تجمع حــوامل التوائم

[نورة نايف]

اولا :لوازم شنطة المستشفى

1- قميص الاستقبال ......كل وحده واللي تلبسه للاستقبال انا عن نفسي قميص قطعتين

2- شبشب لك عشان تكشخين فيه وانا باخذ طقم مع الروب

3-شنطة صغيره ( مثل اللي نستخدمها للميك اب ) نحط فيها ...: منظف البشره -- كريم للوجه واليدين

---- عطر خفيف ----مشط شعر مع ربطه --- فرشة اسنان مع معجون ----مقص اظافر للحاجه

4- (مره ) ضرووووووووووووريه مع مسكن للالم للحاجه

5- سنتيانات الرضاعه ......غيارات داخليه ......قميص قطني مريح للتغيير

6- شاحن جوووال خخخخخخخ

7- بطانه الرضاعه القطنيه اللي تنحط بالستيان .......كريم لتشقق الحلمات يالله يالله نبدا من الحين

8-كاميرا فيديو و عادي -- شراريب --مرطب شفايف --فوط صحيه

9- علبه فيها كمون ودارسين لانك ماتدرين متى اهلك بيجون

لذلك هم يعطونك براد صغير مويه حطي فيها الكون والدارسين ......يرييييييحك مره

اغراض البيبي

بربتوزات

بدل

لفات

بطانيه

قبعه

حفايظ

واضيف من عندي .....مناديل تنظيف من تحت ....يفضل غير المعطره

كريم للحفاظ ....فازلين او سودو كريم

مصااااااااااصه للي ناويه تستخدمها بعدين ....يالله يالله يتعود

رضاعه صغيييييره للحاجه


هذي كلها للمستشفى ......والله يقومنا بالسلامه اجمعين

الحين التجهيزات اللي بالبيت

ثانيا : لوازم النفاس

الشخصيه .........فوط صحيه

حفاضات الصدر عشان ادرار الحليب

ملابس داخليه قطنيه ......وبنطلون او شورت

كريم تشققات الصدر .....وفازلين .....كريم ميبو رااااااائع للخيوط


اغراض الحمام ......مره ....ارطا .....ملح خشن ......مطهر للمنطقه خفيف

الاكل والشرب

التمر مع الرشاد ( تمر تشيلين منه النوى وتعجنينه معه ملعقه كبيره رشاد وسمنه وشويه حبة البركه مطحونه وتقلبينه شوي على النار )

المردود ( حلب ...سكر نبات .. حبه البركه ....محلب ....يانسون ....شمر .....رشاد غير مطحون ....قرنفل )

مره مع عنزروت ( علبه زجاج تملينها لتر ماء حااار وتحطين فيها كسرة مره مع ملعقع كبيره عنزروت ) واذا بردت حطيها بالتلاجه وكل يوم الصبح تشربين منها تقريبا نص كاس

تجهزين نفسك بشوية اغراض مهمه

.سمنه بريه زينه

عسل طبيعي

طحين بر من النوع الممتاز

بيض بلدي اذا توفر

حليب من النوع الممتاز ويكون منزوع الدسم افضل

طبعاالاعشاب ..(الرشاد ...وحبةالبركه ....القرفه ....اليانسون ....الكمون ....الزنجبيل ...المسمار ....قهوة مسمار او قشر )

[نورة نايف]

قائمة الممنوعات من الاكل والحركات

بشكل مبسط ....يمنع الجوع منعا باتا وهذا متعارف عليه لدى الكل

ممنوع الاكلات اللزجه ملوخيه وباميه البصل والشمام والبطيخ وبعضهم يمنعون الباذنجان والجريش لانهم يسببون غازات

عدم شرب الماء بكثره ......هذي ماني متأكده منها ناس وناس على حسب الجسم

ممنوووووووع المشروبات الغازيه والسكريات ولاااا تكثرين من الحلا عشان السكر وزيادة الوزن ويجيب الخمول للجسم

ممنوع الحركه العنيفه وحمل الثقيل وصعود الدرج بكثره

ممنوع المشي حافيه وخاصه على السيراميك ....والتعرض لتيارات الهواء والبرد

ممنوع التنقع بكثره وان حصل فلا يزيد عن عشر دقائق

العطس والكح ....بس هذا مالنا يد فيه خخخخخخخ

ممنووووووووووووووووووووووع البخور بكل انواعه بالنفاس من تعطر وغيره ....( امي تمنع حتى الكبو لانه يدخل هوا ....تفضله بعد النفاس والدوره)

الجلوس بهدوء ورويه بدون عجله ويفضل وضع المخدات خلف الظهر وتحت الركب


****************************** ****************************** *****
.. ما يفضل فعله في فترة النفاس

اولا واهم شي انتم تدرون اننا مالنا صلاة والنفسيه خياااااااااااااااااااااااااااس .....فاحرصي اختي على تشغيل القران عندك ولو بصوت منخفض

