● [ تجمع الحوامل اللي موعد ولادتهم في ذي القعدة 1433 ه ] ●

[أم ح ــنونـہ]

انا موعدي مع الدكتوره يوم 16 من الشهر الجاي ميلادي طبعا
بس والله نفسي اروح لها دحين واطمن على البيبي واعرف شو جنسه
مشتاقه كثير اعرف ولد ولا بنت ^^

[3rosajadeda]

ام حنونه انا بكره انشالله حدخل الخامس

وبرضو الغثيان عندي بس صح الحمدلله احسن من الاشهر الاولا

انا الدكتوره مفروض برضو اروحلها دا الاسبوع او الاسبوع الجاي عشان اتطمن عل البيبي واعرف نوعه
بس شكلي بروح بكره عشان بروح الحمام مره كتير وخايفه يكون عندي التهاب ،وعندي غثيان من المويه مااقدر اشربها في احد زيي ؟؟

[أم ح ــنونـہ]

الله يتمم لك على خير يا قلبي
والله انا كمان المويه بتعملي غثيان
بس لازم اشرب في اليوم 8 كاسات لان هيك وصتني الدكتوره
وعلى الحمام حدث ولا حرج لازم كل شوي
بس ما اظن عندك التهاب هالشي عادي حبيبتي

[نسمات هادئه]

صباح الخير كروشآت ..

احس لسه ورانا مشوار الى ذي القعده .. الله يعين ويقومنا بالسلامه

[om rawand]

الله يهون عالجميع يارب ويرزقنا اطفال سليمين معافين

[استغفرالله(مي)]

السلام عليكم
اخبار الكروشات
انا كان موعدي قبل 3اسابيع ودكتوره قالت لي ولد بس قالت مو اكيد نتاكد الموعد الجاي وانا عندي الاسبوع دا اشعه علشان بيتطمنوا على بيبي ومايكون فيه تشوها وكدا يارب يكون سالم معافا من كل عيب ويارب يكون ولد اول مااتاكد راح.ابداء اجهز بس مو عارفه بس الله بيسرها لان بيكون عندي سفر ورمضان وعيد بكون مشغوله وكمان بكون حركتي صعبه الان البطن بيكبر
موعد ولادتي الدكتوره تقول 10/11/1433مو 13صح مافي فرق بس احس ارتحت ههههههنقصو يومين صح مو شرط يكون دا الموعد الفعلي ماندري الله وش كاتب لنا وماندري خير وينه <<<<<<تتفلسف
الحمدلله على كل حال انتوا كيفكم ومن بداء يجهز
.......
سوري انا مارد كثير لاني اقراء من الجوال ومتابعتكم بس ارد صعب من الجوال كل شوي يطير الكلام.

[أم ح ــنونـہ]

ودخلت الشهر الخامس بالسلامه ☺
الله يتمم لنا على خير

[نسمات هادئه]

مي والله جد حتى لو قدموا لك يوم او يوميين احس من جد تفرق وتخليك مستأنسه

على الشهر السادس ان شاء الله راح ابدأ اجهز .. بس ابي اتأكد من جنس المولود مع انه قالت بنوته وأكدت لي

بس برضوا لازم اتأكد مره ثانيه وموعدي بعد اسبوعين ان شاء الله


أم حنونه .. ياااااااارب يتمم لك على خير ..

[زوجه العمده]

هلا كروشاااااااااااااات ..
موعدي اليوم ورحت وعملو لي تصوير لكن قالت مو مبين نوع الجنين ...
الله يسهل انشاءالله ..
مع اني اول اسبوع بالخامس المفروض يبين وواضح

[أم ح ــنونـہ]

نسمات
تسلمي حبيبتي والله يسهل علينا ونولد بالسلامه

زوجة العمدة
ممكن يبين على اول السادس
انا كده في حملي الاول في السادس عرفت نوع الجنين