ديوانية البحرين - دردشة حوامل البحرين - البحرينيات

[Um Amal]

اي اني بعد اقول ان السنة ما في شتا ..
والثياب الا خديتها شتوية أكثر شي ..

[الفتاة الذهبية]

وعليكم السلام
صباح العسل يا عسل
انا تمام اسأل عنج
ما تشوفين شر
ان شاء الله الي عندهم خبره يفيدونج

[الفتاة الذهبية]

هلا أم امل
انا اخذت صيفي اكثر

[Um Amal]

هلا "الفتاة الذهبية" ..
صباح الكناري إن شاء الله ..
شخباركم ؟؟

[بنت الأياويد]

الشر مايييج ماتم احد ماتصلت فيه ههه زوجي وامي واختي يقولون لي هذي عادي لانج في الثامن اصعب شهر فيصيدج الام عادية وتروح بس امي قالت لي لازم فيه شي يبين لج اذا كان طلق او لا مثلا ساعات ينزل عليج خيط احمر او ماي جذي بس ان شاء الله ادش شهري ياربي وعقب خل ايي الطلق ، وفي نفس الوقت احس مو مستحملة الثقل والالم وبدينا امتحانات قلت ببتدي ادرس من الحين لان مادري مع الايام شنو يصير لي يوم الاحد الياي على الاقل الحين اقرالي جم كلمة الله يعينا ان شاء الله

[الفتاة الذهبية]

تمام وانتي شخبارج وشخبار البيبي

[حروف عاشقة]

صباح الخير

مشكورين كلكم على السوااال ما تقصرون فيكم الخير ،، وادا جيت اقول لكم سالفتي لازم اول احمد الله على كرمه ونعمه وعطاياه فالحمد الله على كل حااال ..

ما ادري من وين ابتدي هل الحملة من بدايتها كلها اكشنات سبب غيابي يا خواتي اننا صادنا حادث انا مع زوجي وتكنسلت السيارة وزوجي تعور وانا بعد بس الحمد الله الاجنه ما صادهم شي وهذه من لطف الله فينا .. ما ادري شلون اوصف الموقف بس معجزة من الله اننا طلعنا سليمين انا وزوجي بإصابات طفيفة الحمد الله الحمد الله الحمد ..

وبعدين صارت دوخت المستشفى ويه الاترساونتد والمتابعة عشان اطمن على الاجنه محتاجة دعواتكم خواتي عشان اكمل هل كم اسبوع وادخل التاسع بسلاااام ..

[الفتاة الذهبية]

بنت الاياويد
ان شاء تولدين في التاسع
وبالتوفيق مع الامتحانات

[الفتاة الذهبية]

حروف
الله حفظكم
ان شاء الله يتم حملج ع خير يارب

[حروف عاشقة]

اي والله ، الله الحافظ
مشكوووروة وما تقصرين على الدعوة الحلوة الله يتمم عليي وعليكم اجمعين إن شاء الله
الحمد الله على قولتهم في الحديد ولا العبيد ، اني الرضوض إلي متعبيني شوي لانه منشرين على قعد جسمي والضربة صارت صوبي بس الحمد الله جت سليمة ..