احرصي على الاستغفار طوووووول الوقت فهو يشرح القلب والصدر ويهون عليك

الاذكااااار لاتنسينها طول الوقت ..والتسبيح والتهليل

ثانيا لصحتك وصحة الجنين اذا صارت الساعه 9 .....افتحي الشباك وخلي الشمس تدخل عليك وعلى ولدك وخليها على جسمك شوي هذا مهمممم لصحة عظامك وعظام الجنين كما انه يعالج الصفاااار اللي يجي للاطفال

خلي لك وقت الظهريه او العصريه تحطين لك زيت بشعرك ولا خلطه بجسمك (( هذا للي موب عجازات ))

لاااااااااااااا تكثرين من التهوله والمظااااااهر وتكليف نفسك فوق طاقتها ...كل وحده واللي تقدر عليه (لايكلف الله نفسا الا وسعها ) اهم شي الاستقبال الحسن والبسمه الطيبه وقدمي اللي تقدرين عليه
وكثر المظاهر يجيب لك التعب والموضوع ما يخلى وانتم سيد العارفين

اذا تقدرين حطي لك غساله صغيييره زي اللي بجيان وبنده ....حطيها بالحمام واغسلي غسيلك اول باول
اريح لك .....اذا عندك شغاله تعتمدين عليها خير وبركه

حااااولي تنامين بدري مع طفلك اريح لنفسيتك وجسمك


نصااااااااااااااااائح ذهبيه للراحه البدنيه

اذا كنت ممن يشكون الالم الكثي الزائد عن الحد فلا تترددين باخذ المسكنات من بندول وغيره

استخدمي القربه او الكماده الساخنه لتخفيف المغص في البطن او من تحت تحطينها وتجلسين عليها
او على اسفل ظهرك ......تريييييييحك مرررره

افتحي الدش على الماء الدافئ واجعليه على صدرك مع التدليك الخفيف ....وذلك لتخفيف الالم وادرار الحليب .....واستخدمي كريم طبي لدهن الصدر لمنع تشقق الحلمات

اذا احتقن الصدر والطفل نائم او غير جائع او رفض الرضاعه فالجئي للشفط لان احتقان الحليب يؤذي الصدر ويسبب ارتفاع الحراره

لااااااااااااااااا تنسين اهمية شمس الصباح لك ولطفلك

اذا توفر عندك احد يمسك الطفل فاستغلي الفتره لنوم عميق لتتعدل نفسيتك ويرتاح جسمك

****************************** ****************************
خلصنا تجهيزات ونصايح ...............نجي لنظام الاكل


الفطور ....( من 7 الى 10 )

على الر يق ....تمره مع رشاد تؤخذ مع أي شي حار ...قهوة نفاس او حليب دافي
بعد ساعه .....حلبه باي طريقه تعجبك ....وهي تؤخذ بالعشر الايام الاولى فقط

بعدين الفطور اللي يعجبك::

مصابيب مع عسل

عصيده او محلى او حنيني او فريك

خبز بر مع عسل وبانكيك بر وحلاوه طحينيه لانها تدر الحليب بس لاتكثرين عشان السمنه

الظهريه ......تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ )وممكن تخلطينهم لو حبيتي ..............تجنبي الميراميه لانها تنشف الحليب

اللهوم ....او السفوف

يابناااااااااااااااااااات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده .....خااااااااااصة الرشاد

اللهومات كل وحده وطريقتها بس هي تؤخذ في الصباح والمساء

فيه نصيحه لكم ياحلوين ....اذا تأثر الطفل باللهوم اقطعيه فورا ......يعني مثلا يسبب له مغص او استفراغ او سهر وعدم نوم

الغداء......

مرقة اللحم ....مهمة جداا ترم العظم وتقوي الظهر وتدر الحليب ....يخلط معها شوي لهوم او حلب

ممكن مطازيز او مرقوق او قرصان

صحن سلطه خضرا

ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
طماطم....ترشين عليه ماش مطحون او تطبخين معه شوية حلبه وتاكلينه مع خبز بر....او شوية رز للي يموتون بالرز وما يستغنون عنه خخخخخخخخ....لاتطالعون فيني انا ما احب الرز

بس ابتعدي عن الممنوعات


****************************** ****************************
العصريه والمغربيه

اشربي شاي الاعشاب

اشربي عصيرات بس لاتكون بارده

كولي فاكهه بس لا تقربين المحظورات

ممكن قهوة قشر او قهوة مع نونخه وقرنفل مع تمر ..................حطي مع القهوه اول فنجان مره بس لاتكثرين

