.·¤ تجمع الحوامل اللي ولادتهم في محرم¤·.

[عيش الحياة]

المها
انا ولدي كل يوم ضرب على بطني والله اني احوال انتبه بس احيانا غصب عني مره رفسه ومرة يطيح فوقي واحيانا وانا نايمه مدري ايش يسوي في بس الله الحافظ لو جلست اوسوس راح يصير شي ليا وحسوي حالة نفسيه ليا وللبيبي

وانا هذا الحمل على الله اولو نزيف وبعدين مشيمة متقدمة ودحين فايروس من الجو وبطني لسا تعورني من الفايروس الله يحفظ وبرضو خايفة يوصل الفايروس للبيبي غير ادوية العلاج والفطريات المهبلية يارب لك الحمد
ادعو ليا لما تفتكروني

[سيدرا الفهد]

مشكورات حبايبي مون وعيش الحياه الله يسعدكم

سلامتك أختي عيش الحياه ماتشوفي شر حبيبتي

[سيدرا الفهد]

أختي موووون فين تراجعي عند اي دكتوره في مكه

[االـ م ـهـــااا]

عيش الحيـآه آلله يعينك والله يحفظ جنينك من كل شـــر ان شـآء الله ..

[Marawy]

بنات شلونكم ؟؟ شخباركم مع الويكند ،، ما صار عندي وقت ادخل هاليومين ،، منشغله بزواج اخوي ،، ونحضر التجهيزات ،، وحشتوني ووحشتني سواليفكم ،،

راح احاول ارد على اللي اقدر عليه من اللي فاتني ،،


شمس الضحى ياهلا بج ،، وربي يتمم لج على خير يارب ويقومج بالسلامه ،،


عيش الحياة ،، ماعليج شر يالغاليه ،، بسم الله عليج ،، اهم شي حاولي تاكلي والا يحطوا لج سيلان مغذي يعوض جسمج بدل السوائل اللي فقدتيها ،، وتطمني وطمنينا على البيبي ،، وماعليه شر ولدج ،،

ام ليان ،، لا تضايقين نفسج ،، حاولي تشغلين نفسج عن كلامهم بأي شي تحبينه ،، كلام الناس لو له قيمه ما كان انباعت الجرايد والصحف بريالين يالغاليه ،،
قطي كل شي ورا ظهرج ودام انتي وزوجج متفاهمين ومرتاحين خلاص ما في حد له دخل ،،
ورأيي من رأي ام ريم وانا المستحيل و شولولي ،،
ام ليان البنات لما عاتبوج وكلموج لأنهم حاسبينج اخت عزيزه وغاليه لاغير ،! مافي داعي تزعلين ،! خلي بالج طويل وروحج رياضيه ،، وطبعا مثل ما قالت الاخت المها ،، دام التفاهم موجود ماعليج من كلام الناس ،، والبنات خايفين عليج لا اكثر ولا اقل ،، انا ثلاث ارباع صديقاتي شيعه ،، ولما صارت الازمه في البحرين كلهم قلبوا علينا وصرنا احنا وهابيه وكل شي فيننا غلط !!

كل القصد هم ينصحونج وخايفين عليج ،، لا تتحسسين من كلام احد لأن اساسا موضوعج حساس !

روح الورد ،، صح كلامج والله ،، كثير البيبي يتأثر من زعل الام ،، ولاحظت هذا في الشهر الثالث لما صار لي ظرف وكنت ابكي كثير ،، يومها حسيت ان مافي نبض لما امسك بطني كالعاده ،، ولما رحت سويت سونار ثاني يوم شفته فديته كان يحرك يداته ويحطهم فوق راسه ،، ربي يحفظه ،، وشفت كذا مقطع في اليوتيوب يبين شلون البيبي يبكي مع بكاء امه وهو داخل رحمها ،، سبحان الله
وعلى قولة امي ،، لو الام تسمع صوت ولدها وهي حامل كانت شقت بطنها وطلعته ،، لانها ماراح تقدر على بكاءه ،،

ربي يحفظ لج البنات يارب ،، ويسهل عليج ،،
ويبعد عنج كل هم يارب ،،

انا المستحيل ،، ماعليكم شر ان شاء الله ،، اجر وعافيه يارب ،،


ام اسكندر ،، اتوقع تقدرين تروحين هالاسبوع ،، انا بروح يوم الثلاثاء من هالاسبوع عشان اتأكد من جنس البيبي وبتأكد من صحته بالاول ،، وراح اسأل الدكتورة كم سؤال بخصوص السفر بالسياره وروحة البركه والشاليه ،، لأني معزمه اروح مع اهلي بيوم الجمعه ان شاء الله ،،


وفكره حلو ان تحجزين شاليه لذكرى زواجج ،، ربي يتمم لج على خير يارب ،،

بالنسبه لقناة ام بي سي ،، اتوقع القناة بس مجرد تشتريه ،، بس فعلا لو مثل ماتقولين حرام بيكون هذا اكبر خطأ ،، وعمر بن الخطاب رضي الله عنه راح تظل هيبته ورجولته مثل ماهي ،، مستحيل يغيرها مسلسل ،،


وردة الجوري ،، اتوقع عادي ،، لأن الحال من بعضه ،، اوقات قليله اللي احس بالحركه !! وصايره كثير احاتي وافكر ،، الله يستر يارب ويثبت حمل كل وحده بالتجمع ،،

المها ،، فديته ربي يحفظه لج يارب ،، يحب المانجو ،،
ايوه اجلي الفور دي وخليه للسادس ،، انا بسويه بالسادس ان شاء الله عشان تكون ملامحه بانت ،،
ربي يحفظ لج بنتج يارب ،، تتدلع على حلها ،،


