتي مو كلتي ترحين طبيب بعد العيد؟

[فوفو العراقية]

الف مبروك دخول التاسع حبي ام نورهان
هههههههههههههه اتغير الشريط مالتج
يعني اني هم بعد يومين اودع الشريط الثامن ههههههههههه.