ديوانية حوامل البحرين

[بنت الأياويد]

اي شخبارج فديتج وحشتنا سواليفج وحشتنا شوفتج أكثر ، كنت اتعشى ويا ريلي مسوية لوبه وجاي حليب

[أم حماني]

وانتي وحشتيني اكثر ... بالعافيه ان شاء الله ... انا تسحرت بيض وجبن هههههه .. اكلة ريلي المفضله وانا صرت مثله ,,, الليله اخر ليله لي معاكم ... باجر بالليل بروح المستشفى

[بنت الأياويد]

والله مابي اتذكر ان باجر بتروحين المستشفى متكدره اني بفارقج وفي نفس الوقت مستانسه لج لان بتشوفين ضناج، بدعي لج ان شاء الله في الصلاة

[أم حماني]

لا اشدعوه ان شاء الله ما في فراق .. ان شاء الله يكون حماني من النوع اللي يطول بالنوم عشان يمديني ادخل اسولف معاكم ...

[بنت الأياويد]

ان شااء الله ياااربي مانبيج تقطعينا

[أم حماني]

ما في شي اسويه عشان اييني الطلق طبيعي ؟؟ ولدي مادري اشفيه احسه متضايق وايد يتحرك داخل ..

[بنت الأياويد]

قلت لج امشي وايد وكثري من الرطب ، قوليلهم خل يصبرون عليج

[أم حماني]

الدكتورة ع قولتها انها مابتستعيل ... بتحط لي بس حبة الاربعا .. تخيلي ادخل واطلع من المستشفى بدون ما اولد هههههههههه والله فشيله

[بنت الأياويد]

ههههههههههههههههه حلوة ذي فشيلة ، اللي الله كاتبه بصير

[أم حماني]

على الله .. قولي لي شخبارج مع التسوق ..؟ شريتي لج شي حق العيد ؟