ديوانية حوامل البحرين

أم حماني · 09-06-2010, 04:36 AM

شغلهم ماعليه كلام .. انا مسوية كوشتي حق عرسي عندهم .. كان روعه ... سويت المسرح وزينة الممر كله استاندات و ورد طبيعي .. وحتى طاولات المعازيم زينوها .. سويت الثيم وردي وفضي .. ب 300 او 350 .. والحين اجار الزينة والاستاند مع اسم البيبي ب 45 حق 3 ايام

بنت الأياويد · 09-06-2010, 04:40 AM

الزينة بروحها بجم؟ وشلون بتسوين نفافيخ ولا شنو؟ انا سمعت ان البجر يخلونها ترقد عندهم 3 ايام؟ شسم المحل ؟ احنا عندنا في جدعلي نرين بعد زين نفافيخه واشياءه كله من برع اوردر

أم حماني · 09-06-2010, 04:47 AM

اهوة زينة الباب عباره عن نفس الغصن وفيه ورود ومن تحت كله بالونات ,, اسمه دريم هوم ,,, نرين رحت له بعرسي وايد غالي .. واللي قلت لج عنه كله ب 45 .. بس اجار وعقب اييون يشيلونه ... يفكونج من العباله

بنت الأياويد · 09-06-2010, 04:48 AM

وين محله هذي ؟ احسه بيطلع حلو وعندهم بعد كاتلوجات يراوونج تشاكيل؟

أم حماني · 09-06-2010, 04:52 AM

هاذي صاير ع شارع الخدمات عقب الحلي بشوي .. عندهم البومات يروونج شغلهم

أم حماني · 09-06-2010, 04:54 AM

انا ان شاء الله بصور كل شي وعقب برويكم الصور

بنت الأياويد · 09-06-2010, 04:54 AM

اي جني جايفه محل عارض ستاندات وايد روعة في الفترينا الظاهر هذا اهو ، ان شاء الله حق ولادتي بحجز عنده ، في نفس اليوم اذا ولدتي ان شاء الله بالسلامة اييبون لج ؟

بنت الأياويد · 09-06-2010, 04:57 AM

اي احسن شي تسوين صوري عشان اخذ افكار اوردي انا وراي مشوار طويل تو الناس على الولادة على الاقل انتي تكونين صاحبة خبره عقب وتكلمينه في الديوانية وحماني في حضنج قولي ياارب يطلع بالسلامة وتفرحين بشوفته يارب العالمين في هالليالي المبروكة ويصير العيد عيدين

أم حماني · 09-06-2010, 04:57 AM

متى ماكلمتيهم ايونج ع طول ... انا ابي احد يعتمد عليه ... وادري هذي ثقه ... راعي المحل اسمه ياسر ... ضحك يوم جافني لانه كنت كله احن عليه واملله في عرسي هههههههه

بنت الأياويد · 09-06-2010, 04:58 AM

ليش ماتشربج امج دارسين يقولج يحمي الطلق ؟وكثري من الرطب والمشي بعد زين