هنا تجمع حوامل الشهر (الرابع والخامس والسادس)

سكوون · 03-09-2010, 12:41 PM

أنا في أسبوع 24
بس كثير جنبي يألمني
خاصة بعد الظهر ( سبحانه الله )
علما إني موظفة إدارية و دوامي من ساعه 8 إلى 5 عصرا
بس أنا أشرب مــــــــاء كثير و أمشي على فترة و فترة
بس يا ترى شو السبب في رأيكم ؟؟؟

غنوجة خالد · 03-09-2010, 04:00 PM

حبيبتي احلام اتوقع انك باذن الله لك 92 يوم وانتي في الاسبوع الرابع عشر وانشاء الله راح تكون ولادتك في النص من رمضان وبا النسبة للفيتامينات انتي ما رحتي عندالدكتورة علشان تكتبلك لازم تاكلين انا تقريبا 3 انواع عندي
والمغص حبيبتي اذا كان كثير وتحسين انك تبين تروحين الحمام ((وانتو بكرامه)) كثير لازم تراجعين دكتورتك احسن للاطمائنان

ام تـولـيـن · 03-09-2010, 06:55 PM

مساء الخيرر انا جديده في المنتدى وسجلت لاني جدا بحاجه لكم بحكم اني صغيرة وبعيده عن اهلي انا عمري 19 وفي الشهر السادس باقي اسبوع وادخل السابع بس عندي مشكله احس في المبايض احيان الم قوي ومااتحمل وكل دقيقه اروح لدورة المياه> الله يعزكم >و زوجي ماهو حاس فيني لما اقوله يقول عادي كل الحوامل يتعبون وانا خايفه اتصل على امي تخاف علي ومحتارة الله يريح بالها ويسهل امورها اللي ترد علي وجع المبايض طبيعي والا التهاب والا شي اكبر تكفوووون ردو علي

اختكم الصغيرة ام تولين

أحــلام · 03-09-2010, 07:22 PM

مشكورة يا قلبي

بس يعني الفيتامينات انا محتاجتها والموعد بعيييد
تتوقعين لو اروح لطبيبة عامة تكتبلي شيء؟

طيب الاسبوع 14 من اي يشهر الرابع صح؟
وكيف اعرف انو في اليوم الفلاني ادخل الشهر الفلاني ؟

اما الولادة يقولون البكر تطول صح؟
ان شاء الله بعد العيد يارب على خيروسلامة ولا تفوت علي ليلة القدر وايام العشر الفضيلة ,,
قولي آمين

مرة ثانية مشكورة يا حلوة,,

ام تـولـيـن · 03-09-2010, 07:10 PM

وينكم احد يرد علي

يارب عفوك · 03-10-2010, 03:22 AM

بناااااات تعرفون انا اي شهر اكمل مثلآ الرابع وهيك

يعني مثلآ انا الرابع
ابغي اعرف كم من الشهر ادخل الخامس

ردو علي بليز

وآخر دوره لي كانت 22_11_1430

تاهت حروفي · 03-10-2010, 08:51 AM

والله ماعندي علم كم بيكون لك من أسبوع!

بس الدكتوره راح تعرف بضبط كم لك

وبالنسبه للالم عــادي انا جاني في الشهر الخامس

طلق مبكر ورحت لدكتور وقال احتمــال ولده مبكره

بس الحمد لله عطاني مثبتــأت والحمد لله الان

بشهر الســادس مافي شي بس الالم

في السفل البـــطن مثل الالم الدوره وهذا طبيعي

يارب عفوك · 03-10-2010, 03:39 PM

طيب بنات احد فيها شد عضل بالفخذ
؟وكيف تعالجت

حلا الماس · 03-10-2010, 03:45 PM

مشكورة اختي سكون ما قصرتي

ربي يتمم للجميع على خير وسلامة يا رب

تاهت حروفي · 03-12-2010, 09:35 AM

الحمد لله ماجاني شــد عضلي بالفخذ!!