دردشة بنات فلسطين , دردشة حوامل فلسطين , تجمع بنات فلسطين

[Snowwhite-90]

صباح الانوار على عيونكم حبيباتي عيون المها ولولو ،،
هههههه حبيبة قلبي عيون المها والله انا تمام والحمل بفضل الله بخير وهلا جديد بلشت احس بالحركة الي يومين بالخامس :)
وحمودي ببوسك يا قمر ،، طمنيني عنك شو اخبارك وكيف الاطفال الحلوين ،، يا الله قربت سفرتك حبيبتي ان شاء الله بيجمعك باهلك على خير وسلامة وتنبسطي بيناتهم وتقضي احلى الاوقات بحبيبتك وحبيبتنا كلنا القدس ،، يا رب يجمعنا كلنا فيها :))

لولو حبيبة قلبي الف الف سلامة عليه احمد ما يشوف شر الحمدلله انه صار احسن ،، فعلا متل ما حكت ام ادم التبخيرة كتير منيحة للطفل بيشفى بسرعة بفضل الله
انتبهي عليه حبيبة قلبي الجو هاد ممرض كتير الله يعافي اطفالنا ويحميهم من كل شر

انا سهرانة انا وحمودي :) وزوجي كمان هلا صحي ،،صحي المسكين على حلم كله بكاء وزعل

[Snowwhite-90]

انا شاكة بصبية بس مو متاكدة اذا هي او لأ ،، عالعموم الله يهديها ويصلح حالها وينولها الي بتتمناه ،،
للصبايا الي نزلوا صور عالمنتدى ممكن تحكولي كيف نزلتوهم للصور لانه حاولت كتيير بصورة حمودي وما زبط معي مع انه قبل هيك نزلت صور جودي الله يرحمها ونفس الطريقة عملت بصور حمودي بس ما زبطوا ،، شو اعمل :(

[Snowwhite-90]

حبيبتي عيون المها يا ريت قدرت ارن عليكي والله كتييير بحب اشوفك هون واحكي معك ،، بس يا ريت توعدينا انه لما توصلي القدس ما تقطعينا وتبقي تفوتي حتى نطمن عليكي لانه هنشتاقلك كتيييييير

[beboo]

صبااااااح الفل كيفكم

اليوم جاية على معادي بكير اسجل حضور قبل ماينكتبلى غياب هههههههههههههه

وين المديرة تسجل حضورى لهلا مااجت

بدها خصم نص الراتب من شان هالتاخير

[لولو الفلسطينية]

صباح الخيييير
ههه اي حرف ر ناقص عادي لانه الاخ معلق و لازم اطلع بحالي على الكيبورد عشان يرضا يكبس هههه ابصر شو قصته
المهم
ام جودي
يا هلا و الله زماان عنك اشتقنالك يا خلوة
ضلك طلي هيك علينا
عيون المها
احلى ام ادومة و الله
الله يبارك فيكي يا عسل
اها تقريبا خلصت تجهيز .... خلصت كلشي الا السي و الخزانة و الاشي الي بحممو فيه البيبي و هاي القصص
مسك
ويييييييييينك يا الله ارجعي زي اول و نوري الدردشة
انتي اخت عزيزة و غالية علينا كلنا و ما برضينا زعلك
ز بالنسبة لهديك البنت الي انا مش قادرة اعرف مين هيه هههه مخي مش راضي يشتغل الله يهديها و يصلح حالها
انتي عملتي الي عليكي
ما تخلي موضوع زي هاد يحرمنا من طلتك و كلامك الي زي العسل
يللا مسوكة ارجعي زي الاول
نور العمر
وييينك ؟؟؟ تعي طمنينا ولدتي و الا لسا ؟؟ شكلط ولدتي يا بنت .؟؟؟
حيفا
ربنا يكتبك الحمل هالشهر و يجبر بخاطرك ياااا رب
بس خليكي متفائلة
بيبو
هههه يسعد عينو الشطور
يسعد صباحك منووووورة
كل الصبايا الباقيات يسعد صباحكم
بنات بدي اسألكم شغلة
هههه ليش كل الاشياء الي تحت بتوجعني ؟؟؟ عادي و الا في شي غلط هههه؟؟

[~{{ DoDo }}~]

صباح الخيييير

كإني انتبهت انه حلا مختفية ولاكيف ان شاء الله تكون بخير :)

بيبو ولولو يسعد صباحكم نشيطين اليوم باقي ام عبد الله وفوفو

بيبو زمان عنك كيفك وكيف بيان
شو اخبار طمنينا عنكر

لولو كيفك اليوم وكيف البنوتة الامورة
وكيف كان موعدك صحيح مبارح ؟
بالنسبة للاشاياءات اللي تحت
انا ما في جزء من تحترما بيوجعني
الله وكيلك كله وجع وشد ومعاناه الحمدلله الله يهونها



بدي اقوم اشرب شي سخن

[حواء مثالية]

صبااااااااحكم فل كلكم

سلامتكم يارب هانت يا لولو انتي ودودووو


بالنسبة لموضوع مسك انا كمان عارفهاااااا للبنت ومو عارفه شو احكي بخصوصهاااااا لاني بصراحة عمري ما توقعت

[ام عبدالله لولو]

صباح الخير يا صبايا
حواء ودودو ولولو وبيبو يسعد صباحكم يارب
حلا يلا تغالي ان شاء الله يكون راسك اتحسن من الصداع
حواء انا والله صار اعندي فضول اعرف مين بما انو الاغلب صار يعرف خلص احكيلونا مين طيب احكولنا هي بعدها بتفوت اي شي عنها هههههه صارت قضية ضدد مجهول

[~{{ DoDo }}~]

يسعد صباحك حواء
كيفك وكيف عزو وبرلنت
وكيف الحمل معك ان شاء الله تمام

والله انارما قدرت اعرفها طالما بتقولوا من البنات القدام
صار عندي فضول اعرف هههههههه ومش قادرة اعرف او استنتج متلكم

[نور العمر]

صباح الخير صبايا ... كيفكم وشو اخباركم طمنوني عنكم ..؟

انا الحمد لله منيحه ماشي الحال ولسى ماولدت والله يالولو لهلا ما عملتها خخخخخ

يوم التلاتاء موعد ولادتي ادعولي ربي يسهلها مع انو مش حاسه بشي لهلْ ههههههه شكلو مطول ولسى كمان الراس لفوق

ان شاء الله يقلب وقت الطلق لانو ما خليت تمرين يعتب علي ان شاء الله ربنا يغيير الحال ....

ادعولي ربنا يسهلها علي ... ويسهلها على كل الحوامل .. ويكتب الحمل لكل مشتاقه يااااارب ..

انا هلأ عند اهلي برجع بشوفكم ان شاء الله .... سلامي لكل الصبايا مشتاقتلكم كتيرررر ....