دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

اموورة وكتكوتة · 10-17-2010, 10:05 AM

بكرة ان شاء الله لما تصيري بالشهور الاخيرة ما حتنامي مرررررررررره

يا من التفكير والخوف من الولادة او شد عضلي بالرجول مرررة يقهرني او حرقة او جوع وحالة كل يوم كدة نوم متقطع..

استمتعي دحين بالنوم غنوجة على راحتك وعلى قولك لازم اتدلع دحين قبل ما يروح عليا هههه

غنووجه · 10-17-2010, 10:11 AM

ماتشوفي شر ياحبي والي يبى الدحى لايقول ..........
هههههه اتستمتع مين وانا معايا وحده ماتنام بسم الله عليها والله عزاب خصوصآ في الشهور الاولى مااقدر افتح عيوني وبنتي فايقه تحشر نفسها عندي ويجيها لعب الدنيا كلو في داك الوقت الله يسعدها
بس بنتي تنفعلك نومها قليل زيك يبالي اجيبها عندك وقت ماانام ايش رايك

دلوعة سمسم · 10-17-2010, 10:19 AM

صباح النورياحلوين واللة صادقة ياامورة النوم الحمد للة زي الزفت من امس العصر وانا صاحية الى الان مانمت بس ابسألك من متى تبدأ الدكتورة تهتم لوزن البيبي لان الشهور اللي فاتت كنت اسالها تقول مايهمنا واليوم عندي مراجعة وانا في السابع اسألها ولا لسى؟

اموورة وكتكوتة · 10-17-2010, 10:26 AM

مرحبابك حبيبتي انتي وبنوتتك ربي يحفظلكم هيه.. انا فكرتك بكرية زي حالتي ههه.. الله يكون معاكي

دلوعة سمسم حرام عليكي النونو لازمو راحة لازم تنامي شوي على الاقل وبالنسبة لسؤال الوزن جيتي عند اللي ما تعرف شي انا بكرية ياقلبي وعمرو ماخطر في بالي السؤال ده ..يبغالي والله اسال*

دلوعة سمسم · 10-17-2010, 10:49 AM

معاك حق امورة اذا انا اللي ولدت قبل ناسية متى بدأت الدكتورة تهتم للوزن مو انتي البكرية وبالنسبة للنوم خليها على اللة ولدي زي حالة بنتك ياغنوجة اجل نبغي نخليهم يسهروا سواء واحنا نناااااااااام

غنووجه · 10-17-2010, 10:52 AM

اموووره ماكشفتي بنت ولا ولد؟؟

غنووجه · 10-17-2010, 10:53 AM

ههههههههه احلى شي يادلوعه يسهرو واحنا ننام كم عمر ولدك ماشاء الله

غنووجه · 10-17-2010, 11:01 AM

شكلوووووو مافي احد غيري طفشت

دلوعة سمسم · 10-17-2010, 11:11 AM

ولدي عمر سنتين وثلاثة شهور وشايلة همة اذا ولدت من الغيرة اللي فية انتي كم عمر بنتك اللة يحفضها

لمسة أمل · 10-17-2010, 11:56 AM

سلاااااااااااااام يا أحلى كروشات

كيفكم

ماشاالله على هالتجمع.. معروف عن بنات مكة نشيطات ربي يحفظهم

نانا .. الله عليكي يا حلوة .. اش الحركات الصعبة ديه اللي سويتيها لفهودي.. طب كان قلتيلنا من أول عشان نعمل حسابنا ونجهز لحمودي كمان

قمر ليالي مكة.. يعطيكي العافية على التجمع.. ربي يجعله في موازين حسناتك.. وإن شاالله ماراح ننقطع ونستمر هناك... وبوسيلي النونو

دلوعة سمسم.. لسة بدري عليكي تسألي عن وزن البيبي.. لما تكوني في نص الثامن الدكتورة بنفسها راح تقول لك وزن البيبي عند كل زيارة.. وفي الشهر التاسع راح يكون موضوع وزن البيبي مهم جدا لأنه راح يحدد الولادة.. وربي يقومك بالسلامة