تجمع حوامل سوريا-دردشة ورود سوريا-دردشة الغاليات

[وردة سورية]

هلا هلا جوري
نورتي
الله يسمع منك يارب ويرزقنا الذرية عن قريب
انا هالشهر والعلم عند الله ما راح يصير حمل لانو عم باخد منظم للدورة بس ان شاء الله البنات يبشرونا بحملهن
في سلايف منيحات
انا عندي سلفتين انا اصغر وحدة كمان
بس سلفتي الكبيرة كتير منيحة ومتفئين انا وياها
والتانية كمان ما شفت منها غير غيرتها بتغار بشكل جنوني
صرت حب الغربة والله لانو بتريح الراس من المشاكل وبتكوني بعيدة عن القال والقيل

[وردة سورية]

ههههههههه شفتي هي عالفيسبوك عجبتني
سورية بخير وخلصت
.
.
.
.
... .
.
.
كيلو القهوة صار ب700
بلاها أصلاً هي مضرة بالأعصاب وأعصابنا من غير شي تلفانة....
...
وصحن البيض ب300
بلاه أصلاً بيعمل كوليسترول.....

وكيلو السكر ب 100
بلاه مشان السكري....
...
والبنزين ؟؟
بلاها التنبلة وحركوا جسمكن وخلوه رياضي وخدوها تمشاية.....

... والمازوت ؟؟
ماعادت محرزة خلصت الشتوية....

وعزيزتي البنت طمني قلبك وريحي بالك جوزك مستحيل يفكر يتجوز وحدة تانية
باعتبار غرام الدهب 4500.....

وسوريا بخير ....

[زهرة الحب]

تسلمي ياجوري بدي أقلك شغلة أبنك العسل يزونة عم يعطي لاحته على بنت وهيك بقول النسوان أنو أذا الصبي عاطي لاحته على بنت بعده أكيد بنت يارب بس حملتي تجيبله أخت ومبروك عالبيت ويارب تشوفي الخير عليه
وردة صحة وألف هنا
هدولة حبيبتي الله يسمع منك ويارب يتمملك حملك على خير أنتي وكل البنات

[hadeel al rouh]

وردة عادي اذا بدو يصير حمل منظم الدورة مايأثر عليه انا بالشهر الي حملت فيه كنت عباخدوه وبالعكس بثبت الحمل ‏

[وردة سورية]

هدولة ان شاء الله يارب
وعم باخد كلوميد كمان
بتعرفي والله تعقدت من كتر الادوية
ربي يعين

[وردة سورية]

بنات انا فطست من النعس هههه
يلا بشوفكن على خير ان شاء الله

[jorri sham]

ورده هههههههه حلوووة كتير تبع سورية بخير كل هاد وسورية بخير هههه
زهورتي الله يسلمك ياعمري ويبارك فيكي تسلمي
انا جعبالي جيب بنوتة بعد زونة وبصراحة جعبالي احمل بعد مايصير غمر زوتة 9شهور او سنه بدي جبلو اخ او اختت يتسلى معوه مشان مايديئ خلقو وبعدين بوقفلي كم سنه حبل وﻵ شو رأيكن كمان انا كتير بحب الحمل جدا أ من انا بنت قلولي بقى شورأيكم اناهلئ عاملة مانع طبيعي

[زهرة الحب]

والله أنا مابنصحك لأنو رح تتعبي كتير ولدين بدهن يصيروا متل التؤام وبعدها رح ينحرم يزونة من حنانك ودلالك اله حرام عطي كل ولد حقه بالاهتمام انا هيك رايي

[زهرة الحب]

الله يعينا وشكرا وردة فعلا ثورية بخير................
ههههههههه

[وردة سورية]

صباح المجد والحب والعطاء ..
صباح الإنبثاق والتشكل على روح لا ترى إلا الأمل بالله طريقا ..
صباح الأرواح ..الأوطان ، والأرواح المسافرة إلى الوطن ..
صباح التــــــميز رغم الصعاب ، صباح التفاؤل رغم المحبطات ..
صباح الثــــــــقة بحب الله، بلطفه ، برحماته ، ونوره ..
صبـــــــــــــــــــــــــــــــــــــــاح الخــــــــــــــــــــــــــــــير. :)



مع أنو لسى ما شافت عيوني النوم مو عارفة شو صيرلي اليوم بس حط راسي على المخدة بطير الناعوسة مين عندها منوم تشحدني بلكي بنام