♥ تجمع حوامل جمادى الثاني 1435هـ - أبريل 2014م ♥

[Bent-Abdullah]

المشاركة الأصلية كتبت بواسطة امنيه

يا بنات ما خفتو من الولاده

أنا مره خايفه واليوم كله صياح

انا مره متحمسة لاني افكر بالنتيجة و ناسية في شي اسمه ألم و دم
لا تصيحين حبيبتي كلها كم من ساعه و ان شاء الله ربنا بيسهلها

[amani_nor]

الله يسهل على الجميع

[هتووف]

الله يتمم لكم على خير

[الريم الشرقي]

المشاركة الأصلية كتبت بواسطة اميره قصره

ماشاء الله الريم تجهيزك مره حلو عجبتني واجد الافكار
انا نسوان حمياني (يعني زوجات اخوان زوجي ) سوو فكره الاسم بالفلين فاقلت مابسوي لا يقولو تقليد هههههه ولا مره نفسي في الحركه ههههه
بنسبه لثيم انا بصممه و بطبعه في الكتبه على ورق لاصق. وضد الماء وبحطه على اغراش الماي والعصير

حبيبتي تسلمين وذوقك أحلى ...
وبالنسبة لحروف الفلين رحت اليوم وصيت عليها من الأفكار الذهبيه طبعا الحجم الصغير ب(5ريال) وان شاء الله بصبغها وبحط عليها قليتر بالبيت وبثبتها على طاولة التوزيعات..ونصيحه سوي اللي خاطرك فيه وماعليك من احد غيري الفكرة وسويه

وماشاء الله عليك حلو تعرفين تصممين ...انا جهزت ثيم اخذته جاهز من منتدى ثاني و ركبت عليه الاسم وبطبعه بالبيت واشتريت الورق بس باقيلي اللاصق ماحصلته..

[الريم الشرقي]

المشاركة الأصلية كتبت بواسطة امنيه

يا بنات ما خفتو من الولاده

أنا مره خايفه واليوم كله صياح

ماعندي خوف الحمد لله بس شايله هم الالم والخياطة وكل شي سهالات من رب العالمين

لكني تجيني اوقات ابكي والسبب احس بقلق وكآبه ولو يقولي زوجي كلمتين على طول ابكي ومااتحمل وكذلك ابوي مرة يتكلم معاي وبكيت حتى اخوي الصغير يقول خلاص عاد محد قالك شي يبكي انتي كبيره ....(تفشلت)

[Looloo9]

صباح الخيرات كيفكم اليوم كروشات

[ms dior]

هلا بنات شخباركم ؟؟

بنات متى ندخل التاسع من اي اسبوع

وبنات شلون اتغلب من الخوووف من الولاده مدري شفيني بديت اخاف رغم ان ما كنت جذي قبل

[الريم الشرقي]

يسعد صباحك لولو 9

وميس ديور اشغلي تفكيرك بأي شي عشان تنسين الخوف وهوني الموضوع وبيهون عليك

وبالنسبه للاسابيع اعتمدي هالجدول

[آم سآرونه]

صباح الخييير كيفكم كروشات

[اميره قصره]

تسلمي الريم وانشاء الله بشوف فكره مناسبه بالنسبه الاسم
اما سالفه الثيم انا ادرس حاسب الي هههه وعطونا فتوشوب ويعني مو مره يعني انا مبتدئه بس احاول اخذ افكار من النت وازيد عليها لاني صراحه كلمت مصممين يسونه غالي بصراحه انا عادي بس ماابي اكلف على زوجي وانا اعرف اسويه وانشاءالله يزبط معاي

مس ديور،،،
تدخلي التاسع الاسبوع ٣٥و ست ايام يعني ٣٦ اسبوع تقريبا
بنسبه للخوف الله يعين ههههه اني بكريه فا احاول مافكر بلموضوع لاني خوافه حدي اصدق انا ماقدر اطالع في شكل الابره اتوتر
ههههه بس شوقي لذيك اللحظه لايوصف صحيح الم بس انشاء الله النتيجه حلوه واني احب البيييات الصغار مره الله يبلغي ويسهل علي كل حامل ياررررب حاولي تشغلي نفسك و رتبي امورك وكذا وبسرعه بتحسي الايام مشت هدرت واجد معليش