تجمع حوامل ليبيا

[ميرنا]

ام اسيل ام اسيل ام اسيل
حلفتك بالله ماتاخذى ابرة التفجير نين اتخشى على الدكتورة قبل بس قوليلى انتى ايش خاسر خشى عليها وشوفى الحجم انتى جايتيها يوم الخميس وكان عاشر يوم من الدورة و الحجم 15 واليوم الثلاثاء والله العظيم مافيك حاجة توة تلقيها 20 بس مرات ينفجرن بدون ابرة تفجير وماتلقيهنش لهذا نبيك اتاكدى قبل الابرة البويضة قاعدة او لا

// انخشولك على اسلوب المحاماة بمواجب قرار لجنة قيد التبويض رقم 15 لسنة 2010 والمعتمد من الدكتورة لى تعالج فى ام اسيل ومن امين اللجنة الشعبية العامة لطب ولعدل والامن والتوثيق تحت رقم 15 وعليه حكمت المحكمة على ام اسيل ضرورة التواجد اليوم فى العيادة لمتابعة حجم البويضة قبل الحكم بالاعدام على البويضة رقم 15 وقد حضر شخصيا كل من الطرف الاول ميرنا و حبل الوصل قاعدة تبكى وهاتو اتوتى فى روحها للفرح وام لقمان اتقرى فى اعويلتها وساجدة فى شهرها وباقى الاطراف نوم اصادق على صحة اقولى دون مسؤولية

[حبل الوصل]

ههههههههههههههه ميرنا نجك لينا وخلاص

[ام اسيل]

هههههههههههههههههههههههههوالله ياميرنا دمك خفيف واستنادا الاقوالك انا عديت امس لكتورة اخرى خاطي دكتورة يوم السبت وقالتلي عنجك بويضتين وحدة 15 ووحدة 14 يعني وجدة مازادتش وجدة زادت سموطبعا ما قلتلهش كنت عند دكتورة اخرى وقالتلي تعالي الثلاث في الظهر نشوفو اخرى بس انا لما لقيت انها مازادتش عرفت ان الموضوع فيه اني بس اليوم نايضة النفسية تمام حتى العمل ماعديتش قلت خليني مكسدة مع العيال

[ام اسيل]

ميرنا انتي بتدرسي حقوق من ورايا ولا أيه

[ام اسيل]

حبل الوصل ياسبهاوية ياقوية اليوم نبو نبدو بداية جديدة نكد ودموع امس حوليهن على جنب ومن اليوم عدي اشري ميرمية وبرقوش وابدي فيهن مع الدواء وان شاء الله مايصير الا اللي يسر خاطرك وانتي عارفة في موضوع الحمل اهم شي النفسية الحلوة وانا سامعة ان حتى المرأة الي ماتعاني من اي مشاكل نسبة الحمل في كل شهر من 25ال ى30% فااللي صار عادي وطبيعي وزي ماقتلك مرات التوخيرة هذي نعمة من رب العالمين لو حملت ها السهر كان ممكن يسقط مثلا لا قدر اللله واللي من ربي كله كويس هيا عاد اضحكي وخلي جوك حلو والله ايديا تعبن من كثر الكتيبة

[حبل الوصل]

هههههههههه والله مافيه غيركم يريحنى ويخفف عليا الحمد لله على كل حال ونحاول ناخذ اعشاب لانى قرفتهم بس اليوم نبدا فيهم إن شاءالله نبي نمشي للمراة اللي تعالج مانعرفش انتم شن تسمو فيها اللي تحزمك وبعدين تعطيك أعشاب شن تنصحونى نمشي ولا لا

[ام اسيل]

انا رايي عدي لدكتور كويس وشوفي شن يقولك بس لازم ثاني يوم الدورة عشان كان فيه علاج يعطيه لكي طبعا مع الاعشاب الي ما تضرش

[ميرنا]

ام اسيل
تعرفى ليش البويضة ما كبرتش انتى عندك هرمون الحليب ديرى تحليل لهرمون الحليب واذا كان طبيعى يبقى زيدى جراعة المنشطات
ام اسيل كم اخذتى حبة اكلوميد وهل ركزتى على الكلوميد الاصلى الانجليزى او الفرنسوى حتى وهو غالى اشوية لكن يعطى نتيجة /// اما المصرى ما تقربيه بكل و كأنك تاخذى فى اميه ما فيش فائيدة
انا اخذ فى الكلوميد كل يوم حبة لمدة 9 ايام من اول يوم فى الدورة ومعه نولفادكس *ايظا كل يوم حبة لمدة 9 ايام مع مجفف هرمون الحليب واذا كان سيبت المجفف الحليب التبويض مايكبرش

[ام اسيل]

المشاركة الأصلية كتبت بواسطة ميرنا

ام اسيل
تعرفى ليش البويضة ما كبرتش انتى عندك هرمون الحليب ديرى تحليل لهرمون الحليب واذا كان طبيعى يبقى زيدى جراعة المنشطات
ام اسيل كم اخذتى حبة اكلوميد وهل ركزتى على الكلوميد الاصلى الانجليزى او الفرنسوى حتى وهو غالى اشوية لكن يعطى نتيجة /// اما المصرى ما تقربيه بكل و كأنك تاخذى فى اميه ما فيش فائيدة
انا اخذ فى الكلوميد كل يوم حبة لمدة 9 ايام من اول يوم فى الدورة ومعه نولفادكس *ايظا كل يوم حبة لمدة 9 ايام مع مجفف هرمون الحليب واذا كان سيبت المجفف الحليب التبويض مايكبرش

ميرنا انا درت تحليل الحليب من خمس ايام طلع 27 والكلوميد الي ناخذ فيه توا شفته لقيته فرنساوي فيه عشر حبوب بتسعة جنيه ونص والنص قبل الجنيه وخذيت ثلاث حبات في اليوم منثاني يوم الدورة لمدة سبعة ايام والحبوب متاع التجفيف سيبتهن امس واليوم عديت الدكتورة لقت البويضتين وحدة 18 والاخرى 17 ونص وقالتلي كويس وعطتني الابرة وقالت خشى للفراش الاربععاء والخميس وانشاالله خير وانتي خذيتي ابرة ولا لا انشاء الله ها الشهر انا وياك وحبل الوصل كلنا توامة
و

[ام لقمان]

السلام عليكم ورحمة الله وبركاته
كيف حالكم اليوم؟
وينك ياساجده شورك عملتيها من ورانا
كيف حالك ياميرنا؟
شكرا على المعلومات
ماتنسونى من الدعاء