تجمع حــوامل التوائم

[أستاذة ذوق]

برنسيسه
ليش ماعجبك الرباعي مع انه يقولون تشوفي البيبي واااااضح

[البرنسيسة..؟]

وصايف الله يرزقج من اوسع ابوابه وتكونين حامل وتعدي الايام والشهور وتشوفين ضناج قدامج يارب انت قادر على كل شي ارزق وصايف الحمل السليم المعافى ياكريم يالله,,,,

[البرنسيسة..؟]

المشاركة الأصلية كتبت بواسطة توأمي فرحة عمري

برنسيسه
ليش ماعجبك الرباعي مع انه يقولون تشوفي البيبي واااااضح

؟؟؟؟؟؟؟؟؟؟؟؟؟؟
احس ان ملامح البيبي تطلع كبيرة..... انا افضل السونار العادي بس للاطمئنان على صحة البيبي,,,

[البرنسيسة..؟]

توامي,,,,
التصوير كثرة يضر البيبي .... كل كم اصور افضل يعني كل اسبوعين او3 او4

[نونة العسولة]

المشاركة الأصلية كتبت بواسطة وصايف

تسلمين نونه الله يسعدك يارب ويفرحك

مثل ماتفرحين بدعواتك

اسال الله تعالى ان يرزقني حمل في هــذا الشهر

وانضمـ اليكمـ



:)

فديتج

الله يرزقج يارب وتنظمين معانا

خليج متابعه معانا حبيبتي وان شاء الله يارب تحملين قريبا

[نونة العسولة]

صباح الخير كروووشات

شخباركم؟ اليوم كان عندي مراجعه

وخلاص توكلت على الله واخترت اولد طبيعي

خاااايفه حيل من الولاده ودي اتحمل هالثقل والتعب بس مااولد واااااي

الحمدلله اوزان البنات زايد عن اخر مره قالتلي ماشاء الله راح ينولدون باوزان ممتازه

والله يسهل عليكم وعلينا ويرزق كل محرومه يارب

[حنان الهاجري]

خواتي الغاليات انا فالاسبوع ال 18 بداية الخامس وسرت امس سويت سونار عادي كنت. على امل شديد انهم يطلعون توام اولاد او واحد بنت والثاني ولد بس طلعوا توأم بنات والحمد لله على كل حال بس كان خاطري باولاد لان عندي بنتين قبل وانا عمري 30 خواتي ممكن يكون في امل ان السونار يطلع خطأ؟ لان حركة الجنين بدت عندي من بداية الشهر الرابع وقالوا لي ان الولد يتحرك فالشهر الرابع
ادعولي بنات الله يخليكم ان الله يرزقني بالولد في هذاالتوأم

[نـــــــارا]

ربي يحفظ توائمكم ويرزق كل محروم يا رب

توأمي.. بصراحة حبيته الرباعي بس ما يسوى إلا في الأشهر الأخيرة لأن الحركة السريعة تخلي الصورة مو واضحة

طبعاً هالمرة صور بناتي أوضح من المرة اللي فاتت لأن كبروا فديتهم بس مشكلة الحركة تخليهم مو واضحين مرة

السونار العادي حلو بعد بس ما تفهمين شي :)

حبيبتي حنان الهاجري.. ما له علاقة حركة البيبي من الرابع.. أنا تحركوا عندي من الرابع ومن بدايته بعد وثنتينهم بنات والكل يقول لي فيكي ولد (على اعتبار ان محد يعرف اني حامل بتوأم)

[أم فاطمة]

مساء الخيرات كروشات
كيف حالكن مع توائمكن الحلوين
انا بناتي تحركوا في بطني من نهاية الشهر الثالث
وانا اللحين ما اثق في وقت الحركة ولا في نوعها لان الكل يقول ان حركة الولد في بطن امه السباحة وانا بناتي كانوا يسبحون في بطني واللحين حركة البيبيات غير عن حركة بناتي اللحين دايما احس برفسات مو سباحة
والدكتورة تقول احتمال يكونون بنات
انا اقول بنات والا اولاد مو مهم المهم هو الصحة وكمال الخلقة

[حنان الهاجري]

صح كلامكم خواتي جزاكم الله خير