دردشة حوامل دولة الجزائر- تجمع بنات الجزائر

حَنينْ ، · 10-16-2011, 05:13 PM

اقتباس:

المشاركة الأصلية كتبت بواسطة هادية

راني معاكم صح عندكم الحق بصح خايفة من العملية
مشكلتي كل من نشد موعد عند الدكتورة
زوجي مشغول و بالو طويل اصبري نكمل هذا
اصبري نجوزو العطلة و نتمتعو و مبعد
اصبير يجوز رمضان
اصبري يجوز عرس اختي
اصبري نشرو كروسة مليحة احسن من هاذي
اصبري عندي لجنة خارجة هاذي الايام
و العمر يفوت

و انا نقول معليش شاف ربي فيها صلاح

هاااديه يا ختي شوفي لازم تروحي انتي و زوجك ترقو

لازم الرقية الشرعية

انا نعرف وحدة عندها مشكلة كيما مشكلتك كانت راح تعمل العملية

بصح قبل كانت ترقي هي و زوجها و بعدها

قالولها خلاص متحتاجيش عملية كلش راهو مليح

السحر يقدر يكون السبب سورتو كي راجلك راه يعطل

بلاك عين بلاك حسد

هدوما واعرين متستهزاوش بيهم

انا اختي قعدت عام باش حملت

بصح راحت رقات هي و راجلها

قالهم الشيخ الي رقالهم كنتم مربوطين و قعدو يرقو

حتى حملت و جابت بنت مشاء الله عليها و دورك في عمرها عام و 3 اشهر

و اختي حملت من بعدها ودورك راهي حامل في 6 اشهر

روحي ارقي و سقسي الراقي ادا الحجامة توالمك

خاطرش كاين نسا براو من الحجامة و حملو

هادية · 10-16-2011, 05:14 PM

عملت ديكلوفيناك عندي الام شديدة
اسمحولي سمطتلكم القصرة
خلاص راني مليحة موجة الزعاف راحت

الله يحفضكم يا رب

بليدية · 10-16-2011, 05:16 PM

[quote=هادية;1544711]راني معاكم صح عندكم الحق بصح خايفة من العملية
مشكلتي كل من نشد موعد عند الدكتورة
زوجي مشغول و بالو طويل اصبري نكمل هذا
اصبري نجوزو العطلة و نتمتعو و مبعد
اصبير يجوز رمضان
اصبري يجوز عرس اختي
اصبري نشرو كروسة مليحة احسن من هاذي
اصبري عندي لجنة خارجة هاذي الايام
و العمر يفوت

هاااااااااااادية حطي زوجك قدام امر الواقع قولي خلاص راني ديت موعيد مع الطبيب عجال العملية وهدري معاه بعقلية
وشوفي

حَنينْ ، · 10-16-2011, 05:17 PM

يا هادية متقوليش هاكدا رانا خواتات و بنات بلاد وحدة

لازم نتعاونو و نسمعو لبعضانا

بالعكس انتي تحلي القصرة و القعدة

حَنينْ ، · 10-16-2011, 05:17 PM

قوليلي جامي رقيتي

ام ميسون · 10-16-2011, 05:57 PM

واش راكم لباس

هادية · 10-16-2011, 06:02 PM

حنونة هاذي اول مرة نرقي ف الزيت و العسل و الماء قلولي نقدر نكمل نشرب و اناف ايام الدورة
و راني كنت حنعمل اعشاب كش رحت لدارنا رحت لعجوز داوي بالاعشاب
بصح قاتلي اعمليهم و ارقدي سبعة ايام و ريحي بعدها خمسة عشرة يوم
و انا عرس لوستي بعد العيد مانقدرش شكون يخدم عليا و هي ماش تاع واجب كاس الماء ماتجيبوليش ك نمرض

هادية · 10-16-2011, 06:07 PM

كلامك عسل يا حنين

ريحانة امها · 10-16-2011, 06:07 PM

اقتباس:

المشاركة الأصلية كتبت بواسطة هادية

عندي سنتين هذا نوفمبر ندير سنتين بالضبط بصح عمري اربع و ثلاثين سنة
انا عندي التصاقات انابيب و لازم اعمل عملية ننزع الانابيب تم عملية اطفال الانابيب
و ماني نشرب ف حتى حاجة لقدرتي تمديلي حاجة نديرها

هادية...هدا الامر عادي ...شوفي لحالتي عندي ست سنين زواج ..ومازال ربي ماكتبليش دراري و راني صابرة... و زيد وين راكي هاربة

..ياك رانا قاع كيفكيف ما رايحاش تلقاي بلاصة ترتاحي فيها كما هنا بنات بلاد وحدة..نقدرو نحسو بعضاتنا....عندنا نفس العادات ونفس التقاليد...انا عن نفسي راني نح على قلبي هنا مع البنات خا طرش برا تحكي سرك يشيع فابلاد كامل ...

ريحانة امها · 10-16-2011, 06:14 PM

يا بنات الصبر ثم الصبر...انا نعرف وحدة وحيدة امها ...استادة فرنسية كانت تسكن في غليزان...قريب هبلت على الانجاب ..بعد 5 سنين حملت..مرت فترة الحمل عادي ويوم كملت 9 اشهر بدون اية مشاكل...ماتت...ربي يرحمها لو كان تشوفي حالة امها....تبكي الكافر...ادن كل وحدة تصبر تطلب من الله انو يرزقها ...ان اهم اسباب الانجاب بعد العقم هووووووو......الرضاااااااا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع بنات النعيريه أو اللي مقيمه فيها	زوزي	إستفسارات حوامل من الشهر السابع إلى الشهر التاسع	4	07-26-2012 07:05 AM
هنا تجمع بنات حائل ورفحاء وحفر الباطن	نجوووله	إستفسارات حوامل من الشهر السابع إلى الشهر التاسع	25	03-25-2011 03:54 PM
تجمع بنات قطر لاطفال الانابيب	أميره بكلمتي"	منتدى أطفال الأنابيب	3	10-06-2010 07:06 PM
تجمع بنات الكويت ؟؟؟ فديتكم وكل البنااااااااات	ام امونه	إستفسارات حوامل من الشهر السابع إلى الشهر التاسع	14	06-16-2010 06:38 PM
::ازياء حواامل::	بنووتهـ كيووتــ	الموضة و الجمال	8	05-17-2010 03:59 AM