دردشة بنات العراق, دردشة حوامل العراق , تجمع بنات العراق

[فوفو العراقية]

مساء الخير

مروة حبيبتي مشكورة ياعمري
بس والله نسيت انو هيج التاتو راح ياثر والم مالته بكووووم لان بدون بنج سوته المجرمة
خلتلي تعقيم وتكولي بنج.
بس اني هسة احسن.


ام نورهان حبيبتي ان شاء الله يسهل عليج وتجيبين بالسلامة
وبالنسبة لوضع البنوته حمدي ربج انها بخيرررر يارب كل الاطفال برحم امهاتهم يكونون بخير اللهم امين
وما كلتلج الدكتورة اشكد وزن البنوته حاليا؟.
ومايهة اشكد؟
بس بالنسبه لابر الكرتزون ليش ينطوج بعد منهن؟
لان اني انطوني 2 وكالو ممنوع اكثر لان تاثر على رئة الطفل بالوقت نفسة وتزيد نسبة الدهون بجسمة
وممكن تكون سبب بزيادة وزنة
ف انتي مو كلشي يكولولج عليه تسوي رأسا....ولا تنسين انج بالاسبوع 35 واني جبت بنتي على 34 وكانت مثل الورد
واي ابر مال رئة ماخذت بيها
وطلعت عادية كلش.


ولج ام نورهان شنو هالفديو الفضيع
خطية البيبي يبجي اوووووووووي فديته.

زينب يمعودة فديت قلبج منو يستاهل تبجيلة ؟
يمعودة صحتج اولا والطفل هم خطية حرام ترى نفسنة امانه علينة ف كيف الجنين...؟؟؟؟؟؟؟؟؟؟؟؟؟؟
لجل منو تبجين؟ وعلمود منو؟
هوة الي يبجيج راح يمنحج الابتسامة بيوم من غير غش وقلب صافي مثل بنوتج؟
فيا عمري مهما كان السبب لا تقهرين نفسج
وعرفي ان اكو صديقات هنا يحبنج واكو بنوته قمر بداخلج فرحج يجعلهة بصحة وعافية ,

[ام نورهانه]

هلو حبي فوفو وزنها تقريبا 3 كيلو
واني هم كتلها اني ضاربه ابر بنهايه السابع كالت ميخالف هذولي ميضرون ولمصلحة البيبي علمود ان شاء الله متحتاج خدج ابد
بس اكلج اشو اني خفت من صارت صدك هههههههههههههههه
بس كوليلي هي تكولي هي نازله للحوض كلش بس راسها صاير يسره تكولي يرادلها فره شويه وهو صدك اني كانت يمنه واليوم الصبح حسيت بيها فرت راسها على اليسره
شلون اخليها تفره يمنه هاي شغله وشغله لخ
كوليلي شنو اسوي علمود ازيد الطلوكة والتوسع لان هي دكولي عندج طلوكة بس خفيفه بس مفحصتني كالت بلكت تطولين لوره العيد تكول اذا افحصج اخاف ليزيد التوسع عندج واني اريدج بعد علمود تكون الطفله انشط
والمي مالتها زين والحمد لله

[ام نورهانه]

صبااااح الخير هاي شنو بعدكم نايمين اني مد اكدر انام عندي الم بظهري وبحوضي مو طبيعي وكل شويه ادخل الحمام والتفكير ذبحني بناااااات حبابات عليكم الله ادعولي اولد بعد العيد مباشرة مااريد اجيب هسة لان اريد بالعيد اشوف والدي صارلي سنة مشايفته وخواتي صاري تسع اشهر مشايفتهم والدتي هم صح ذاك الاسبوع شفتها بس والله قلبي مثل النار عليها ومشتاقتلها لان صحتها تعبانه وبعد العيد مباشر تسافر العمان علمود تكمل العلاج والفحوصات ان شاء الله يكون المرض انتهى منها وترجع تبشرنه

[المغتربه المتفائله]

هلووووو بنات شلونكم

فوفو حب الله يكومج بالسلامه ويحفضلج النونو

ام نورهانه حب لاتخافين ولا تقلقين فكري من جهه ثانيه راح تجي النونيه المنتظرته تسع اشهر ياررب
يسر ولادتج ويفرحج بشوفه البنوته

ام ايهومي مبروك طهور ايهومي اكيد اتأذه حبيبي يوم تفرحين بشوفته عريس

رنده كل الهلا بيج حبيبتي منورتنه نتشرف بيج
اعرفج بنفسي اني سارة عمري 20 متزوجه من 4سنوات وحامل باقي كم يوم وادخل الشهر الخامس وعايشه خارج العراق


زنوبه حب لا تضوجين نفسج وفكري بنوتج راح تزعل لزعلج الله يبعد عنج كل الحزن والهم وويحفضلج كتكوتج ويفرحج بشوفته


نوراا فدووووووووووه للوليدات الحلوين حبيبي ماشاء الله عليه يخبل عين الله تحرسه


هباوي الله يسر امورج ويسهل ولادتج


ميوشه مشتاقيلج حبي سفرة سعيدة ان شاء الله تونستي وبروره فدووووووة لقلبه صورته تخبل حبيبتي وفدوووه لوكاحته


اني ما راح اكلكم زعلانه منكم لان اعرف كل وحدة مشغوله بس كتبتلكم واني كلش تعبانه من الالم ومحد بيكم جاوبتني
رحت للمستشفى واطمنت على النونو وبعد كم يوم اروح اكمل باقي الفحوصات لان تعبانه من وجع بطني

وسلامي لكل البنات

[أم أيهومي]

