تجمع نفوسآآآآت شَوآآآل1432هَ..

MAяSҺy · 10-17-2011, 05:19 PM

هلا احلى بيشوو

حلو المشغل الي حجزتي عندوو

انصحك تصبغي لانو الخلطه مو من اول مره تبان وامكن ماتزبط

اختي سمره وصبغت بني وطلع جنان عليها وفتحها

والحمدلله ع سسلامتك والف مبروك طلعتكم من الاربعيين

Joana · 10-17-2011, 05:23 PM

مساء الخير....اشوف الكل شايل هم الخياطه....انا زيكم...ومارحت المستشفى

عشان اشوف...و احس خيوطي طاحت بدري وما تألمني ..مو زي ولاداتي السابقه...

تجلس شهر والامها متعبه...انا وقفت الكريم و الغسول...و استخدم بس عسول جل فيدو

بعضهم خوفوني من غسول المر وقالوا لا تستخدميه يجيب التهابات...واستخدمته مرتين و

بطلته..

Joana · 10-17-2011, 05:47 PM

مساء الخير...

اشوف الكل شايل هم الخياطه...وانا زيكم...احسها فكت بدري و ماكانت تألمني زي ولاداتي

السابقه...تجلس شهر و يادوب افدر امشي منها..مره متعبه...و انا مارحت كشفت

ووقفت ميبو و الغسول البتادين

حاليا استخدم غسول جل فيدو بس...استخدمت غسول المر مرتين و بطلته خوفوني منه

يقولوا يجيب التهابات...ايش يوم تنصحوني استخدم شي ولا الجل المنظف يكفي؟؟؟23

على ولادتي ...

Joana · 10-17-2011, 06:02 PM

احلى بيشو...حلو النظام اللي بيسويه المشغل...حت سعرهم كمان حلو...

و اللو البني يعجبني....بس محتاره...تعجبني صبغة مايا دياب في هيك بنغني...

بس ما ادري هي صبغه ولا مسويه خصل...نفسي اصبغ زيها بس خايفه محد يزبطها...

انا لي 23 يوم على ولادتي...و ببدأ بجلسات التمريخ...ما سويتها اول لأني خفت على الخياطه..

و لما اكمل شهر ان شاءالله في وحده حتجيني البيت جربتها كم مره و شغلها حلو...

حتسويلي الفتله و التنظيف و حمام مغربي....ووحده ممرخه قالتلي الحمام المغربي

احسن تسويه النفاس كل اسبوع ...طبعا بعد اسبوع من الولاده...بس افضل لا عشان الخياطه.....انا حاسويه مرتين

لما اكمل شهر و لما اخلص الاربعين... واجاتني وحده امس اسمه اميمونه قصت شعري

مدرج...و طلع حلو..

فوشيا...فين اختك صبغت شعرها؟؟؟ انا في وحده اسمها ام خلود حتجيني البيت

و تصبغ شعري...سمعتي عنها؟؟؟؟و ايش رايك في صبغة مايا دياب؟؟؟

تستنى بقية البنات...ايش بتسسوا من تغيير طله ؟؟؟ **نيو لوك**

حلاوي · 10-17-2011, 07:31 PM

جوانا ماشاءالله عليكي ارسليلي ارقامهم اللي يجوكي في البيت عشان مرا محتاجتهم س شايله هم بنتي مدري فين اوديها مامتي تعبانه واخواتي صح كبار بس والله خايفه عليها اول مرا يمسكوا طفل صغير مرا متعلقه فيها

انا ابغا وحده تنقش وتسوي حمام مغربي وتقص وتصبغ واللي تمرخ خخخخخخخخخخخخخ ابغاهم كلهم الله يسعدك يارب

ناويه اصبغ اشقر حواجبي واصبغ شعري لسا ماقررت ايش اصبغ بس زوجي نفسه في اشقر وانا خايفه من دا اللون
حعمل حمام مغربي واشيل بالحلاوه
الجمعه او الخميس حنزل السوق اشتريلي كم فستان وبناطيل وبلايز وحشتري لبنوتي ياليت تقولولي كيف الاسواق دحين خاصه سنتر بوينت ومتى تبدأ تخفيضات الاسواق؟
حشتري مفرش للسرير وحغير غرفه النوم قصدي حغير ترتيبه عشان يكون في مكان لسرير بنوتي
وحشتري شموع واكسسوارات للبيت
بالعربي لازم ابدأ اهتم بالبيت لاني ماهتميت فيه من يوم زواجي ماشتريت له اشياء كثير مع انه كامل اهل زوجي جهزوه ليا بس في اشياء بسيطه ناقصه
وتقريبا هذا اهم شي
انا حاليا اسوي خلطه لجسمي اللي هي بياض الثلج بس مضايقتني المنطقه مسمره شوي نفسي ارجعها زي زمان بس شكلي حطول

P!nk tul!p · 10-17-2011, 07:53 PM

اهلين جوانا منوره بيشوو حياك ياسوكر
مشاء الله بداتو تشتغلو اصلا حتى النفسيه اتحسسسسسنت الحمد الله

