هنا تجمع حوامل الشهر (الرابع والخامس والسادس)

[رحيل!]

اهلين نوري وعليكم السلام نورتي

[..ام بدر..]

طيب رحيل ممكن يكون الرحم وقتها قصير عشان النزيف والحين يطول؟؟ ولا اذا كان قصير يبقى قصير؟؟؟
انا قالت لي الدكتوره روحي لدكتور اشاعه وحولتني عليه عشان نشوف باقي عنق الرحم قصير او لا

[رحيل!]

لا حبيبتي مستحيل يطول بالعكس كل مازاد عمر الحمل يقصر
انا مثلا في بدايةالرابع كان 4 و دحين 3 وشويه
و الطبيعي2 ونص

[رحيل!]

اش تبغي توجعي راسك لانو حتى لو كان قصير مايمديكي تسوي شي دحين لا ربط ولا غيرو اهم شي لا تشيلي ثقيل و ترتاحي قد ماتقدري

[..ام بدر..]

رحيل اللي اعرفه 2ونص يعني مو طبيعي الطبيعي 3..صح؟؟؟

[noory]

انا تمام الله يسعدكم يارب ابشركم حسيت بالام الطلق بس مادري كذا هي الام الطلق اللي هي جنبي واسفل ظهري ومن تحت الله يكرمكم يروح ويجي واحس اني مااقدر اجلس

[..ام بدر..]

معقووله رحيل الحين مايمدي اسوي شي؟؟؟

انا لمن قالي الدكتور بالطواري عنق الرحم عندك قصير ما اهتميت ابدا ولا ادري انو عنق الرحم له طول معين..لمن شفتك مره سألتي هنا عن طول عنق الرحم استغربت وصرت ابحث بالنت بس لقيت بنات سوو العمليه وهما بالخامس بس صراحه تخوووفت منها كثييير خاصه انو ممنوعه من الدرج وانا شقتي بالدور الرابع ومافيه مصعد غير انو ما اتحرك ولا اشتغل ولا اشيل شي ثقيل وهالشي احسه مستحيل خاصه انو عندي زوج وولد

وكمان البنات اللي عملوها بالخامس تعبو اكثر من اللي عملوها في الاسبوع 11 و12و13

[حلمي أشوفك]

نوري اتوقع هذي آلام الطلق الله يقويك ويقومك بالسلامة .

[..ام بدر..]

نووري...بتحسي زي الام الدوره؟؟
لو استمر معاك هالألم روحي خذي دش داااافي وخلي المويه على ظهرك وبطنك وان شاء الله معاها بيشد الطلق

[حلمي أشوفك]

طيب ام بدر اهلك وين ؟