هلووو بنات اشلونكم
اني طالعه روحي لانه جتي الشيسموهة قبل العيد وهذا الشيخ امطهر يبووو ومليوصه عليه
كولولي اكو حبوب اتخففهة لانه راح اموت دتنزل عبالك شلال,,
ولج فله ديري بالج على نفسج حبي هالايام’’وابشرج مطلعنه لانه ابو ايهم شويه تعبان واني يرادلي فرات يالله اشتري
مراوي حبي هاي عيونج حلووة والله لويمي اطبخ وادزلج والله شلون مجان صار الاكل وان وحدي حتى طالع ممرتب
وتسلمين حبي للتصويت غلاتي

سراوي حبي يوم طهور ابنج ويجي بالسلامه وشكرا للتصويت ياروحي,,

زنوبه ولج ليش هيج اتبجين العبيديه شبيج طابكات هالايام عوفي الكآبه ولج راح تطلع البنوته معقده وكئيبه حياتي حبيبة عمتوو

فوفو ام التاتو اخ منج ومن سوالفج ولج مو السكر موزين جكة الابره عليه شلون تالي وياكم راح اتسسووون بيه سكرر
ديرو بالكم على نفسكم

والجوعانه تجي اتصوت واسويلهة لفه ههههههههههههههههههههه

[ام نورهانه]

هلا حبايب ام ايهومي وسارة الصينيه تسلمولي جبيباتي ربي ميحرمني منكم

ساره حبي سلامتج الف سلامه ويارب يوم الي توصلين للتاسع وتجيبني احلى كتكوت واعذريني والله محوله من التقلصات صح كتبتلي الدكتورة مسكن لان ظهري من جوه احسه هينقسم ومدا اكدر انام بس اخاف اخذه كلت خليها على الله

[فوفو العراقية]

صباح الخيررر

شلونكم
حبي ام نورهان
الف سلامة عليج
شوفي عمري بالنسبة لوضع البنوته وراسهة عاليسرة يرادلج تغيرين نومتج على طول على اليمنة حاولي
ترى عادي وقت الولادة الراس ياخذ وضعه الصحيح لان المهم راسها جوة
وبالنسبة لنزول الطفل للحوض ترى اني من دخلت مستشفى كالولي الراس نازل بين عنق الرحم والمهبل 4 سانت
ههههههههههههههه ف تخيلي لعد وين راسه؟
يعني هذا الشيئ طبيعي
والتقلصات والم مال الضهر ترى كلة يسهل الولادة
يعني من تجينة الولادة راح تكون سهلة بعون لله لان احنة جاهزات للولادة
ف كل شيئ من صالحنة
ورب العالمين ويانة ومن كل قلبي ادعيلج ولكل حامل تولد وتكوم بالسلامة
ولا تقلقين وستمتعي بفترة الحمل الباقية ترى التفكير والتوتر يعسر الولادة
ويغير مسار الجنين لان القلق يخلي يتحرك هواي لا تنسين ههههههههههههه.

حبي ام ايهومي ههههههههههههههه لا تحجين علية
التاتو ندمانة سويته من الاول ويمكن اصلا حرام بس الله يغفرلي ماجنت اعرف
وهسة من سويته نيت السكر اصلا بس لما كالت الجرح ينزف
وطبعا لهسة ما نشف الدم....
شلونج وشلونه ايهوووومي حبيب الكل؟
والتصويت وينه؟
دزي الرابط
اني جوعانة اريد لفه بعدني ممتريكة وجوعانة بس ماشتهي الاكل مالتي مال كل يوم مليييييييييييييييت
واسم الله عليج من السكر الله لا يراوي لحد...

حبيبتي المغتربة حياتي الله يسلمج ويتمملج بالتمام يارب ويفرحج مشكووورة على الدعوات
دومج صاحبة موقف حلو ويانة ودووم ماتنسين احد.

[انثى من نور]

السلام عليكم ورحمة الله وبركاته
اشلونكم بنات تتذكروني اني غيداء ام يوسف جيرانهة لام ايهووومي,,
لو تدرون ام ايهوومي اشكد تحجيلي عنكم والله تذكركم بكل الخير وحاسدتهة عليكم
اتمنى اتعرف عليكم اكثر هسه اني خطار ابيت حماتي وطبيت اصوت لحبيبتي ام ايهوومي,,

طبعا الاكل ايجنن عاشت ايدهة بعد والله بنت شيخ ومعدله,,ومقبلت احد يطبخ وياهة بس ساعدناهة بالصب والتقديم
بنات انتظروني راح لخاطر هاللمه الحلوة اشتري لاب توب وانجر خط نت واتواصل وياكم
وربي ايسهل للجميع وولادة سهله الكم يارب


بنات,,امانة الله ورسوله ادعولي احصل اجازة وبراتب هم لانه تعبانه كلش من الدوام...ام ايهومي ادكول دعواتكم مجابه
لاتنسوني من دعاءكم اني هم اختكم

[فوفو العراقية]

اهلا وسهلا ب انتى من نور
تنورينه وتزيدينة شرف
ام ايهومي وجيرانهة وكل احبابهة عالراس
وبعون لله الدعوة مستجابة بينة لان قلب على قلب ربي يوفقج وينولج مرادج بحق لا اله الا هو
اهلا بيج وننتظرج صديقة عزيزة بيناتنه,,,,

[فوفو العراقية]

بنات اني دا اعاني صار 3 ايام من تعب ودوخة ونعاس مو طبيعي
ماعرف شنو السبب
بي عيوني تغووش ودايخة ومبية حيل كأني توني حامل وعندي تنساة.