دردشة بنات العراق, دردشة حوامل العراق , تجمع بنات العراق

[فوفو العراقية]

مولود جديد.... حبيبي يخبل فدوة ...
Newborn Baby Helps Doctor Cut Umbilical Cord - YouTube

[ام نورهانه]

هلو حبايبي شلونكم ولكم التقصات والثقل دمرني ربي يجعلي بيه اجر ان شاء الله
صايرة مااكدر اسد رجليه ولا اكدر اكعد على كرسي عدل يعني لام ارجع ظهري ليوره لان مااكدر الزك افخاذي ببطني


كل الهلا بغيداء ام يوسف هلا بيج وبالغالية حبيبة قلبي واختي ام ايهومي وطبعا اكلها يخبل واكل عراقي صدك عابتلها خلتني ارهول الف عافية عليها وعليكم ونتشرف بيج ياعمري ان شاء الله تسحبين خط انترنيت وتتواصلين ويانه لان صدك تتونسين ويانه واكيد انتي طيبة لان صديقتها للطيبة ام ايهومي




هلو حبي فوفو اي اني هم الدكتورة كالت خلي نومتج على الجهة اليمين اكثر
وج انتي يمكن ولادتج قربت اني بنورهان هيج قبل الولادة ب 3 ايام اجتني حالة نعاس مو طبيعي وخمول ووياها العفو لعبان نفس وبيوم الولادة ضليت اتقيأ لحد ساعة الولادة بحيث تقيأ وطلوكة نفس الوقت وتخيلي

ولج شنو هالنونو الي يخبل ربي يحفظه الاهله وج شوقتيني للولادة وساعة الي اشوف بنوتي بيها واضمها الصدري فديتها عود كلت خلي اصبر روحي لورة العيد من وراج اريد اجيب هسة علمود اشوف بنتي ههههههههههههههههههههههههه

[فوفو العراقية]

هههههههههههههه
ام نورهان قلب ولج حالج ميختلف عن حالي تكة
اني ماكدر اكعد ولازم ارجع لورة احس كاعده على راس الطفل
تعرفين شتمنة؟؟؟؟؟؟؟؟؟؟؟؟؟؟؟؟؟؟؟؟؟؟؟



اتمنة ولادتنة تكون نفس اليوم هههههههههههه ولو نفس الساعه يكون احسن
فديتهم الحلوين الي نتمنة نشوفهم
بس لا تنسين يعني هالفترة بالحمل مو دوم نحس بيها
وخلينة مستمتعين بالحمل لحين الولاده
وخلينة نشتاق لبيبي اكثررررر

تدرين دوم افكر بالمحرومين من الامومة الله يرزق كل محروم الطفل السليم ويفرحهم يارب.....
والله الامومة اجمل شيئ بالكون.

حبيبتي الله يعينج ويسهل علينة
حالتنة وحده وبعون لله بداية التاسع نجيب
اتمنة اجيب يوم 1.9.2012 ههههههههههه ماعرف ليش حابة هالتاريخ
واني مجرد ما يكتمل وزن الطفل اقصا شيئ 3290 اجيب لان الرحم ياخذ حد وينزل الطفل سبحان الله....
اني محمد وزنة اجه 3290 ورنا 3200 وانوار 3290 هههههههههههههه
كلهم نفس الشيئ بفرق التوقيت طبعا ههههههههههه

والله يبشرج بالخير وكون صدك راح اجيب
لان مالي خلك شي
والبارحة الفطور جان مشاوي
ولان رجلي صايم خفت لا الدخان يفطرة .... ف اني شويت كلشيئ الكباب والتكة والصوصج والبصل والطماطة وطبعا اني اجهزهن وشيش وشوي وعلى فد وكفه بس الليل كلة منمت من الالم
لان خلصت الفطور بعد ماكدر اكعد صرت ابجي من الالم
خطية هوة خاف علية وضل قلقان وطول الليل سهران علية وكل شوية يكمز يسالني لو راح الالم او ياخذني للمستشفى
خطية على طول يكولي اني السبب خليتج تحملين وتتعذبين سامحيني عذبتج... ومن هالحجي فديته
ولج متعرفين اشكد اتمنة اشوف ابنه لان احلى شيئ يربط بينة ونشوف حبنة بي
عسى ربي يجيبه بالسلامة ونفرح بشوفته.

