دردشة حوامل مصر - دردشة بنات مصر - تجمع حوامل مصر

أم إياد · 03-07-2011, 01:29 AM

السلام عليكم ازيكم يابنات
ايه ده دخلت على سيرة الزعل من اجوازنا ههههه
تصدقوا انا كمان زعلانة ومتخانقة مع احمد اصل اخته متصلة بيا تقوللي اعملي تحاليل قصدها يعني على وفاة الولد قبل كده ...
انا اصلا عملت تحاليل كتيرة الفترة اللي فاتت من بعد الولادة وماعنديش حاجة وكل الدكاترة قالوا الوفاة بسبب عيب من الولادة..
أنا بأتخنق ونفسيتي بتتعب لما حد بيلمح ان انا السبب في وفاة الولد وكده والمفروض اعمل تحاليل ده طبعا كلام حماتي وبناتها من يوم ماولدت..
بعد المكالمة مسكت في احمد واتخانقت معاه عشانها
وانا دلوقتي مقمووووصة هه

أم نورين2012 · 03-07-2011, 01:30 AM

أنا يارانيا ماشفتش والله تعبت من اللبيعملوه قولولي هي جمعات أسكندريه والمعاهد لسه مابدأتش

Rania Negm · 03-07-2011, 01:34 AM

اقتباس:

المشاركة الأصلية كتبت بواسطة أم إياد

السلام عليكم ازيكم يابنات
ايه ده دخلت على سيرة الزعل من اجوازنا ههههه
تصدقوا انا كمان زعلانة ومتخانقة مع احمد اصل اخه متصلة بيا تقوللي اعملي تحاليل قصدها يعني على وفاة الةلد قبل كده ...
انا اصلا عملت تحاليل كتيرة الفترة اللي فاتت من بعد الولادة وماعنديش حاجة وكل الدكاترة قالوا الوفاة بسبب عيب من الولادة..
أنا بأتخنق ونفسيتي بتتعب لما حد بيلمح ان انا السبب في وفاة الولد وكده والمفروض اعمل تحاليل ده طبعا كلام حماتي وبناتها من يوم ماولدت..
بعد المكالمة مسكت في احمد واتخانقت معاه عشانها

وانا دلوقتي مقمووووصة هه

وعليكم السلام ام اياد

سبحان الله حتى لو كان فيكى سبب هو ده اللى سبب الوفاة

لا اله الا الله هو انتى اللى جعلتيه ولا ربنا ؟؟؟؟ ولا يهمك ولا تاخدى الموضوع بحساسيه وردى عليهم بهدووء

وانا لما بتجيلى هواجس واقلق اذكر نفسى بحديث انا عند حسن ظن عبدى بى ان ظن خيرا فخير وان ظن شرا فشر .... انتى ظنى الخير وحطى فى بطنك بطيخة صيفى عشان ثقتك فى ربنا كبيرة

Rania Negm · 03-07-2011, 01:35 AM

موش عارفة ياميرى والله تقريبا بدأت كلها خلاص اه

أم إياد · 03-07-2011, 01:35 AM

معلش يابنات كالعادة هاستأذن واسيبكم عشان انام لازم اكون في الكلية الساعة 9الصبح عندي شغل كتييييييييير وهأخلص الساعة 7مساء يعني على ماارجع البيت هتكون 9مساء
بالله عليكم ادعولي كتير دايخة اوي في الحمل ومصدعة مش عارفة هأقضي بكرة ده كله ازاي

Rania Negm · 03-07-2011, 01:36 AM

الله يعينك ام اياد ويقوييكى يارب

توتة السيد · 03-07-2011, 01:38 AM

بالله عليكي يارانيا بتقولي مخنوقة واحنا كذلك وهتجبيلنا سيرة اللي هيخنقنا اكتر سيبك سيبك

Rania Negm · 03-07-2011, 01:39 AM

طب ما طالما كلنا مخنوقين ماتيجو نطلع خنقتنا على بعض !!!!؟؟؟؟

أم إياد · 03-07-2011, 01:39 AM

والله يارانيا نفسيتي تعبانة اوي من بعد المكالمة وعمالة اعيط .. قلبت عليا المواجع وكمان بقر ع الحمل ده
انا عينيا ورمت من كتر العياط مش عارفة هاروح الكلية بمنظري ده ازاي الله يسامحهم بيشككوني في نفسي خلوني كرهت نفسي وكرهت الخلفة

المهم انتم عاملين ايه؟
ربنا يهدي سرنا جميعا ويتمملنا حملنا بخير ويفرحنا بالذرية الصالحة

توتة السيد · 03-07-2011, 01:40 AM

ربنا معاكي ياام اياد خدي باللك من نفسك وماضيقيش نفسك سيبك منهم