دردشة بنات الجنوب الحبوبات

[مياسة]

المشاركة الأصلية كتبت بواسطة ام تيمو

صباح الخير
خواتي لاتنسوني من دعائكم عندي بوادر ولاده الله يفرج همي ويسخر لي المستشفى اللي اولد فيه

الله يسرر لك الولادة السهلة الميسرة باذن الله
لاتنسي طمنينا عليك

[أمي عيوني]

صباح الخيرات على كل الكروشات إن شاء الله تكونون بصحه وسلامه يارب

[أمي عيوني]

أم تيمو حبيبتي الله يهون عليك يارب وإذا الرحم مفتوح اشربي مسهلات ومخففات الألم مثل الحلبه أو الزنجبيل مع حليب وحليها بعسل وكلي رطب أسأل الله في هذي الساعه إنه يهون علينا وعليك ويجعل الولاده بردا وسلاما عليك إنه على ذك قدير..

[أمي عيوني]

البنات اللي دخلو أمس يسلمون وين راحو اختفو؟؟
مياسه وش أخبارك ياقلبي
الراضيه بقضاء ربي كيفك وكيف دوامك..

[أمي عيوني]

ياحلوات الحكه ذبحتني في بطني ولا أقدر أحك بأظافري أخاف يتشقق زياده ولاتقولون حطي كريم مافاد وش أسوي تعبت منها..

[مياسة]

المشاركة الأصلية كتبت بواسطة أمي عيوني

ياحلوات الحكه ذبحتني في بطني ولا أقدر أحك بأظافري أخاف يتشقق زياده ولاتقولون حطي كريم مافاد وش أسوي تعبت منها..

الله يعينك طيب جربي حطي زيت زيتون

[عشق الطفولة]

أم تيمو
صباح النور اسأل الله ان ييسر لك و يسهل عليك ...

[عشق الطفولة]

أمي عيوني هلا حبيبتي الله يسعدك و الله انك انتي اللي محركة التجمع
و الله المفروض اني امشي بس صار يجيني نوم غريب و كسل و ما فيني اسوي شيء بس ان شاء الله اني اضغط على نفسي و اصير امشي
و المشروبات اشرب حليب يوميا و الباقي اخاف اشربها و تسوي نتيجة عكسية لا سمح الله لانها ما تفيد مع كل البنات فتوكلت على ربي باخليها على ربي الله ييسر لي من عنده


بالنسبة للحكة و الله ما اعرف بس جربي زبدة الكاكاو و انتبهي لا تحكينها كثير و تجرحين نفسك او تسوي تشققات الله يعينك و يعطيك العافية

[أمي عيوني]

المشاركة الأصلية كتبت بواسطة عشق الطفولة

أمي عيوني هلا حبيبتي الله يسعدك و الله انك انتي اللي محركة التجمع
و الله المفروض اني امشي بس صار يجيني نوم غريب و كسل و ما فيني اسوي شيء بس ان شاء الله اني اضغط على نفسي و اصير امشي
و المشروبات اشرب حليب يوميا و الباقي اخاف اشربها و تسوي نتيجة عكسية لا سمح الله لانها ما تفيد مع كل البنات فتوكلت على ربي باخليها على ربي الله ييسر لي من عنده


بالنسبة للحكة و الله ما اعرف بس جربي زبدة الكاكاو و انتبهي لا تحكينها كثير و تجرحين نفسك او تسوي تشققات الله يعينك و يعطيك العافية

الله يسعدك ياقلبي رفعتي معنوياتي بقعد اكتب فيه لين الصباح هههههههه..
الكسل والله كلنا ذبحنا لكن تدرين لو قريبه من أهلك روحي عندهم أمك بتخليك تمشين غصب الله يسعد أمهاتنا بس حطي على الحليب عسل بدال السكر واليانسون ترا كويس مايضر بالعكس قرأت إنه يخلي الجنين يتعود على طعمه عشان وقت المغص بعد الرضاعه..
استخدم زبدة الكاكاو بس مافادت وفي نفس الوقت أكره ريحتها وأما التشققات إن شاء الله معاد يطلع شيء غير الموجود الله يستر بس..

[مياسة]

امي عيوني
عشق الطفولة
في اي مستشفى تتابعون الحمل؟
وين قررتوا تولدوا؟
انا اتابع عند منال في العائلة وللحين ماقررت وين اولد