[ام نورهانه]

حبيبتي ان شاء الله تولدين بالسلامة وتجيبين احلى نونو ويتربى بدلالج ودلال ابوه ويارب يخليكم البعض

واذا صارت الولادة بتاريخ 1/9 زوجي يكوم يطك ام اصبعتين لان هذا يوم ميلاده هههههههههه
بس اني اتوقع قبل هالوقت اجيب لان حتى الدكتورة تكولي مااتوقع توصلين اليوم 28 بالشهر فلهذا كالت خلي انطيج ابر الرئة علمود اني ارتاح وانتي تطمئنين وترتاحين على البيبي

[فوفو العراقية]

حبيبتي تسلمين
ويارب ساعة السهلة وولادة يسيرة بعون لله
وتاريخ واحد بالشهر كلش احبة
وتمنة يوم اربعاء يكون
لان هالايام اتفائل بيهن
ويوم الاربعاء يومي المفظل ههههههههههه
وشوكت مايجون هلا بيهم بيتهم ومطرحهم هههههههههههه المهم الخلقة التامة يااااااااااارب


بس اكولج
زكاة الفطرة هم لازم نحسب البيبي بيها؟
اني هيج سامعه يعني حتى لو بعده ممولود لازم ندفعلة
منو منكم تعرف هالمسألة ؟؟؟؟؟؟؟؟؟؟؟؟

[مي &]

هلو حبايب شلونكم

مشتااقتلكم

ام ايهومي وجيرانهه ام يوسف وام نورهانه وفاديه وساره المغتربه وزنوبه وهباوي وتوته واحببت طفلي الي لحد هسه معرفت اسمهه وفروحه
وسجااوي الي مشتااقتلهه كلش

كاكم مشتااقتلكم


حبي فاديه لا الطفل ال ابطن امه متنحسب فطرته العام برمضان جنت حامل بروره وسالنا كالو لا متنحسب


حياتي ام ايهومي سلامتج من الشيسموهه اني اليوم همين اجتي اموت منهه
حبي البولستان ايقللهه اني امجربتهه والدكتوره انطتنياه من اجتني الدوره مال الاربعين اجتي اهوايه فانطتنياه ايقللهه
وهسه كلما احسه اهوايه اخذ بولستان

[مي &]

حبايبي تسلمون الله يجعل ايامكم كله سعيد اشكركم
وهله بيكم انتو

الله شااهد اهناك واشتااقيتلكم

[مي &]

بنات وينكم اشو من اجي انتو تختفون
تعالو اريد اسولف وياكم مشتاااقتلكم

[امرأة الفرح]

مرحبا بنات ..
شخباركم ... احب اشكر كل وحدة ررحبت بيه....
وحبيت ادعي لكل وحدة ع وشك ولادة ,,
ربي يكومكم بالسلامة انشالله
وتشوفون احلى بيبيات بأحضانكم

ويوم الالي ربي يتمم علية واوصل التاسع
شون بية والقلق والوسواس ذابحني
انوب صايرة نحسة ,, زوجي كل مايحاجيني حجاية حتة لو بدون قصد اضل ابجي
واموووت من البجي
وتضل بطني تأذيني ,, بلة شسوي بروحي

يااارب هون علية بجاه حبيبك المصطفى

[اسوره]

هلو بنات شلونكم مشتاقتلكم
اني تعباااانه حسدت نفسي كل مااحد يحجي ويايه اكوله ماعندي وحام ومكيفه بروحي تعالو شوفوني هسه بس نايمه بالفراش وكولشي مااكدر اكل عندي لعبان نفس واي شي اكله اتقيأه والدوخه موتتني اااااف صدك مزعج الوحام شكد اشتهي اشياء وماكدر اكلها لان ماتحمل ابقي شي بمعدتي راسا استفرغ

انتو شلونكم يارب انتو كلكم زينات
شخبار ام نورهانه وفوفو بالي يمهم يارب بخير