هدوء الماضي ،، اللي يجي من الله حياه الله ،، بنت او ولد كلهم حلوين ،، انا نفسج بخاطري بنت وزوجي بخاطره بنت ،، بس احساسي يقول ولد ،، واكيد راح افرح به مثل البنت ،، لأني انتظرت هالحمل مده طويله ،، ان شاء الله اعرف جنس البيبي يوم الثلاثاء ،، وحشني فديته ،،

اللهم سترك وعفوك ،، فديتج اكلي زين غذي روحج والبيبي يحتاج للاكل ،، وخلي في بالك ان لو ما تغذيتي راح ياخذ منج حاجته ،، عظامج واسنانج راح تتضرر كثير ،، ربي يشيل عنج كل هم يارب وترجعين بصحتج ووزنج ،،


العنود ،، ماعليج شر ان شاء الله طمنينا عنج يالغاليه،،

بروبراري ،، ربي يسهل عليج ولادتج ،، بس خرعتيني ،، احنا يادوب في الخامس والرابع ،، هذا تجمع اللي ولادتهم بمحرم ،،

ام نور وحمود ،، ربي يهدي الجميع ،،

شولولي ،، اي شفت اعلانه هالمسلسل ،، وودي اتابعه ،، ان شاء الله ربي يبلغنا رمضان ويقدرنا على صيامه ويعيننا على الحر يارب ،،

اعز الناس ،، ربي يعينج يارب ،، ويقدرج على الصيام ،،


حنين ،، تتربى بعزج البنوته ،، وفعلا احس ان هالمرحله راح تكون من احلى المراحل في حياة كل وحده فينا ،، خصوصا لما نتذكر المعاناه والالم والفرح وكل شعور نحسه ،، وفكرة الواتس اب حلو كثير ،، ياليت نطبقها ونسوي تجمع لنا بالواتس اب ونتواصل ويكون اسهل للتواصل بالصور ،،

مامة اولادي. ،، فديته ولدك صغير على هالتعب والشقى ،، الحمدلله رب العالمين على سلامته ،، وانا رأيي من رأي صديقاتج ،، لأن فعلا هالجرثومه ممكن تكون في اي مستشفى ،، خلي املج بالله كبير وتوكلي على الله ،، لأن إذا الله كاتب يصير للبيبي شي راح يصير حتى لو ولدتي بالبيت لاسمح الله ،، ربي يسهل لج ولاتج يارب ويقومج بالسلامه انتي والبيبي ،،


نوقا،، ربي يسخر لج زوجج ويهدي بالكم يارب ،، ممكن نفسيتج تعبانه مع الحمل والتعب ،، وخصوصا ان الحامل تكون حساسه بزياده ،، هذا طبيعي اتوقع ،، حاولي تتقربين منه في هالفترات مو تبتعدين عنه ،، وربي يخليكم لبعض ويهديه لج يارب ،،

رياليتي ،، حبيبتي ،، عظم الله اجرج ،، ربي يعوضج خير يارب ،، وربي يتقبله شفيع لج ليوم القيامه ان شاء الله ،،


دلع الاحساء ،، الحمدلله تطمنتي على صحتج ،، وداومي على اكل الفيتامينات والكالسيوم والحديد ،، ربي يطمن قلب اختج يارب ،، وخليها تصبر وان شاء الله ربي ييسر لها حملها يارب ،، يالله بنفسي اوسوس وخايفه حيل،، الله يطمن قلوبنا ،،

[االـ م ـهـــااا]

مـــراااوي ماشاااء الله عليك رديتي ع الكل والله يعطيك القووه ان شااء الله ومبرووك عرس اخووك مقدما

[هدوء الماضي]

هدوء الماضي ،، اللي يجي من الله حياه الله ،، بنت او ولد كلهم حلوين ،، انا نفسج بخاطري بنت وزوجي بخاطره بنت ،، بس احساسي يقول ولد ،، واكيد راح افرح به مثل البنت ،، لأني انتظرت هالحمل مده طويله ،، ان شاء الله اعرف جنس البيبي يوم الثلاثاء ،، وحشني فديته ،،


مروى فديتك مبروك زواج اخوكي وزي ماقلتي بنت او ولد كلهم حلوين ونعمه من ربي
انشا الله تعرفي موزيي تقول مو باين

[هدوء الماضي]

كيفكم حوامل شخباركم ...

[صدفة قدر]

مرأوي. .......... والله حبيتك الله يحفظك وييسر حملك وولادتك
بجد انتي من الاشخاص اللي ينحبون بسرعه على شان هالقلب اللي ينبض بين ضلوعك
سبحان الله شوفي من هالمنتدى ومن ردودك عرفت انك انسانه لازم الواحد يقدرها ويحترمها
الله يسعدك ياشيخه ويجعل مكانك مرفوع ان شاء الله
انتيييييييي سكر وربي
وفعلا انا ودي اراسلك على الواتس اب ونسوي قروب

[هدوء الماضي]

المشاركة الأصلية كتبت بواسطة عيش الحياة

المها
انا ولدي كل يوم ضرب على بطني والله اني احوال انتبه بس احيانا غصب عني مره رفسه ومرة يطيح فوقي واحيانا وانا نايمه مدري ايش يسوي في بس الله الحافظ لو جلست اوسوس راح يصير شي ليا وحسوي حالة نفسيه ليا وللبيبي

وانا هذا الحمل على الله اولو نزيف وبعدين مشيمة متقدمة ودحين فايروس من الجو وبطني لسا تعورني من الفايروس الله يحفظ وبرضو خايفة يوصل الفايروس للبيبي غير ادوية العلاج والفطريات المهبلية يارب لك الحمد
ادعو ليا لما تفتكروني

سلامتك يالغاليه ماتشوفي شر الله يتمم حملك على خير وتشوفي طفلك سليم معافى يارب