****************************** ***************
العشاء

زي الفطور ......او اذا حابه شوربه من أي نوع مع سلطه وكاس حليب منزوع الدسم

ممكن دجاج مشوي مع الشوربه .....وحطي مع الشوربه ملعقه صغيره لهوم حق الشوربه

ممكن حنيني او فريك .....اللي تشتهيه نفسك

ممكن وجبه سريعه بس لا تعلمين احد كوليها بالدس بدون ماحد يدري خخخخخخخخخخخخخ

يااااااويليييييييييييييييييييي ييه الحين بنطق


****************************** ************************


المغاصس والمره والتحاميل


المره والعنزروت ...مع القهوه احسن شي كل صبح وعصر .....بس بالفنجان الاول ولا تكثرين

المغاطس تجلسين بالمويه الدافيه مع الملح لمده لاتزيد عن 10 دقائق

التحاميل كل وحده وراحتها ,,,,,,,

فيه ناس تفضل الشعبيه

وناس تفضل الطبيه

وناس ما تستخدمها ابدا

كل وحده ورغبتها ......بالنسبه لي استخدم الطبيه بعد النفاس مباشره او بالايام الخيره فقط

الغسول .....

.....يغلى الماء والارطا ( ما اعرف له اسم ثاني ) مع ملح خشن ...بكميه تكفي اسبوع مثلا

وبعدين يصفى ويوضع في الحمام وتتشطفين فيه مره الصبح ومره بالليل

[نورة نايف]

****************************** ****************************** ****

اتمنى يعجبكم النظام وتستفيدون منه ..........ودمتم بالف صحه وعافيه

والله يعينكم على الواء واء

وحبيباتي ترا كله باجره عند رب العالمين .......فاحتسبو الاجر

[أستاذة ذوق]

المشاركة الأصلية كتبت بواسطة زود الغلا

توامي فرحة عمري
حبيبتي لا تستعجلين على الولادة مدام تحملتي الحمل والثقل كملي لما يزيد وزن البيبيات والله يعينك بصراحة انا حييييييييييل خايفة من سالفة الوزن .

تعالي انت باي شهر ؟؟
ترا عادي يمكن سالتك قبل هالامرة بس مخي ضاربة فيوزاته من الحمل .

زود الغلا
انا بالشهر الثامن بنصه تقريبا

[أستاذة ذوق]

أم عيالها
لسه بدري مايحددون من الحين طريقة الولادة
ماتدرين التوأم بيستقرون على أي وضع
يعني بالثامن او التاسع يمكن يقررون خلاص


قمرين2
حيــــاك الله معانا
وواضح انك متابعة باستمرار للتجمع صح

[زود الغلا]

مساء الخير عليكم
شلونك ياختي ....نورة نايف والله انه عليك مواضيع عجيييييبة ...انا عن نفسي ما اطبق اكل النفاس نهائي وباخر ولادة قالتلي الدكتورة لا تاكلين اللهوم مو زين وامي الله يحفظها تقول ماعليك منها ماتفهم شي .... وبصراحة انا ما احب طعمهم بس اللهم الرشاد اكلة عشان الامساك الله يعزكم بصراحة عجيب .

[زود الغلا]

ام عيالها
الدكتور الشاطر مايخرع الوحدة بسم الله تو الناس اصلا احنا كلنا ندري اذا الطفل معترض عملية وانت الحين بالسادس يعني بيلفون الف لفة مني لشهر التاسع وهالدكتور مدري ليش مستعجل على التخرع بدال ما يطمنك يخرعك ... انا بعيالي كنت اراجع عند دكتورة شاطرة وانا بالحمل كان واحد من عيالي كلية اكبر من الثانية ولا تكلمت يوم سوت سونار بالشهر الثامن صارت الكليتين كبر بعض بس كل مراجعة تصر انها تسويلي سونار ولما صار كل شي تمام قالتلي بس من قبل ما كنت ادري الحمدللة لانها ماكانت تبي تخرعني .

[أستاذة ذوق]

المشاركة الأصلية كتبت بواسطة نورة نايف

مساء الخير توامي وقفت عني الالام بعد الابر والام الطلق مغص في بطنك ووجع في ظهرك

انا يجيني نفس هذا الألم الله يستر اجل هذا الطلق
حتى اليوم جاني وقمت من النوم ابكي الألم ماسكني من بطني وظهري وجوانبي
يعني تتوقعون قربت ولادتي ؟؟

مشكوووورة نورة على الفوائد للمقبلات ع الولادة

[زود الغلا]

توامي فرحة عمري شلونك يا الغالية والله يهون عليك ما باقي شي على الولادة اشبعي من النوم والراحة وراك وسهر الله يسهل عليك يارب متى اوصل التاسع واشوف عيالي كبار وعدي مرحلة النفاس على خير .

[أستاذة ذوق]

ام عيالها
عادي وزن بيبياتك مناسب للسادس
وكل الموجودات هنا توائمهم مختلف نموهم التوأم يجون كذا
انتي عادي الفرق بينهم 100 جرام لكن انا الفرق 300 جرام تخيلي
ومع كذا الدكتوره قالت عادي اوزانهم حلوة ونموهم مناسب