تجمع الحوامل الي بيولدون في شهر ذو القعده ^_^

أم عبدالرحمن السلفية · 09-14-2011, 01:24 AM

ماما زوزو :
ايوة امشي على جهاز السير عادي بس لا تزيدي السرعة كأنك تتريضي على أقل من مهلك

ريحانة :
الله يقطع ابليسك والله أضحك بصوت عالي من النعاع تبعك كلنا صرنا ننسى و نخبص لكن مو لذي الدرجة ههههههه

بنات زوجي يقول الاوراد إلي أخذتها من هنا ما لها ذكر في السنة إهي أذكار صح بس مو خاصة للولادة لا عامة

%ريحانة الدنيا% · 09-14-2011, 01:31 AM

حتى انا عندي والله بس ما امشي عليه فكرت مره امشي فيه
بس يقولوا المشي الطبيعي احسن لان جهاز السير يسحب منك طاقتك ويضر العضام ويسحب الكالسيوم من الجسم فإحنا في فترة الحمل مسحوب منا كل شي وقاعدين نعوض النقص بالحبوب فمو ناقص علينا سحب زياده
احسلك امشي من غيرو حتى لو في البيت كذا اجلسي متري فيه هههه احسن من السير اذا خلصتي الاربعين عاد ارجعيله بس حاليا ما انصحك
امكن يكون كلامي غلط بس اغلبهم قالولي كذا
فاانتي سوي اللي فيه مصلحه لك
واذا رحتي لدكتورتك شوفي ايش تقولك وتعالي خبريني

أم عبدالرحمن السلفية · 09-14-2011, 01:34 AM

ريحانة كيفك ؟ و متى زوجك راجع ان شاء الله وكم عندك بزورة

الصمت عشقي · 09-14-2011, 01:35 AM

اقتباس:

المشاركة الأصلية كتبت بواسطة أمواج هادئة

الله يجزاك خير اختي جربت الحساب وكان في 14/11 بس المستوصف اخر مره رحت لهم قالو 29/11 اخاف اتأخر إلى 29/11 ويعطوني اسبوع زياده ويتبرز في بطني

أما بالنسبه للشغالات إذا فيه 1200حلو مره لأن إللي عندي ارقامهم اقل شي في الشهر 3000 واكثر شي في الشهر 5000 غالييييين مره أنا من الشرقية زوديني بالأرقام الله يجزاك خير

شوفي خيتو \اهم يعطونك تاريخ مايكون يوم ولادتك
لا ... اهم يعطونك هذا التاريخ عشان يكون اقصى موعد للولاده
يعني في احتمال تولدين قبل هالتاريخ
وبهالتاريخ تكوني خلصتي التاسع
ربي يهون عليك ان شاء الله
وانتي لاتحاتي لان النفسيه لها دور
انسي الولاده وهمها وربي كاتب لجنينك متى يطلع
ان شاء الله تولدي وتقومي بالسلامه
بس لاتنسينا من دعواتك

%ريحانة الدنيا% · 09-14-2011, 01:38 AM

بنات بنت عمي جالسه في الصاله لوحدها من يوم ماجات وانا مسويه نص سحبه عليها ومطيحه عندكم خخ وربي لو ما الله ثم انتو كان جاتني حاله نفسيه
بجد الله يخليكم لي
بروح لها متفشله معها والله
وتصبحون على ولاده ميسره
سليمين فيها انتو ونوناتكم

%ريحانة الدنيا% · 09-14-2011, 01:44 AM

ام عبد الرحمن انا طيبه الحمد لله
زوجي ماراح يرجع عشان المدارس مايقدر يغيب
بعد 3 اسابيع امكن يجي يومين ويرجع
وانا بكريه ماعندي اطفال
هذا اول فرحه لي بنوتتي الله يجيبها بالسلامه يارب

ماما زوزو · 09-14-2011, 01:56 AM

ريحانة.. باجر ان شاء الله اسأل الدكتورة عشان نتأكد.. حبيبتي روحي لبنت عمج حرام قاعدة لوحدها... احنه موجودين دايما ان شاء الله
انا بعد رح اروح احاول انام لاني اليوم تعبت كثير في البيت مع اني ماخلصت كل الشغل
تصبحون على خييييييير

جمره غضى · 09-14-2011, 01:57 AM

ماما زوزو
بخير ياحياتي ... انتي كيفك
اخر زياره للدكتوره كانت السبت اللي راح ... والحمدلله تطمنت على البيبي
وقالت لي مراجعه ثانيه يوم السبت الجاي كمان ...

ريحانه يوووه خليها على الله ... مافيه وقت حتى اناظر نفسي بالمرايه من الشششغل
وامس تخيلي كان عندي رجااال ضيووف ... وقهوه وشاي وعشاااء ... انهلكت
كنت من العصر اشتغل في البيت وماخلصت الا العشاء ... واتصلو الضيوف قالو احنا عند باب البيت افتحو ...... ياليييييييييل مطولك بغيت ابكي هههههه
بس الحمدلله بيضت وجه زوجي وقمت بواجبهم ...

واليوم رحت السوق اشتريت اغراض للبيبي ... مدس وشنطه وطقمين ومهادات وبطانيات خفيفه وسرير وشرابات ووووو

باقي الصيدليه الرضاعات والاشياء ذي
وباقي ملابسي حقت النفاس
وباقي السرير الكبير حقي ومفرش معاه
وباقي اغراض العطار ..
وكمان بشتري طاوله واحط عليها مفرش فخم ... وعليه الحلويات وتوزيعات الاستقبال

يارب يسهلها

جمره غضى · 09-14-2011, 02:01 AM

ماما زوز
ريحانه الدنيا

نووووم العوافي يااااارب ...

MooNi · 09-14-2011, 03:42 AM

صباح الخير '''

وش اخر اخبار الشهر الثامن والتاسع معاااكممم ؟

الاكتئاب والعصبيه ملازمتني متى تفك مني يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	4430	01-02-2012 11:34 AM
تجمع الحوامل اللي بيولدون شهر شوال 1432ه	ميرندا فراولة	إستفسارات مرحلة الولادة	10233	12-31-2011 05:18 AM
تجمع الحوامل	نعومه	إستفسارات حوامل من الشهر السابع إلى الشهر التاسع	312	12-16-2011 10:23 PM
تجمع الكروشات اللي موعد ولادتهم شهر * رمضآآن * 1432	ابغى نونو بحضني	إستفسارات مرحلة الولادة	42975	09-01-2011 06:36 AM
تجمع ......... الحوامل ............ (( البكريات ))	دلوعة فوفو حبيبي	إستفسارات حوامل من الشهر السابع إلى الشهر التاسع	2	10-31-2010 07:38 PM