تجمع حوامل ليبيا

[hatoo]

اهلين بنات كيف حالكم,اه ياام اسيل موعدي يوم 9-9 وفرح اخت راجلي يوم 16-9 مش عارفه كيف ندير وانا النت فاصل عندي توا خاشه من عند هلي وكيف حالك ياميررررنا وحبل الوصل شن اخر الاخبار

[حبل الوصل]

انى اليوم جتنى الدورة مصدومة مش وقتها بكللل نفسيتى صفر اول مرة تقدم على موعدها المفروض تجى يوم 14 الله غالب

[حبل الوصل]

هلا هاتو ربي يقومك بالسلامة ويسهل عليك يارب ادعيلنا معاك والله اول مرة نكون متأملة وننصدم نحس في روحى بنبكى

[ام اسيل]

اختي حبل الوصل انا والله زعلانة بكل ولكن قدر الله وماشاء فعل وكل توخيرة فيها خيرة واهم شي خلي نفسبتك تمانم عشان الشهر الجاي يصير خير يارب وماتزعليش سلم عويلتك مازال عندهم في الدلع نصيب

[ام اسيل]

ام لقمان وسااااااااااااااااجدة وينكم عسى المانع خير . ساجدة حتى انتي تقري في بريطانيا ولا كساد

[ام لقمان]

السلام عليكم ياخواتى
انشالله احوالكم بخير
حبل الوصل ولا يهمك كل حاجه لها وقت وقبلها ما يصير شىء
سامحينى يا ساجده كتبتلك رد وفصلت عندى النت
اخبارى وصلت العد التنازلى وين ما تجى الليه انقول شكلها جديات
دعواتكم لى ولاخواتى بالسلامه
كان انحصل الولاده تتاخر على شان امتحانات الاولاد
وين نشبح التعب انقول ياريتها اليوم
المهم انشاله كلكم بخير
وتصبحوا على خير

[ام لقمان]

انسيت ما قلتلكمش ان الطبيب قالى اميه البيبى اشويه ربى يستر ما رال الوقت والحكايه بدت اتخوف
ما تنسونيش من دعواتكم

[ميرنا]

المشاركة الأصلية كتبت بواسطة حبل الوصل

انى اليوم جتنى الدورة مصدومة مش وقتها بكللل نفسيتى صفر اول مرة تقدم على موعدها المفروض تجى يوم 14 الله غالب

حبل الوصل نفس ما قلتى الله غالب لى علينا انديروها والباقى على الله وانتى سلم اعويلتك والله لو انا فى مكانك ماتنزلى دمعة وعويلتى قدامى وربى انشالله يعطيك على قصد نيتك الطيبة *

[ميرنا]

هاتو انشالله بسلمتك وبسلمت اخت راجلك بس اعتقد انك حاتحظريه الان البكرية اتكمل شهرها وتزيد واذا كان جبتى قبل الفرح ما اتخليها اتخش عليك وهى عروس لان نحن عندنا فى الشرق موش اكويس اتخش العروس على النفاس واسالى امك اذاكان موجودة ونصحكى وانتى مثل اختى ما تاخذى دور مرأة الابن المثالية فى الفرح اهم حاجة صحتك وصحت البيبى والاتقعدى تعرضى وانتى جايب يعطنها لك على طول البس محرمتك على راسك والبس توت اوروب دافى الله الله اتعرضى للهواء البارد وديرى روحك مريضة واصله حدك قدام الصبايا لانك لو تصير فيك حاجة وبعيد السواء عليك ولله والله ما يرحمنك يقعدن ايقولن ترفس وتطيار ماهى حاط فى الارض وتعرض وكل اشوى لبس حاجة واحدة ديريها لى ايخش يسلم عليك ويحمدلك على سلمتك سلمى عليه تسليمة حار وافرحى به واعطيه حجمه وقدريه بس من افراشك ماتصبيش واخيرا ربى يرعاك ويحرصك من العين

[ميرنا]

[quote=ام لقمان;151161]انسيت ما قلتلكمش ان الطبيب قالى اميه البيبى اشويه ربى يستر ما رال الوقت والحكايه بدت اتخوف
ما تنسونيش من دعوا

ام لقمان
ربى يسلمك لعويلتك وانشالله ربى يفرحك بنجاحهم قولى امين
اما بنسبة لمية الجنين انتبيه حاولى ماتغيبى على عين الدكتورة اذا كان ذهبتى الى الدكتورة السبت عدى مرة اخرة يوم الثلاثا يعنى راقبى المية ماتغفليش عليها وربى امعك