بنات بسالكم امس طهرت ولدي الحمد الله في الصباح ولمن رجعت البيت الشاشه واللي جوا طاحت بعد العشا و--- الحين ماعليه ولا شي لا شاش ولا غيره عادي؟؟
والدكتور ماعطاني كريمات قال بس انقط زيت زيتون عشان تطيح وهي طاحت بدون زيت ولا شي

انا محتااره بصبغة الشعر اصبغو ولا لا لانو اول حمل ليا وباقي شويه من صبغة زواجي كان شوكلات فاتح داخله نحاسي خفيف كانت اول صبغة بحياتي
خايفه ينعدميصير ناشف زي المره الاولى

انا بيضا عل حمار خفيف ومحتاره بالقصه شعري طويل لين اسفل ظهري وابغى اغير من شكلي واطلع بشكل غيرر نفسي اقصه قصيرررررر بس زوجي يحب الطويل
شو القصات الطالعه غير فكتوريا لاني طفشت منها بالجامعه

تنظيف بشره مع تقشير كرستالي بسيط بسويه بمركز طبي شغلهم حلوو اسمو الطبابه بالتحليه وحمام بعمله مره بنواره والباقي ببيتي --- المره الاولى عشان انفرك مزبوط :p

جسمي سودانيه تجي البيت تعملو حلاوه
وحمام زيت في البيت
وواكس وحواجب اشوف فين اعملهم

بس الصبغه اكيد بوحده من الاثنين نزهه او عطره لان هم اللي يزبوطها تمام

باخذ هديه لزوجي بمناسبة العيد ورجوع البيت نظاره شمسيه ماركه
لان نظارتو ضاعت
بس السوق شايلللله همه لان مو اي شي يعجبني
اش تنصحوني بعطر جديد حلوو ومميز

P!nk tul!p · 10-17-2011, 08:05 PM

حلاوي ياقلبي عليك هههههه لو تشوفيني راميه ولدي بكل مكان ببيت اهلي عند ماما واختي
مع ان اختي الصغيره بدات تغار منه عمرها 4 سنين بس الحمد الله منشغله عنه باللعب بس اخاف اخليه عندها
بس تبوسو وتروح

قبل فتره كان مذركير مسوي تخفيض
بس سنتر بوينت ماعتقد راح يسوو تخفيض وخاصه على العيد
يمكن بعد العيد
نكست كان عنده تخفيض بس ماعرف اذا لسى موجود
انا ناقصني قطعتين له بس وسلة موسى لانو نعيد عند اهلي واهلو تكون دايم جمعات فاضمن انه يريحو هناك

سمعت عن ممرخه بجده اسمها ام حسن يمنيه احد يعرفها؟

حلاي شو هيا الخلطه

حلاوي · 10-17-2011, 08:59 PM

بينك الخلطه اخذتها بعد ماشفت كثير يمدحوها
هي صابون غار تنقعيه ليله كامله في كوب ماءورد
وبعدها تحطي عليهم
كركم حق الجسم 3 ملاعق
فنجال شاي الصغير زيت جلسرين ولوز مر وزيت زيتون وخروع بس انا ماحطيت الخروع واللوز
وفكس علبه صغيره وجولسليد
وطريقتها زي الحمام المغربي تخليهها على جسمك عشر دقايق وتفركي بعدين وخلاص يارب اشوف نتيجه

فرقد النور · 10-17-2011, 11:54 PM

مساء الخيرات ياحلوات
مبروك بنك طهارة ابنك وان شاء الله تشوفينة معرس
أنا ابني طاحت الشاشة بعد عشر ساعات من طهارته وأعطاني الدكتور مرهم ( افوميب) لمدة اسبوع وبعدين وديناه يشيك عليه وكل شي تمام والحمد لله

احلى بيشو · 10-18-2011, 12:02 AM

اقتباس:

المشاركة الأصلية كتبت بواسطة فوشيآ

هلا احلى بيشوو

حلو المشغل الي حجزتي عندوو

انصحك تصبغي لانو الخلطه مو من اول مره تبان وامكن ماتزبط

اختي سمره وصبغت بني وطلع جنان عليها وفتحها

والحمدلله ع سسلامتك والف مبروك طلعتكم من الاربعيين

ياقلبي والله جارتنا مدحته لي ورحت لهم اليوم معها ونصحوني بكذا شغله بس الي متخوفه منه الصبغ مرررره خايفه لااني اول مره اسويه واخاف يخرب شعري ويتساقط وكذا يعني ولا الباقي ان شاء الله كل شي تمام
والخلطه والله قرئت عنها ومحتاااااره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ما بعد الولادة	طبيبة القلوب	إستفسارات مرحلة الولادة	13745	06-19-2014 09:03 AM
تجمع حوامل	warka	ملتقى عضوات حوامل	7	06-22-2012 09:12 PM
مصير الي تدلع هع	شمس الشموس	ملتقى عضوات حوامل	8	07-12-2011 01:07 AM
هنا تجمع موت الاجنة	غيوم الحزن	منتدى الولادة المبكرة والإجهاض	0	04-02-2011 11:14 PM
تجمع الحساويات	دنيتى غريبه	إستفسارات حوامل من الشهر السابع إلى الشهر التاسع	0	09-19-2010 03:47 PM